2 Bakyabazinga 16:15 - Baibuli Ekibono kya Katonda 2014

¹⁵ Agho kyabazinga Ahazi yaalagira Uria kabona ati: “Ku alutaari eno enkologho kw'onaayokeranga ebigheebwayo ebyokebwa eby'enkyo, n'ebigheebwayo eby'emere ey'empeke eby'eigulo, n'ebigheebwayo ebyokebwa era n'ebigheebwayo eby'emere ey'empeke ebya kyabazinga n'eby'abantu ab'omu ighanga lino, era n'ebigheebwayo eby'abantu eby'okunhwa. Era ku alutaari eyo kw'onaamansiranga omusaayi ogw'emisengo egigheebwayo egyokebwa. Aye alutaari ey'ekyuma eky'ekikomo enaabanga yange, ya kwebuulizangaku eri Musengwa Katonda.”

2 Bakyabazinga 16:15 ပူးပေါင်းရင်းမြစ်များ

Amainhama 44:5

Ekikopo ekyo musengwa wange ni ky'anhweramu era ni ky'akozesa ng'alagula. Kye mukoze kibi inho!’ ”

1 Bakyabazinga 3:4

Agho Solomoni yaaja e Gibeoni okugheerayo eyo emisengo, kuba ekyo n'ekyali ekifo ekigulumivu eky'oku kasozi ekyali ekikulu. Solomoni yagheerangayo ku alutaari y'omu kifo ekyo ebigheebwayo ebyokebwa bikumi na bikumi.

1 Bakyabazinga 7:23

Hiramu yaasaanuusa ekyuma eky'ekikomo, yaakolamu tanka ey'amaadhi eneetooloovu. Yali egheza mita ina n'obutundu buna mu bukiika, okuva ku mugo gwayo ogw'oluuyi olundi okutuuka ku gw'olundi. Era nga mu bugungumavu egheza mita ibiri n'obutundu bubiri, n'emita ikumi na isatu n'obutundu bubiri okugyezunguluza.

1 Bakyabazinga 8:64

Ku lunaku olwo, kyabazinga yaatukuza oluya olwa ghagati olwali mu maiso g'eisinzizo, kuba eyo ye yagheerayo ekigheebwayo ekyokebwa kyonakyona okuwaagho, n'ekigheebwayo eky'emere ey'empeke, n'amasavu agaava ku bigheebwayo olw'okutabagana. Yabigheerayo eyo, kuba alutaari ey'ekyuma eky'ekikomo eyali mu maiso ga Musengwa Katonda, yali ntono inho nga tibisobola kusugaku.

2 Bakyabazinga 16:14

Alutaari ey'ekyuma eky'ekikomo eya Musengwa Katonda, yali ghagati gh'alutaari empyaka n'eisinzizo lya Musengwa Katonda. Aye Ahazi yaagitoolagho, yaagita ku luuyi olw'omukono omugooda olw'e buvandhuba w'alutaari ere empyaka.

2 Bakyabazinga 16:16

Uria kabona yaakola byonabyona nga kyabazinga Ahazi bwe yamulagira.

2 Bakyabazinga 18:4

Yaatoolagho ebifo ebigulumivu eby'okusinzizaamu, yaamenhagho empango, era yaatematema ebifaananie by'omusambwa omukazi Ashera. Era yaamenhamenha omusota ogw'ekyuma eky'ekikomo Musa gwe yakola n'agweta Nehushitani kuba n'okutuusa mu biseera ebyo, Abaisiraeli baali bakaaguniokeza obubbaani.

2 Bakyabazinga 3:20

Olunaku olwairirira, agho nga mu kiseera eky'okugheerayo emisengo, amaadhi gaidha nga gava ku luuyi lwa Edomu, okutuusa lwe gaidhula mu kiketezo ekyo kyonakyona.

2 Ebyomubyanda 29:32

Baaleeta ente enume nsanvu (70), n'entaama enume kikumi (100), n'entaama ento ebikumi bibiri (200), ebyo byonabyona byaba ng'ekigheebwayo ekyokebwa eri Musengwa Katonda.

2 Ebyomubyanda 29:35

Okwongereza ku bigheebwayo ebyayokebwa byonabyona okuwaagho, ghaaligho n'amasavu ag'ebigheebwayo olw'okutabagana, n'ebigheebwayo ebifukibwa, ebyagheerwayo aghalala n'ebigheebwayo ebyayokebwa ebyo. Kale okusinza okw'omu isinzizo kwaizibwagho kutyo.

2 Ebyomubyanda 33:6

Yaayokyanga batabane be ng'ekigheebwayo ekyokebwa, yaajanga mu balaguzi ni mu basamize, era yaakolanga eby'obulogo n'eby'emizimu. Yaakolanga inho ebibi eri Musengwa Katonda, yaamuleetera okusungughala.

Isaia 2:6

Wo Katonda waife, bona olekuliire agho abantu bo baidhukulu ba Yakobo. Ensi yaibwe bagiidhwiza bya bulogo ebiva e buvandhuba, n'eby'obulaguzi ebiva mu Filisitia. Era bajiira ku mpisa dh'abagwira.

Danieli 11:31

Abaisirukale be balija baayonoona eisinzizo n'ebifo byalyo eby'okwewogomamu, baalireetera okuba nga ti irongoofu. Balirekeza abantu okughaayo ebigheebwayo ebyokebwa ebya buli lunaku, baataagho Ekyenhinhalwa Ekizikiriza.

Danieli 12:11

“Okuva abantu lwe balirekera okughaayo ebigheebwayo ebyokebwa ebya buli lunaku, ng'Ekyenhinhalwa Ekizikiriza kimaze okuteebwagho, ghalibaagho enaku lukumi na bibiri na kyenda (1,290).

Danieli 9:21

Bwe nali nga nkaasaba naabona omuntu ole, Gaburieli, eyali mu kubonekerwa okwasooka. Yaaguluka yaidha ghe nali mu kiseera eky'okugheerayo emisengo egy'eigulo.

Danieli 9:27

Omufuzi oyo alikola endagaano ey'amaani n'abantu kamaala okumala emyaka musanvu, era ghagati gh'emyaka egyo alirekeza okughaayo emisengo n'ebigheebwayo. Ole akola ogw'okuzikiriza alitaagho ku ntwiko y'eisinzizo Ekyenhinhalwa Ekizikiriza, okutuusa enkomerero eyategekerwa oyo azikiriza bw'erituuka.”

Hosea 4:12

Beebuuza ku bintu ebyakolebwa mu muti obuti. Omwigo obwigo n'ogubakobera bye benda okumanha. Bali ng'oti mukazi mwenzi: banvaaku nze Katonda waibwe, baadaaliima, baaja baasinza bakatonda abandi.