2 Bakyabazinga 16:11 - Baibuli Ekibono kya Katonda 2014

¹¹ Uria kabona yaazimba alutaari ng'ajiira ku ebyo byonabyona kyabazinga Ahazi bye yamugheereza ng'ali e Damasiko. Yaagikola atyo era yaagimaliriza nga kyabazinga Ahazi akaali kwira okuva e Damasiko.

2 Bakyabazinga 16:11 ပူးပေါင်းရင်းမြစ်များ

2 Bakyabazinga 16:10

Agho kyabazinga Ahazi yaaja e Damasiko ye kyabazinga Tigulathi Pileseri ow'e Perusia. Ahazi oyo yaabona alutaari eyali e Damasiko. Agho yaagheereza Uria kabona ekifaananie ky'alutaari eyo, ekyoleka ensambo ye yakolebwamu, aghazira kulekayo kintu waire ekirala kiti.

2 Bakyabazinga 16:12

Kyabazinga bwe yaira okuva e Damasiko, yaabona ng'alutaari ewoire okuzimba. Agho yaaseeta gh'eri,

2 Bakyabazinga 16:14

Alutaari ey'ekyuma eky'ekikomo eya Musengwa Katonda, yali ghagati gh'alutaari empyaka n'eisinzizo lya Musengwa Katonda. Aye Ahazi yaagitoolagho, yaagita ku luuyi olw'omukono omugooda olw'e buvandhuba w'alutaari ere empyaka.

2 Bakyabazinga 16:16

Uria kabona yaakola byonabyona nga kyabazinga Ahazi bwe yamulagira.

2 Bakyabazinga 21:4

Yaazimba alutaari mu isinzizo Musengwa Katonda lye yayogeraku ati: “Mu Yerusalemu mwe banansinzizanga.”

2 Bakyabazinga 21:7

Yaata mu isinzizo ekifaananie eky'omusambwa omukazi Ashera kye yabaadha. Ate nga eisinzizo eryo Musengwa Katonda lye yakoba Daudi ni mutabane we Solomoni ati: “Mu isinzizo lino eriri mu kibuga Yerusalemu kye nalondamu mu bibuga byonabyona eby'ebika bya Isiraeli, mwe banansinzizanga enaku dhoonadhoona.

2 Ebyomubyanda 33:4

Yaazimba alutaari mu isinzizo Musengwa Katonda lye yayogeraku ati: “Mu Yerusalemu mwe banansinzizanga lubeerera.”

Isaia 8:2

Nze ndidha kutaagho Uria kabona ni Zekaria mutabane wa Yeberekia, babe abadhulizi bange abeesigwa, okukakasa ekyo.”

Yeremia 23:11

Musengwa Katonda era akoba ati: “Abalanzi ni bakabona tibatya Katonda era nabaagaana nga bakola ebibi ni mu isinzizo mwene.

Ezekieli 22:26

Bakabona baamu baamenha amateeka gange. Tibaawulagho bintu bitukuvu na bitali bitukuvu, waire okwawulagho ebirongoofu n'ebitali birongoofu. Era tibakuza lunaku lwange lwa Sabbato, baaleetera abantu obutampa kitiisa.

Danieli 3:7

Kale abantu boonaboona, abava mu maghanga goonagoona, era aboogera enimi dhoonadhoona, bwe baawulira okuvuga okw'endeka, n'endere, n'endingidi, n'endongo, n'entongooli, n'ebivuga ebindi, beeyala ghansi okusinza ekiwumbe kya zaabu ekyo kyabazinga Nebukadinezzari kye yataagho.

Hosea 4:6

Abantu bange bazikirira olw'okuba tibandidhi nze. Imwe bakabona mwaloba okuumanha nze, kale ni zeena ndibaloba okuba bakabona bange. Era nga bwe mwerabira amateeka gange nze Katonda waimwe, zeena nja kwerabira abaana baimwe.

Hosea 5:11

Isiraeli bamutuntuza era baamusaliriza omusango gwamusinga, olw'okuba yaikiriza okukolera ku biragiro eby'abo abatandigwaniire kumulagira naire.

Ab'e Galatia 1:10

Mudhuuba muti ndi kunuyirira kusiimibwa bantu aye ti Katonda? Oba ndi kugezaaku kusangaaza bantu? Bwemba nga nkaagezaaku okusangaaza abantu mba tiri mugheereza wa Kurisito.