2 Bakyabazinga 16:7 - Baibuli Ekibono kya Katonda 2014

⁷ Agho Ahazi yaagheereza abakwenda ye kyabazinga Tigulathi Pileseri ow'e Assiria, ng'akoba ati: “Nze ndi mugheereza wo era mwana wo. Idha omponie kyabazinga wa Siria ni kyabazinga wa Isiraeli abaanumbye.”

2 Bakyabazinga 16:7 ပူးပေါင်းရင်းမြစ်များ

1 Bakyabazinga 20:4

Kyabazinga wa Isiraeli yairamu ati: “N'agh'agho musengwa wange kyabazinga, nze ndi wuwo ni byonabyona bye ndi nabyo, nga bw'okobye.”

2 Bakyabazinga 15:29

Mu biseera Peka bye yafugiramu Isiraeli, ghaabaagho kyabazinga Tigulathi Pileseri ow'e Assiria yaidha yaagema ebibuga Iyoni, ni Abeli Bethi Maaka, ni Yanoa, ni Kedeshi, ni Hazori, n'ebiketezo eby'e Gileadi, n'eby'e Galilaaya, n'eby'e Nafutali. Era yaatwala n'abantu mu Assiria nga banhage.

2 Bakyabazinga 18:7

Musengwa Katonda yaabanga ghalala naye, era ebintu byonabyona bye yakolanga byamujiira bukalamu. Yaadheemera kyabazinga w'e Assiria, yaaloba kumugheereza.

1 Ebyomubyanda 5:26

Agho Katonda wa Isiraeli yaasiikuula enzigu mu mwoyo gwa Puli kyabazinga w'e Assiria, eriina lye erindi nga ni Tigulathi Pileseri, yaaja yaatwala mu bunhage Abareubeni, n'Abagadi, n'ekitundu ku Bamanasse. Yaabatwala e Hala, n'e Habori, n'e Hara, ni ku mwiga Gozani, baabeera irala eyo ni ye buli eno.

2 Ebyomubyanda 28:16

Mu biseera ebyo, kyabazinga Ahazi yaasaba kyabazinga w'e Assiria okumubeera,

2 Ebyomubyanda 28:20

Era kyabazinga Tigulathi Pileseri ow'e Assiria bwe yaidha, tiyayamba Ahazi naire, aye yamukiriga bukirige, yaayongera bwa kumweraliikiriza.

Isaia 2:6

Wo Katonda waife, bona olekuliire agho abantu bo baidhukulu ba Yakobo. Ensi yaibwe bagiidhwiza bya bulogo ebiva e buvandhuba, n'eby'obulaguzi ebiva mu Filisitia. Era bajiira ku mpisa dh'abagwira.

Yeremia 13:21

Olyogera ki, ng'abantu be wadhuubanga okuba bakagwa bo bakughangwire era baakufuga? Toliwulira bulumi ng'oti n'obw'omukazi ali kulumwa okuzaala?

Yeremia 17:5

Musengwa Katonda akoba ati: “Omuntu yeenayeena akyuka n'anvaaku nze Musengwa Katonda, ni yeesiga omuntu obuntu era n'amwesiguliraku, akolimirwe.

Okulira 4:17

Twalingirira, amaiso gaatuuka okutunafugha, aye ng'ezira buyambi. Ghaligho eighanga lye twalingirirangaku nga tudhuuba tuti lighanga okutubeera, aye tiryatubeera.

Ezekieli 16:28

“Wayendaku ni ku Bassiria boona, olw'obutasinwa bw'oli nabwo. Bwenebwene waalaaya nabo, aye era waasigala ng'okaayenda bwende.

Ezekieli 23:12

Yeena yeefuluguta n'Abassiria abakungu, abaduumizi mu magye, abalwani abaavaalanga engoye enungi einho, n'abaisirukale ab'oku mbalaasi, nga boonaboona baisuka ababoneka obulungi.

Ezekieli 23:5

“Waire Ohola yali mukazi wange, aye era yakolanga obwamalaaya, yeefulugutanga n'abagonzi be Abassiria.

Hosea 14:3

Ensi Assiria tesobola kutuwonia, n'embalaasi edh'omu lutalo tidhiidha kutuyamba. Era tituliirayo kabiri kweta ebintu bye twekolera n'engalo dhaife, tuti, ‘Katonda waife’; kuba iwe ogemerwa ekisa abo abaziraku babayamba.”

Hosea 7:11

Abaisiraeli bali ng'oti ighemba eisiru eriziramu magezi. Baasooka baayeta ensi Misiri eidhe ebayambe, baamala kabiri baaja baayeta ni Assiria.