2 Bakyabazinga 17:21 - Baibuli Ekibono kya Katonda 2014

²¹ Musengwa Katonda bwe yamala okwawula Isiraeli ku b'endhu ya Daudi, ab'omu Isiraeli baafuula Yeroboamu mutabane wa Nebati kyabazinga waibwe. Yeroboamu oyo yaaleetera ab'omu Isiraeli okuva ku Musengwa Katonda, era mu nsambo eyo yaabaleetera okukola ebibi ebitaloodheka.

2 Bakyabazinga 17:21 ပူးပေါင်းရင်းမြစ်များ

Amainhama 20:9

Agho yaayeta Aburahamu yaamubuuza ati: “Kiki kino ky'otukoze? Nakukola kibi ki memale ondeetere nze n'obwakyabazinga bwange ekibi ekyaga agho? Kye wakoze ti n'ekigwaine okukolwa.

1 Bakyabazinga 11:11

Kale Musengwa Katonda kyeyava n'akoba Solomoni ati: “Nga bw'okoze ekyo, n'oloba okukuuma endagaano ye nakola n'iwe, era n'odheemera amateeka ge nakulagira, bwenebwene ndidha kukutoolaku obwakyabazinga, mbughe owundi ku bagheereza bo.

1 Bakyabazinga 11:31

Yaakoba Yeroboamu ati: “Twalaku ebitundu ikumi ku ebyo, kuba Musengwa Katonda, Katonda wa Isiraeli akoba ati, ‘Ndidha kutoola obwakyabazinga ku Solomoni nkugheeku ebika ikumi.

1 Bakyabazinga 13:34

Ekibi kya Yeroboamu ekyo, kyaleetera ab'endhu ye okuzikirira n'okuweekereragho irala ku nsi.

1 Bakyabazinga 14:16

Musengwa Katonda aja kulekulira agho Isiraeli olw'ebibi bya Yeroboamu bye yakola, n'ebyo bye yaleetera Abaisiraeli okukola.”

1 Bakyabazinga 14:8

Natoola obwakyabazinga ku b'endhu ya Daudi, naabukugha iwe. Aye tobaire ng'oti n'omugheereza wange Daudi, eyagema ebiragiro byange, n'agumira ku nze n'omwoyo gwe gwonagwona, n'akolanga ebyo byonka ebituufu mu maiso gange.

2 Bakyabazinga 17:22

Ab'omu Isiraeli abo baakolanga ebibi byonabyona Yeroboamu bye yakolanga, baaloba kulekera,

2 Bakyabazinga 3:3

Aye era Yehoramu oyo yaakola ebibi ebyaleetera Isiraeli okwonoona ng'oti ni kyabazinga Yeroboamu mutabane wa Nebati bwe yakola. Era Yehoramu oyo yaaloba kuva mu bibi ebyo.

2 Ebyomubyanda 11:11

Yaazimba ebifo eby'okwewogomamu nga bigumu, yaabitaamu ababikulira, era yaabitaamu amaterekero g'emere, n'omuzigo ogw'ebibala eby'emiti emyoliva, n'omwenge ogw'emizabbibu.

2 Ebyomubyanda 11:15

Yeroboamu oyo yeeteeragho bakabona ababe abaagheerezanga mu bifo ebigulumivu eby'okusinzizaamu, n'abo abaagheerezanga emisambwa n'ebifaananie eby'ente ento.

Zabbuli 25:11

Wo Musengwa Katonda, ku lw'obulungi obw'eriina lyo nsonigha ebibi byange, kuba biri kamaala inho.

Okuvaayo 32:21

Musa yaabuuza Aaroni ati: “Bwenebwene abantu bano baakukola ki memale obaleeteku ekibi ekikologho ekyo?”

Isaia 7:17

Musengwa Katonda alikuleetera iwe ebizibu, n'abantu bo, n'ab'endhu ya lata wo, nga tibibangaghooku okuva obwakyabazinga bwa Isiraeli lwe bweyawula ku bwa Buyudaaya. Kuba aja kubaleetera kyabazinga w'e Assiria.

Yoanne 19:11

Yesu yaamwiramu ati: “Tiwandibaire na bukumu ku nze nguli tibwakugheebwa Katonda. Kale ampaireyo mu ngalo dho n'ali n'ekibi ekisinga.”

1 Samueli 2:17

Kale, ekibi eky'abaisuka abo kyaba kinene inho mu maiso ga Musengwa Katonda kuba ebigheebwayo eri Musengwa Katonda tibaabitangamu kinhagansi.

1 Samueli 2:24

Mulekere agho, baana bange! Ebintu bye mpulira ng'abantu baboogeraku eyo, ti bikalamu naire.