2 Bakyabazinga 16:9 - Baibuli Ekibono kya Katonda 2014

⁹ Kyabazinga w'e Assiria yaikiriza, yaaja yaalumba ekibuga Damasiko yaakigema, yaita kyabazinga Rezini, era yaatwala abantu baayo e Kiri nga banhage.

2 Bakyabazinga 16:9 ပူးပေါင်းရင်းမြစ်များ

2 Ebyomubyanda 16:4

Benihadadi yaaganha kyabazinga Asa bye yamukoba. Yaatuma abaduumizi b'eigye lye okulumba ebibuga bya Isiraeli. Baagema ebibuga bino: Iyoni, ni Dani, ni Abeli Maimu, n'ebibuga bya Nafutali byonabyona ebyalimu amaterekero.

2 Ebyomubyanda 28:21

Ahazi yaatoola ku bintu ebyali mu isinzizo, ni mu kisaagaati kye eky'obwakyabazinga, ni mu ndhu edh'abakungu, yaabigha kyabazinga w'e Assiria oyo, aye era byona ghazira kye byamuyamba naire.

2 Ebyomubyanda 28:5

Olw'ebibi ebyo Ahazi bye yakola, Musengwa Katonda we kyeyava n'amughaayo ye kyabazinga w'e Siria, yaamughangula, era yaatwala abantu be kamaala inho e Damasiko, nga basibe. Kabiri Musengwa Katonda oyo yaamughaayo ye kyabazinga Peka owa Isiraeli, yaamughangula ng'aise n'abantu be kamaala inho.

Isaia 10:9

Naghangula ekibuga Kalino ng'oti ni bwe naghangula ekibuga Karikemishi, naaghangula ni Hamathi ng'oti ni bwe naghangula Arupadi, era naaghangula ni Samaria ng'oti ni bwe naghangula Damasiko.

Isaia 17:1

Buno n'obukwenda obugema ku Damasiko. Musengwa Katonda akoba ati: “Bona, Damasiko kija kulekera agho okuba ekibuga, kifuuke bwa mmungo dha bifunfugu.

Isaia 22:6

Abaisirukale b'omu nsi Elamu baidhira ku bigaali by'omu lutalo ni ku mbalaasi, nga bagemye obulaso n'obusaale. N'abaisirukale b'omu nsi Kiri baidha nga bagemye engabo.

Isaia 37:18

Wo Musengwa Katonda, mu butuufu bakyabazinga ba Assiria bazikiriiza amaghanga kamaala, baaleka ensi edh'amaghanga ago nga dhifafaagaine.

Isaia 7:16

Era aliba akaali na kwawulagho kirungi na kibi, ng'ensi dha bakyabazinga ababiri ababatiisa dhaamala ira okusigala agho nga ndhereere.

Isaia 9:10

“Ebizimbe by'amatoofaali bigwire, aye twidha kubizimbisa mabaale geene amabaadhe. Emiti emisikamore bagitemye, aye mu kifo kyagyo twidha kwizaagho mivule gyene.”

Isaia 9:11

Kale ni, Musengwa Katonda ky'aliva n'asiikuula abazigu ba Rezini, n'abaleetera okulumba Isiraeli.

Amosi 9:7

Musengwa Katonda akoba ati: “Imwe Abaisiraeli, mulowooza muti muli ba ndhawulo ku Baethiopia? Kituufu imwe nabatoola mu Misiri mu bwiru, aye n'Abafilisiti boona nabatoola mu Kafutori, n'Abasiria naabatoola mu Kiri.