2 Bakyabazinga 17:23 - Baibuli Ekibono kya Katonda 2014

²³ okutuusa Musengwa Katonda lwe yababinga mu maiso ge, nga bwe yabalabula ng'abita mu bagheereza be abalanzi boonaboona. Agho ab'omu Isiraeli baabatoola mu nsi yaibwe, baabatwala mu Assiria ye bakaali ni ye buli eno.

2 Bakyabazinga 17:23 ပူးပေါင်းရင်းမြစ်များ

1 Bakyabazinga 13:2

Omulanzi oyo, yaavumirira alutaari eyo ng'ajiira ku ebyo Musengwa Katonda bye yamulagira, ati: “Alutaari iwe, alutaari iwe, Musengwa Katonda akoba ati, ‘Bona eno, omwana omulenzi alizaalibwa mu ndhu ya Daudi, ng'eriina lye ni Yosia. Aliitira ku iwe bakabona ab'ebifo ebigulumivu ebisinzibwamu abakuniokerezaaku obubbaani, baaba ng'oti n'omusengo ogugheebwayo. Era amagumba g'abantu galyokerwa ku iwe.’ ”

1 Bakyabazinga 14:16

Musengwa Katonda aja kulekulira agho Isiraeli olw'ebibi bya Yeroboamu bye yakola, n'ebyo bye yaleetera Abaisiraeli okukola.”

1 Bakyabazinga 9:7

olwo nditoola Abaisiraeli mu nsi ye mbaghaire, era naalekulira agho eisinzizo lino lye ntukwiza okunsinzizangamu. Isiraeli erifuuka eky'okwogeraku era yaafuuka enseko dh'abalamu mu maghanga goonagoona.

2 Bakyabazinga 13:23

Aye Musengwa Katonda yaabagemerwa ekivunika, yaabasaasira. Yaira ku luuyi lwaibwe yaababeera olw'endagaano ye yakola ni Aburahamu ni Isaaka ni Yakobo, era yaaloba kubazikiriza waire okubabinga mu maiso ge ni ye buli eno.

2 Bakyabazinga 17:13

Ate nga Musengwa Katonda yalabulanga Isiraeli ni Buyudaaya ng'abita mu balanzi ni mu baboni, ng'akoba ati: “Mukyuke, muve mu mpisa dhaimwe embi mugeme ebiragiro byange ebiri mu Mateeka gange, ge nagha badhaadha baimwe nga mbita mu bagheereza bange abalanzi.”

2 Bakyabazinga 17:18

Agho Musengwa Katonda yaasungughalira inho Abaisiraeli, yaababinga mu maiso ge ghaaloba kusigalagho waire omulala ati, okutoolaku ab'omu Buyudaaya bonka.

2 Bakyabazinga 17:20

Musengwa Katonda yaalekulira agho baidhukulu ba Isiraeli boonaboona, yaababonereza ng'abaghaayo mu mikono gy'abazigu baibwe, okutuusa lwe yababingira irala mu maiso ge.

2 Bakyabazinga 17:22

Ab'omu Isiraeli abo baakolanga ebibi byonabyona Yeroboamu bye yakolanga, baaloba kulekera,

2 Bakyabazinga 17:6

Mu mwaka ogwomwenda nga kyabazinga Hoshea n'afuga Isiraeli, kyabazinga w'e Assiria yaagema ekibuga Samaria, era yaakukumba abantu ab'omu Isiraeli yaabatwala mu Assiria nga banhage. Abandi yaabata mu kibuga Hala, abandi kumpi n'omwiga Habori mu kiketezo ky'e Gozani, ate abandi mu bibuga eby'Abamedia.

2 Bakyabazinga 21:14

Ndirekulira agho abantu bange abaliwonagho, naabaghaayo mu ngalo dh'abazigu baibwe, baabeegabula era baabafuula omunhago gwaibwe.

2 Bakyabazinga 23:27

Musengwa Katonda yaakoba ati: “Ndidha kubinga Buyudaaya mu maiso gange, ng'oti bwe nabinga Isiraeli. Ndidha kulekulira agho ekibuga kino Yerusalemu kye nalondamu, era ndekulire agho n'eisinzizo lye nakoba nti mwe banansinzizanga.”

2 Bakyabazinga 24:3

Bwenebwene Musengwa Katonda n'eyalagira kibe kityo, abantu b'omu Buyudaaya baghange okutoolebwa mu maiso ge, olw'ebibi byonabyona Manasse bye yakola,

2 Bakyabazinga 25:21

mu kiketezo ky'e Hamathi. Kyabazinga oyo yaabakuba era yaabaitira eyo. Batyo Abayudaaya bwe baabatoola mu nsi yaibwe nga basibe, baabatwala mu bunhage.

2 Bakyabazinga 3:3

Aye era Yehoramu oyo yaakola ebibi ebyaleetera Isiraeli okwonoona ng'oti ni kyabazinga Yeroboamu mutabane wa Nebati bwe yakola. Era Yehoramu oyo yaaloba kuva mu bibi ebyo.

Nehemia 9:32

Wo Katonda waife omukologho, oli w'amaani era wa ntiisa. Iwe okuuma endagaano era waagonza abantu obutakoma. Agho ni, ebizibu byonabyona ebyatwidhira, ife ni bakyabazinga baife, n'abakungu baife, ni bakabona baife, n'abalanzi baife, ni badhaadha baife, n'abantu bo boonaboona, okuviira irala ku byanda bya bakyabazinga ba Assiria, okutuusa ni ye buli eno, otabitwala ng'ekintu ekitono.

Zabbuli 51:13

Olwo ndyegeresa abasobya y'oli baatambulira mu ngira yo, n'aboonooni baakyuka baira y'oli.

Isaia 7:8

kuba Rezini afuga Siria yonka n'ekibuga kyayo ekikulu Damasiko. Ate mu myaka nkaaga n'etaanu, Isiraeli eriba yeekutwirekutwiremu nga tekaali ighanga irala.

Yeremia 52:3

Musengwa Katonda yaasungughalira ab'omu Yerusalemu n'ab'omu Buyudaaya ebitaloodheka, yaababingagho mu maiso ge. Agho Zedekia yaadheemera kyabazinga Nebukadinezzari ow'e Babilonia.

Yeremia 7:15

Era imwe ndidha kubabinga munve mu maiso, nga bwenabinga baganda baimwe abasimuka mu Efuraimu boonaboona. Nze Musengwa Katonda, ninze nkobye.”

Hosea 12:3

Dhaadha waibwe Yakobo yagemerera mu mukono gwe ekibbonge kya muganda we Esau, nga bakaali mu nda ya inhaibwe. Yakobo oyo bwe yakula yaalwana ni Katonda.

Amosi 5:27

ku lunaku lwe ndibaghaayo okutwalibwa mu bunhage mu nsi eri eyo ng'omaze okubisa Damasiko.” Atyo Musengwa Katonda bw'akoba, ayetebwa eriina, “Katonda Afuga Amagye.”

Mika 1:5

Ebyo bija kubaagho olw'okuba Abaisiraeli baaloba okugondera amateeka ga Musengwa Katonda, baayonoona. Mukoba muti ogwo musango gw'ani? Musango gwa Samaria ekibuga ekikulu kyene! Era mulowooza muti naani avuunaanibwa olw'Abayudaaya okusinza ebitali Katonda? Ti ni Yerusalemu ekibuga ekikulu kyene!

Mika 1:6

Kyova Musengwa Katonda akoba ati: “Nja kufuula Samaria kibe mmungo ya bifunfugu ebiri eyo mu nsiko, kibe ekifo ekigwaine obw'okusimbamu amasamba g'emizabbibu. Amabaale ge baazimbisa endhu dhaamu nja kugayugha ere mu kiiko, emisingi gyadho gisigale agho nga gidangalaire?

Mika 2:5

Kale ni ekiseera bwe kirituuka okwiriza abantu ba Musengwa Katonda eitaka abaliba bava mu bunhage, imwe abatuntuza abaavu timuliba na mugabo.

Amateeka Agokubiri 32:20

Agho yaakoba ati, ‘Ndidha kubalekulira agho, mbone enkomerero yaibwe bw'enaaba; kuba badankaanu era baziramu kwikiriza.

Yoshua 23:13

olwo mumanhanga nga Musengwa Katonda waimwe aliba takaabingagho maghanga ago mu buli kiketezo ghe munaatuukanga. Amaghanga ago gaja kubafuukira ekizibu ng'oti lutuula oba olwina oluleeyi. Era ng'obulumi bwe gabaleetera buli ng'oti bwa muntu ye bakubye enkoba mu mugongo, oba ali n'eiwa mu liiso, okutuusa lwe mulizikirira ni muva ku nsi eno enungi, Musengwa Katonda waimwe ye yabagha.

Abalamuzi 18:30

Ab'omu kika kya Dani abo, baataagho ekifaananie ekibaadhe kire, okukisinzanga. Agho Yonathani mutabane wa Gereshomu, era mwidhukulu wa Musa, yaaba kabona waibwe. Yonathani oyo ni baidhukulu be abaamwiririra, n'abaali bakabona b'Abadani abo okutuusa abantu lwe baatwalibwa mu bunhage.