2 Bakyabazinga 17:13 - Baibuli Ekibono kya Katonda 2014

¹³ Ate nga Musengwa Katonda yalabulanga Isiraeli ni Buyudaaya ng'abita mu balanzi ni mu baboni, ng'akoba ati: “Mukyuke, muve mu mpisa dhaimwe embi mugeme ebiragiro byange ebiri mu Mateeka gange, ge nagha badhaadha baimwe nga mbita mu bagheereza bange abalanzi.”

2 Bakyabazinga 17:13 ပူးပေါင်းရင်းမြစ်များ

1 Bakyabazinga 16:1

Agho Musengwa Katonda yaayogera ni Yehu mutabane wa Hanani, yaamugha obukwenda obw'okutwalira Baasha okumuvumirira, ati:

1 Bakyabazinga 16:7

Mu butuufu Musengwa Katonda yayogera ng'abita mu mulanzi Yehu mutabane wa Hanani, yaavumirira Baasha n'ab'endhu ye, olw'ebibi byonabyona Baasha oyo bye yakola n'asungughaza Musengwa Katonda. Yasungughaza Musengwa Katonda ti lwa bibi bye yakola byonka nga Yeroboamu eyamusooka bwe yakola, aye n'olw'okwita ab'endhu ya Yeroboamu oyo boonaboona.

2 Bakyabazinga 17:23

okutuusa Musengwa Katonda lwe yababinga mu maiso ge, nga bwe yabalabula ng'abita mu bagheereza be abalanzi boonaboona. Agho ab'omu Isiraeli baabatoola mu nsi yaibwe, baabatwala mu Assiria ye bakaali ni ye buli eno.

2 Bakyabazinga 18:6

Yaagumiranga ku Musengwa Katonda aghazira kumuvaaku naire, era yaagemanga ebiragiro Musengwa Katonda oyo bye yalagira Musa.

2 Bakyabazinga 21:10

Agho Musengwa Katonda ng'abita mu bagheereza be abalanzi, yaakoba ati:

1 Ebyomubyanda 29:29

Byonabyona kyabazinga Daudi bye yakola, okuviira irala ku kyasooka okutuukira irala ku kyasembayo, biri mu bighandiiko by'abalanzi, Samueli, ni Nathani, ni Gadi.

Yobu 11:14

Bw'oba ng'oli n'ebikyamu by'okola kanga agho, olobe kuganha bibi kubanga mu maka go.

Yobu 36:10

Aigula amatu gaibwe, bawulire by'abalabula, era yaabalagira okuva mu bibi byaibwe.

Zabbuli 50:7

“Imwe abantu bange mumpulirise, ndi ni kye mbakoba; imwe Abaisiraeli, ndidha kubalumiriza. Ninze Katonda, Katonda waimwe.

Yeremia 11:7

kuba bwe natoola badhaadha baibwe mu nsi Misiri, nabalabuliragho irala okumpuliranga. Era nkaabalabula ni ye buli eno aghazira kukoogha naire.

Yeremia 18:11

Kale ni kobera abantu b'omu Buyudaaya n'ab'omu Yerusalemu, oti ndi kukola entegeka okubakolaku akabi, era neetegeike okubabonereza. Bakobe buli muntu alekere okukola ebibi, era akyuse empisa dhe n'ebikolwa bye ebibi.

Yeremia 25:3

“Okuva ku mwaka ogweikumi n'esatu (13) nga Yosia mutabane wa Amoni ni kyabazinga wa Buyudaaya okutuuka ni ye buli eno, giri emyaka abiri n'esatu nga Musengwa Katonda ampa obukwenda bwe. Era mbakoberanga obukwenda obwo aghazira kukoogha naire, aye imwe mwaloba kutaayo mwoyo.

Yeremia 3:7

Naalowooza nti bwe balimala okukola ebyo byonabyona, baliira ye ndi. Aye tibaamala ni baira. Ni baganda baibwe ab'omu kiketezo ky'e Buyudaaya, boona abataali beesigwa, baabibona ebyo byonabyona.

Yeremia 34:14

‘Buli ku nkomerero y'emyaka omusanvu, mwidha kulekulanga Baheburayi banaimwe be mwagula ng'abairu, babe ba idembe, nga bamaze okubagheereza okumala emyaka omukaaga.’ Aye badhaadha baimwe abo baaloba kumpulirisa waire okugondera kye nabakoba.

Yeremia 35:15

Buliidho mbaire ntumanga ye muli abagheereza bange abalanzi aghazira kukoogha naire, babakobe mulekere okukola ebibi, mukole ebituufu. Era mulobe kujiiranga ku bakatonda abandi nga mubasinza, olwo musobole okusigalanga mu nsi ye nabagha imwe ni badhaadha baimwe. Aye nga imwe timumpulirisa, waire okufaayo ku bye nkoba.

Yeremia 42:19

“Imwe abaawonagho mu Buyudaaya, Musengwa Katonda abakobye ati, ‘Mutaja Misiri.’ Kale ni mumanhire irala nga nze Yeremia mbalabwire nti,

Ezekieli 18:31

Mwetooleku ebibi byonabyona bye mubairenga mukola, mufune emyoyo emiyaaka n'endowooza empyaka. Imwe abantu b'eighanga Isiraeli, lwaki mwenda okufa?

Ezekieli 3:19

Aye bw'olabula omubi, n'aloba okukyuka okuva mu bibi bye oba okuva mu ngeri dhe embi, omuntu oyo alifiira mu bibi bye. Aye iwe oliba owoniiza obulamu bwo.

Danieli 9:10

Titwagondera ebyo iwe Musengwa Katonda waife bye watulagira, waire okujiira ku mateeka go ge watugha ng'obita mu bagheereza bo abalanzi.

Hosea 11:2

Aye Abaisiraeli abo ye nakoma okubeeta, boona ye baakoma okunvaaku. Baaghangayo emisengo eri omusambwa Baali; baaniokezanga ebisinzibwa ebitali Katonda obubbaani.

Hosea 12:10

Nayogeranga n'abalanzi, naabaleeteranga okubonekerwa emikuzi kamaala. Era naabitanga mu balanzi abo okulabula abantu bange, nga bakozesa enfumo dhe nabaghanga.

Hosea 12:11

Abakozi b'ebibi ab'omu Gileadi, bwenebwene balizikirira. N'alutaari edh'omu Giligali dhe bagheeraku ente enume ng'emisengo, dhirifuuka ng'oti mmungo dha mabaale edhiri mu nimiro.”

Hosea 14:1

Imwe Abaisiraeli, mwire eri Musengwa Katonda, oyo Katonda waimwe, kuba ebibi byaimwe byabaleetera okwekontola mwagwa.

Hosea 4:15

Waire nga imwe Abaisiraeli timuli beesigwa ye ndi, Abayudaaya bagwananga baaloba kugwa mu nsobi eyo. Mutajanga kusinziza mu Giligali waire okusinziza mu Bethaveni. Era mutalayiranga muti, ‘Nga Musengwa Katonda bw'ali omulamu.’

Ebikolwa by'Abatume 20:21

Naalabulanga Abayudaaya n'Abagureki bakyuke okuva mu bibi byaibwe baire ye Katonda era baikirize Musengwa Yesu Kurisito.

Amateeka Agokubiri 31:21

Ekiseera bwekirituuka, ebizibu n'okudaazibwadaazibwa okungi ni bibaidhira, olwembo luno lwidha kwembebwanga lube omudhulizi abalumiriza, kuba ni baidhukulu baimwe tibalirwerabira naire. Ni mpegaano, nga nkaali kubatwala mu nsi ye nasuubiza okubagha, ndidhi bukalamu kye bali kudhuuba okukola.”

Amateeka Agokubiri 4:26

Ndayira olwaleero eri eigulu n'ensi, babe abadhulizi bange ababalumiriza, nti bwe muligeza ni mwekolera ebisinzibwa ebitali Katonda, mulizikirira mangu, mwasaanagho mu nsi ye muli kumpi okwingiramu okutwala, ere nga musomoike omwiga Yorudani. Timuligibaamu ntangama ndeeyi, aye mulizikirira mwasaanagho.

Amateeka Agokubiri 8:19

Bwe mulyerabira Musengwa Katonda, ni mujiira ku bakatonda era ni mubasinza, mbalabula olwaleero nti timuliroba kuzikirira.

Yoshua 23:16

Kasita muloba okukuuma endagaano Musengwa Katonda waimwe ye yabalagira okukuuma, ni mugheereza era ni musinza bakatonda abandi, aja kubasungughalira era ababonereze okutuusa lwe mulizikirira ni muwa ku nsi eno enungi ye yabagha.”

2 Petero 3:9

Musengwa talwisaagho kutuukiriza kye yasuubiza ng'oti n'abandi bwe balowooza. Aye abaguminkiriza kuba tayenda naire muntu mulala ati kuzikirizibwa. Ayenda abantu boonaboona beenenie, bave mu bibi byaibwe.

Abalamuzi 6:10

Agho naakoba imwe nti, Ninze Musengwa Katonda waimwe, mutasinzanga misambwa gya Bamori beene nsi ye mulimu.’ Aye imwe mwaloba kuwulirisa kye nkoba.”

Abalamuzi 6:8

Era Musengwa Katonda yaatuma omulanzi ye bali, yaabakoba ati: “Musengwa Katonda, Katonda wa Isiraeli akoba ati, ‘Nabatoola mu Misiri ye mwali mufugirwa obwiru,

1 Samueli 9:9

(Eira mu Isiraeli, omuntu bwe yajanga okwebuuza ye Katonda, ng'akoba ati: “Kola tuje y'omuboni.” Mu biseera ebyo omulanzi baamwetanga muboni.)