2 Bakyabazinga 17:17 - Baibuli Ekibono kya Katonda 2014

¹⁷ Baaghangayo abaana baibwe abalenzi n'abaghala ng'emisengo egyokebwa. Beeraguzanga era baakolanga eby'obulogo, era beegheerangayo irala okukola ebibi, baaleetera Musengwa Katonda okusungughala.

2 Bakyabazinga 17:17 ပူးပေါင်းရင်းမြစ်များ

1 Bakyabazinga 14:15

N'okuva ku olwo, Musengwa Katonda aja kubonereza ensi Isiraeli edhugumire ng'oti n'olugada bwe lutengeeta mu maadhi. Era aja kutoola Abaisiraeli mu nsi eno enungi ye yagha badhaadha baibwe, abasansaanize eyo ng'osomoike omwiga Eufurate, kuba baamusungughaza nga beekolera ebifaananie by'omusambwa omukazi, Ashera.

1 Bakyabazinga 21:20

Ahabu bwe yabona Eliya, yaamukoba ati: “Ongwikiriiza, omuzigu wange iwe?” Eliya yaamwiramu ati: “Yii, nkugwikiriiza, kuba weegheereireyo irala mu kukola ebibi mu maiso ga Musengwa Katonda.

1 Bakyabazinga 21:25

Bwenebwene tighaalighooku muntu wundi kabiri eyeegheerayo irala okukola ebibi mu maiso ga Musengwa Katonda, ng'oti ni Ahabu eyapikirizibwanga mukazi we Yezebeli.

2 Bakyabazinga 16:3

Aye yaajiiranga ku mpisa embi edha bakyabazinga ba Isiraeli. Yaatuuka n'okwokya mutabane we ng'ekigheebwayo, ng'empisa eyenhinhalwa bweyali ey'abamaghanga agandi, Musengwa Katonda be yabinga mu nsi eyo nga Abaisiraeli bali kumpi okutuukayo.

2 Bakyabazinga 17:11

Baaniokezanga obubbaani mu bifo ebigulumivu byonabyona eby'okusinzizaamu, ng'abamaghanga agandi bwe baakolanga, Musengwa Katonda be yabingamu nga beene Abaisiraeli bali kumpi okutuukayo. Baakolanga ebibi, baaleetera Musengwa Katonda okusungughala,

2 Bakyabazinga 17:31

abaava mu Avva baakola eby'emisambwa Nibuhazi ni Tarutaki, ate abantu abaava e Sefarivaimu baaghangayo abaana baibwe ng'emisengo egyokebwa eri emisambwa gyaibwe, Adurammeleki ni Anammeleki.

2 Bakyabazinga 21:6

Yaayokya mutabane we ng'ekigheebwayo ekyokebwa, yaajanga mu balaguzi ni mu basamize, era yaakolanga eby'obulogo n'eby'emizimu. Yaakolanga inho ebibi eri Musengwa Katonda, yaamuleetera okusungughala.

2 Ebyomubyanda 28:3

Yaaniokezanga obubbaani mu kiiko kya mutabane wa Hinnomu. Yaatuuka n'okwokyanga batabane be ng'ebigheebwayo, ng'empisa eyenhinhalwa bweyali ey'abamaghanga agandi, Musengwa Katonda be yabinga mu nsi eyo nga Abaisiraeli bali kumpi okutuukayo.

2 Ebyomubyanda 33:6

Yaayokyanga batabane be ng'ekigheebwayo ekyokebwa, yaajanga mu balaguzi ni mu basamize, era yaakolanga eby'obulogo n'eby'emizimu. Yaakolanga inho ebibi eri Musengwa Katonda, yaamuleetera okusungughala.

Isaia 47:9

Aye ebyo byombi birikwidhira mu kaseera buseera era ku lunaku lulala luti, waafiirwa abaana era wafuuka namwandu. Era waire eirogo lyo n'okulagula kwo, by'okozesa tibirikuwonia naire.

Isaia 50:1

Musengwa Katonda era akoba ati: “Imwe abantu bange mulowooza muti nababinga, ng'oti n'omusaadha bw'abinga mukazi we? Bwe kiba kityo, memale embaluwa ey'okubabinga eri gha? Oba, mulowooza muti nabatunda mube bairu ng'oti n'omuntu bw'atunda abaana be? Aye naani eyali ammandha memale mmubaguze? Busa naire, mwatwalibwa mu bwiru lwa bibi byaimwe, era ebyonoono byaimwe n'ebyababinza.

Isaia 8:19

Kale batabakobanga bati: “Mwebuuze ku basamize n'abalaguzi, abalira ng'oti binhonhi era aboogera obwama.” Timwidhi ng'abantu bagwaine kwebuuza ku Katonda waibwe? Ebigema ku balamu ate byebuuzibwa ku bafu?

Yeremia 19:5

Era baaja baazimbira omusambwa Baali ebifo ebigulumivu ebisinzibwamu, eby'okwokerangaku abaana baibwe n'omuliro ng'ebigheebwayo ebyokebwa. Ate nga nze tibalagirangaku kukola kintu ekyo, waire okukirowoozaaku obulowooze mu mwoyo gwange.

Yeremia 25:7

Aye Musengwa Katonda mwene akoba ati mwaloba okumuwulirisa, mwamusoononkereza mwamuleetera okusungughala nga musinza ebintu obuntu imwe beene bye mwekolera, olwo mwereetera okwerumya imwe beene.

Yeremia 27:9

Mutajiira ku bya balanzi baimwe oba balaguzi baimwe, waire okujiira ku muntu yeenayeena abakoba ati asobola okulagula ebiribaagho ng'abita mu kuvuunula ebirooto, ni mu kukola eby'obulogo n'eby'emizimu. Abantu abo boonaboona babakoba obutaganha kyabazinga w'e Babilonia kubafuga.

Yeremia 7:31

Era baaja baazimba ebifo ebigulumivu eby'okusinzizaamu e Tofethi, mu kyetebwa Ekiiko ekya mutabane wa Hinnomu, baayokeranga mu muliro batabane baibwe ni baghala baibwe. Ate nga nze tibalagirangaku kukola kintu ekyo, waire okukirowoozaaku obulowooze mu mwoyo gwange.

Ezekieli 16:21

memale otoole n'abaana bange boona obatirimbule okubaghaayo y'ebifaananie ebyo, bookebwe mu muliro ng'emisengo?

Ezekieli 20:26

Naabaleka beeyonoona nga bagheereza eri emisambwa ebigheebwayo, era nga baghaayo y'emisambwa egyo abaana baibwe ababeri bookebwe mu muliro ng'emisengo. Ekyo nakikola nga nhenda mbabonereze era bamanhe nga ninze Musengwa Katonda.

Ezekieli 20:31

Ni ye buli eno mukeeyonoona nga musinza ebitali nze Katonda, mwaghaayo ebigheebwayo byaimwe, era mwaghaayo n'abaana baimwe bookebwe mu muliro ng'emisengo. Memale ng'obwo era imwe abantu ab'eighanga Isiraeli mwidha mbu kuneebuuzaaku? Bwenebwene nze Musengwa Katonda ndayira nti nga bwendi omulamu, tija kubaganha kuneebuuzaaku.

Ezekieli 23:37

Baakola obwenzi era baatemula. Baakola obwenzi nga basinza ebitali nze Katonda, baaghaayo n'abaana baibwe beene be banzaalira, baabookya ng'emisengo eri ebisinzibwa ebyo.

Ezekieli 23:39

Ku lunaku lwene lwe baitiraku abaana baibwe ni babaghaayo ng'emisengo eri ebisinzibwa byaibwe ebyo, era ni ku lwene olwo lwe baidhiraku mu isinzizo lyange ni balyonoona.

Abalevi 18:21

Otaghangayo waire omulala ku baana bo, okukozesebwa mu kusinza omusambwa Moleki, n'ovumagania eriina lya Katonda wo. Ninze Musengwa Katonda.

Abalevi 19:26

“Mutalyanga mamba ng'ekaalimu omusaayi. Mutakolanga bya bulogo oba eby'okulagulwa.

Abalevi 19:31

“Mutajanga kwebuuza ku basamize, oba ku balogo. Mutabaagalanga ye bali, kuba baidha kubafuula abatali balongoofu. Ninze Musengwa Katonda waimwe.

Mika 5:12

Ndizikiriza bye mukozesa okuloga byonabyona, era naatoolagho n'abalaguzi boonaboona.

Ebikolwa by'Abatume 16:16

Olunaku lulala twali tuja mu kifo ekisabirwamu, twayagaana omughala omwiru eyali abandwa omuzimu ogulagula era eyafuniranga basengwa be ebintu ekyodo ng'alagula.

Ab'e Roma 7:14

Twidhi nga Amateeka galigho ku lwa bya mwoyo, aye nze nfugibwa mubiri era ndi mwiru wa kibi.

Ab'e Galatia 5:26

Tulobe kwegungumaza, waire owundi okwesonsa ku mwine, oba okumugemerwa ensaalwa.

Amateeka Agokubiri 32:16

Baamuleetera okuba n'enkikidi, nga basinza emisambwa, baamusungughaza nga bakola ebyenhinhalwa.

Amateeka Agokubiri 4:25

“Ni bwe muliba nga mumaze entangama endeeyi mu nsi eyo, nga muzaire abaana era nga muli n'abaidhukulu, mutagezangaku kwonoona nga mwekolera ekisinzibwa ekitali Katonda eky'ensambo yoonayoona. Ekyo kibi mu maiso ga Musengwa Katonda waimwe, era kirimusungughaza.