2 Bakyabazinga 16:18 - Baibuli Ekibono kya Katonda 2014

¹⁸ Era olw'okwenda okusanhusa kyabazinga w'e Assiria, Ahazi yaatoolagho olukuubo olusereke olw'okubitamu ku Sabbato olwali munda mu kisaagaati kya kyabazinga. Yaaziba n'omulyango kyabazinga gwe yaingirirangamu mu isinzizo.

2 Bakyabazinga 16:18 ပူးပေါင်းရင်းမြစ်များ

1 Bakyabazinga 10:5

n'emere ye yagabulanga ku meeza ye, n'ensambo abakungu be ye baatyamangamu, n'ensambo abagheereza be ye baagheerezangamu nga bali mu bivaalo byaibwe, n'abo abaagheerezanga eby'okunhwa. Era yaabona n'ebigheebwayo ebyokebwa Solomoni bye yaghangayo mu isinzizo. Ebyo byonabyona byamwewuunhisa inho ekibitiriire.

2 Bakyabazinga 11:5

era yaabalagira ati: “Kino kye mwidha okukola: bwe munaidha okukuuma mu mpalo dhaimwe ku Sabbato, mwidha kwegabaniamu ebikunsu bisatu nga byagayaga. Ekikunsu ekindi ku ebyo ebisatu eby'abakuumi, baidha kukuuma ekisaagaati kya kyabazinga.

2 Bakyabazinga 16:17

Kyabazinga Ahazi yaasala ku bituuti fuleemu dhaaku, yaatoolamu ebenseni yaamu. Era yaatoola etanka ku bifaananie eby'ente enume eikumi n'eibiri ebyakolebwa mu kyuma eky'ekikomo, yaagita ku musingi ogw'amabaale amataanhe.

2 Bakyabazinga 16:19

Ebindi byonabyona Ahazi bye yakola, byaghandiikibwa mu Kitabo ky'Ebyomubyanda bya Bakyabazinga ba Buyudaaya.

1 Ebyomubyanda 9:18

Abo n'abaakuumanga omulyango ogw'e buvandhuba ogwetebwa Omulyango gwa Kyabazinga. Era n'abaakuumanga emiryango mu kifo Abalevi ghe baasimbanga weema dhaibwe.

Ezekieli 44:3

Omufuzi anaabangagho mu kiseera ekyo, yenka n'anaagubitangamu okuja okulya ku kiiwulo ekitukuvu mu maiso gange nze Musengwa Katonda. Aidha kwingiriranga mu kisasi eky'oku mulyango, era yeene eyo y'aidha okufulumiranga.”

Ezekieli 46:2

Kyabazinga aidha kwingiranga mu mulyango ogwo ng'aviira ku luya olw'okuliya, yaabitira mu kisasi eky'oku mulyango. Aidha kwemereranga gha bikondo eby'omulyango ogwingira mu luya olw'omunda, nga bakabona bali kughaayo ku lulwe ebigheebwayo ebyokebwa n'ebigheebwayo olw'okutabagana. Era kyabazinga oyo aidha kusinzizanga agho gha mulyango, memale afulume. Aye omulyango gwidha kusigalanga nga mwigule okutuusa eigulo.