2 Bakyabazinga 16:5 - Baibuli Ekibono kya Katonda 2014

⁵ Agho Rezini kyabazinga wa Siria, ni Peka kyabazinga wa Isiraeli era mutabane wa Remalia, baidha okulumba Yerusalemu. Baazingiza Ahazi okumwezunguluza, aye baaloba kusobola kumughangula.

2 Bakyabazinga 16:5 ပူးပေါင်းရင်းမြစ်များ

1 Bakyabazinga 11:36

Aye ate omwana wa Solomoni oyo ndimulekera ekika kirala, olwo buliidho omugheereza wange Daudi abenga ng'akaaligho n'omuntu ow'oku lulyo lwe afuga mu Yerusalemu, ekibuga kye nalonda kibe ekifo mwe banansinzizanga.

1 Bakyabazinga 15:4

Aye ku lwa Daudi, Musengwa Katonda yaagha Abiyamu oyo omwana omulenzi okumusikira ku bwakyabazinga mu Yerusalemu, n'okukuuma Yerusalemu nga kiri miraala.

2 Bakyabazinga 15:37

Mu biseera Yothamu bye yafugiramu, Musengwa Katonda mwe yatoolereza okusindika Rezini kyabazinga wa Siria ni Peka kyabazinga wa Isiraeli era mutabane wa Remalia, baaja baalumba Buyudaaya.

Isaia 7:14

Kale ni Musengwa Katonda mwene ku lulwe alibagha akamanhiso, era ni kano: Omughala omwegha alitoola enda, yaazaala omwana omulenzi yaamutuuma eriina Emmanueli

Isaia 8:6

Yankoba ati: “Abantu bano nga bwe balobye amaadhi ag'akaiga Shiloa agakuuluula empola, aye ni basanhuka olwa Rezini ni Peka mutabane wa Remalia abaidhie okubabeera,

Ezekieli 16:57

era nga n'ebibi byo bikaali kumanhika? Aye mpegaano weena Abaedomu, n'Abafilisiti, n'abo boonaboona abakukyagha abakwezungulwire, bali kukunhooma.