2 Bakyabazinga 17:20 - Baibuli Ekibono kya Katonda 2014

²⁰ Musengwa Katonda yaalekulira agho baidhukulu ba Isiraeli boonaboona, yaababonereza ng'abaghaayo mu mikono gy'abazigu baibwe, okutuusa lwe yababingira irala mu maiso ge.

2 Bakyabazinga 17:20 ပူးပေါင်းရင်းမြစ်များ

2 Bakyabazinga 13:23

Aye Musengwa Katonda yaabagemerwa ekivunika, yaabasaasira. Yaira ku luuyi lwaibwe yaababeera olw'endagaano ye yakola ni Aburahamu ni Isaaka ni Yakobo, era yaaloba kubazikiriza waire okubabinga mu maiso ge ni ye buli eno.

2 Bakyabazinga 13:3

Obusungu bwa Musengwa Katonda bwatumbukira ku Isiraeli ng'oti muliro, yaaleetera Hazaeli kyabazinga wa Siria ni mutabane we Benihadadi okubaghangulanga emikuzi egighera.

2 Bakyabazinga 13:7

Yehoahazi tiyasigazaagho igye lirimu balwani baswika mu makumi ataanu (50) ab'oku mbalaasi, oba ebigaali eby'omu lutalo ebiswika mu ikumi (10), waire abaisirukale abaswika mu mutwalo omulala (10,000) ab'oku bigere kuba kyabazinga wa Siria yazikiriza abandi boonaboona, yaabatyankirira ng'oti nkungu ey'omu kifo ghe bakubira engaano.

2 Bakyabazinga 15:29

Mu biseera Peka bye yafugiramu Isiraeli, ghaabaagho kyabazinga Tigulathi Pileseri ow'e Assiria yaidha yaagema ebibuga Iyoni, ni Abeli Bethi Maaka, ni Yanoa, ni Kedeshi, ni Hazori, n'ebiketezo eby'e Gileadi, n'eby'e Galilaaya, n'eby'e Nafutali. Era yaatwala n'abantu mu Assiria nga banhage.

2 Bakyabazinga 17:15

Baaloba kugemanga biragiro bye, waire okukuuma endagaano ye yakola ni badhaadha baibwe, era baaloba kufangayo ku kulabula, kwe yabalabulangamu. Baasinzanga ebisinzibwa ebitali Katonda ebitagasa, olwo ni beene baafuuka ebitagasa, era baajiiranga ku mpisa edh'abamaghanga agandi agabeezungulwire. Ate nga Musengwa Katonda yabalobera okwebisanga ng'oti n'abamaghanga ago.

2 Bakyabazinga 17:18

Agho Musengwa Katonda yaasungughalira inho Abaisiraeli, yaababinga mu maiso ge ghaaloba kusigalagho waire omulala ati, okutoolaku ab'omu Buyudaaya bonka.

2 Bakyabazinga 18:9

Mu mwaka ogwokuna nga kyabazinga Hezekia n'afuga Buyudaaya, ogwo nga n'omwaka ogwomusanvu nga kyabazinga Hoshea mutabane wa Ela n'afuga Isiraeli, Shalumaneseri kyabazinga w'e Assiria yaalumba Isiraeli era yaazingiza ekibuga Samaria okukyezunguluza.

2 Bakyabazinga 21:14

Ndirekulira agho abantu bange abaliwonagho, naabaghaayo mu ngalo dh'abazigu baibwe, baabeegabula era baabafuula omunhago gwaibwe.

2 Bakyabazinga 23:27

Musengwa Katonda yaakoba ati: “Ndidha kubinga Buyudaaya mu maiso gange, ng'oti bwe nabinga Isiraeli. Ndidha kulekulira agho ekibuga kino Yerusalemu kye nalondamu, era ndekulire agho n'eisinzizo lye nakoba nti mwe banansinzizanga.”

2 Bakyabazinga 24:3

Bwenebwene Musengwa Katonda n'eyalagira kibe kityo, abantu b'omu Buyudaaya baghange okutoolebwa mu maiso ge, olw'ebibi byonabyona Manasse bye yakola,

1 Ebyomubyanda 16:13

ku lwaimwe abaana ba Isiraeli omugheereza we, era baidhukulu ba Yakobo oyo ye yeerondera.

Nehemia 9:2

Agho Abaisiraeli abo, nga beeyawire ku bamaghanga agandi, baayemerera okwatula ebibi byaibwe n'ebyonoono bya badhaadha baibwe.

Zabbuli 51:13

Olwo ndyegeresa abasobya y'oli baatambulira mu ngira yo, n'aboonooni baakyuka baira y'oli.

Zabbuli 53:5

Aye ni, baidha kuba mu kutya okubitirivu, okutya kwe batabangamuuku mu bulamu bwaibwe. Katonda aidha kusuulasuula eyo atyo amagumba g'abazigu b'abantu be, abafuudhe ere, baswale.

Zabbuli 80:13

Embiidhi edh'omu nsiko dhaagutyankirira, na kiisi kya mu nsiko kyonakyona kyeriira okwo.

Isaia 2:6

Wo Katonda waife, bona olekuliire agho abantu bo baidhukulu ba Yakobo. Ensi yaibwe bagiidhwiza bya bulogo ebiva e buvandhuba, n'eby'obulaguzi ebiva mu Filisitia. Era bajiira ku mpisa dh'abagwira.

Isaia 45:25

Mu nze Musengwa Katonda, eizaire lyonalyona erya Isiraeli mwe lirifunira obughanguzi n'ekitiisa.”

Yeremia 15:1

Agho Musengwa Katonda yankoba ati: “Musa ni Samueli ni bwe bandyemereire ghano ninze, okuwolereza abantu abo ye ndi, era nze tinandisaasiire bantu abo naire. Babinge baje, banve mu maiso.

Yeremia 46:28

Ndi ghalala n'imwe era ndidha kubalokola. Ndidha kuzikiriza amaghanga goonagoona ye nabasansaaniza. Aye imwe tija kubazikiriza. Waire nga tija kubaleka buleke agho nga tibabonereiza, aye era ndibabonereza ekigwaniire nga mbasaasira. Nze Musengwa Katonda, ninze nkobye.”

Yeremia 52:3

Musengwa Katonda yaasungughalira ab'omu Yerusalemu n'ab'omu Buyudaaya ebitaloodheka, yaababingagho mu maiso ge. Agho Zedekia yaadheemera kyabazinga Nebukadinezzari ow'e Babilonia.

Yeremia 6:30

Baidha kwetebwanga biseedha bya feeza, kuba nze Musengwa Katonda mbalekuliire agho.”

Yeremia 7:15

Era imwe ndidha kubabinga munve mu maiso, nga bwenabinga baganda baimwe abasimuka mu Efuraimu boonaboona. Nze Musengwa Katonda, ninze nkobye.”

Hosea 1:6

Gomeri yaatoola enda kabiri, yaazaala omwana mughala. Musengwa Katonda yaakoba Hosea ati: “Mutuume eriina ‘Tasaasirwa,’ kuba nze tikaasaasira Baisiraeli, waire okubasonigha.

Hosea 12:3

Dhaadha waibwe Yakobo yagemerera mu mukono gwe ekibbonge kya muganda we Esau, nga bakaali mu nda ya inhaibwe. Yakobo oyo bwe yakula yaalwana ni Katonda.

Yona 1:10

Abasaadha baatya inho era baamukoba bati: “Ekyaga agho kikoleka?” Kuba yali amaze okubakobera ati ali kulumuka ku Musengwa Katonda.

Yona 1:3

Aye Yona yaalumuka okuva aghali Musengwa Katonda aje e Tarushishi. Agho yaaja e Yoppa, ye yayagaana eryato eryali liri kutegekebwa okuja e Tarushishi. Yaasasula empiiya edh'olugendo oluja e Tarushishi, yaaniina mu lyato aje nabo okutuuka ye baali bali kuja, alumuke okuva aghali Musengwa Katonda.

Matayo 25:41

“Agho, alikoba abo abaliba ku mugooda ati, ‘Munve mu maiso imwe abalaame, muje mu muliro ogutazikira ogwategekerwa Sitaani ni bamalaika be!

Amateeka Agokubiri 11:12

Ensi eyo Musengwa Katonda waimwe agirabirira ekiseera kyonakyona, okuva omwaka lwe gutoolera okutuusa lwe guwaaku.

Amateeka Agokubiri 32:20

Agho yaakoba ati, ‘Ndidha kubalekulira agho, mbone enkomerero yaibwe bw'enaaba; kuba badankaanu era baziramu kwikiriza.

2 Ab'e Thessalonika 1:9

Ekibonerezo kye balifuna kya kuzikirira, na kubingibwa mu maiso ga Musengwa aghali ekitiisa kye eky'amaani.

Yoshua 23:13

olwo mumanhanga nga Musengwa Katonda waimwe aliba takaabingagho maghanga ago mu buli kiketezo ghe munaatuukanga. Amaghanga ago gaja kubafuukira ekizibu ng'oti lutuula oba olwina oluleeyi. Era ng'obulumi bwe gabaleetera buli ng'oti bwa muntu ye bakubye enkoba mu mugongo, oba ali n'eiwa mu liiso, okutuusa lwe mulizikirira ni muva ku nsi eno enungi, Musengwa Katonda waimwe ye yabagha.

Abalamuzi 18:30

Ab'omu kika kya Dani abo, baataagho ekifaananie ekibaadhe kire, okukisinzanga. Agho Yonathani mutabane wa Gereshomu, era mwidhukulu wa Musa, yaaba kabona waibwe. Yonathani oyo ni baidhukulu be abaamwiririra, n'abaali bakabona b'Abadani abo okutuusa abantu lwe baatwalibwa mu bunhage.

Abalamuzi 2:14

Kale obusungu bwa Musengwa Katonda bwatumbukira ku Baisiraeli ng'oti muliro, era yaabaghaayo mu ngalo dh'abanhazi, baabanhagaku ebyaibwe. Yaaleka abazigu baibwe abaali nga babeezungulwire baabaghangula. Olwo Abaisiraeli baaba nga tibakaaghanga kwerwanaku.

1 Samueli 15:23

Obudheemu kuba kukola kibi ng'oti n'okweraguza bwe kuba, n'okwekuluntaza kuba kukola kibi ng'oti n'okusinza ebitali Katonda bwe kuba. Nga bwe waloba okukola Musengwa Katonda kye yakulagira, Musengwa Katonda yeena alobye okukuleka ku bwakyabazinga.”

1 Samueli 15:26

Samueli yaamwiramu ati: “Tiidha kwirayo n'iwe, kuba waloba okukola Musengwa Katonda kye yakulagira, era Musengwa Katonda yeena alobye okukuleka ku bwakyabazinga bwa Isiraeli.”

1 Samueli 16:1

Musengwa Katonda yaakoba Samueli ati: “Olituusa li okunakughala, olw'okuba nga nabinga Saulo ku bwakyabazinga bwa Isiraeli? Gema eiyiga lyo ly'otaamu omuzigo ogw'ebibala eby'emiti emyoliva oliidhuze omuzigo, oje. Ndidha kukutuma ewa Yesse Omubethelehemu, kuba nonze owundi ku batabane be okuba kyabazinga.”