2 Bakyabazinga 15:37 - Baibuli Ekibono kya Katonda 2014

³⁷ Mu biseera Yothamu bye yafugiramu, Musengwa Katonda mwe yatoolereza okusindika Rezini kyabazinga wa Siria ni Peka kyabazinga wa Isiraeli era mutabane wa Remalia, baaja baalumba Buyudaaya.

2 Bakyabazinga 15:37 ပူးပေါင်းရင်းမြစ်များ

2 Bakyabazinga 10:32

Mu kiseera ekyo, Musengwa Katonda yaatoolera okukendeeza ku nsi Isiraeli. Hazaeli kyabazinga wa Siria yaaghangula ekiketezo kya Isiraeli kyonakyona:

2 Bakyabazinga 15:27

Mu mwaka ogwamakumi ataanu n'ebiri (52) nga kyabazinga Uzzia n'afuga Buyudaaya, Peka mutabane wa Remalia yaafuuka kyabazinga wa Isiraeli. Yaafugira mu Samaria okumala entangama ya myaka makumi abiri.

2 Bakyabazinga 15:36

Ebindi byonabyona Yothamu bye yakola, byaghandiikibwa mu Kitabo ky'Ebyomubyanda bya Bakyabazinga ba Buyudaaya.

2 Bakyabazinga 15:38

Agho Yothamu yaafa yeeyimba ku badhaadha be abaafa, era yaaziikibwa mu badhaadha be abo, mu kyetebwa Ekibuga kya Daudi dhaadha we. Mutabane we Ahazi yaamusikira ku bwakyabazinga.

2 Bakyabazinga 16:5

Agho Rezini kyabazinga wa Siria, ni Peka kyabazinga wa Isiraeli era mutabane wa Remalia, baidha okulumba Yerusalemu. Baazingiza Ahazi okumwezunguluza, aye baaloba kusobola kumughangula.

2 Ebyomubyanda 28:6

Peka oyo mutabane wa Remalia yaita mu Bayudaaya abantu emitwalo ikumi n'ebiri (120,000) mu lunaku lulala, olw'okuba baava ku Musengwa Katonda, oyo Katonda wa badhaadha baibwe. Abantu abo boonaboona baali abasaadha abaziramu ntete.

Zabbuli 78:49

Abantu abo yabamaliraku obusungu bwe nga yeesiniirwa ekibitiriire. Obusungu bwe obwo bwali ng'oti n'ekikunsu kya bamalaika be, abazikiriza.

Isaia 7:1

Mu biseera Ahazi mutabane wa Yothamu era mwidhukulu wa Uzzia bye yafugiramu Buyudaaya, Rezini kyabazinga wa Siria, ni Peka mutabane wa Remalia era kyabazinga wa Isiraeli, baalumba Yerusalemu aye kyabalema okughangula.

Isaia 7:8

kuba Rezini afuga Siria yonka n'ekibuga kyayo ekikulu Damasiko. Ate mu myaka nkaaga n'etaanu, Isiraeli eriba yeekutwirekutwiremu nga tekaali ighanga irala.

Yeremia 16:16

Musengwa Katonda akoba ati: “Bona, nze nja kwetesa abavubi kamaala, baje bavube abantu abo ng'oti byanhandha. Memale kabiri ndhetese abayiizi kamaala, baje babayiige ng'oti nsolo ku buli lusozi, ni ku buli kasozi, ni mu buli mpuku eri mu lwatika lw'olubaale.

Yeremia 25:29

kuba bona, nja kusookera mu kibuga kyange mwene okukola akabi. Balowooza bati beene baliwona okubonerezebwa? Busa, tibaliwona kubonerezebwa naire, kuba nja kusindika olutalo ku bantu boonaboona ab'oku nsi. Nze Musengwa Katonda Afuga Amagye, ninze nkobye.’

Yeremia 43:10

Memale obakobe oti nze Musengwa Katonda Afuga Amagye, Katonda wa Isiraeli, ndyetesa ghano omugheereza wange Nebukadinezzari kyabazinga ow'e Babilonia. Yaidha yaata ekityamo kye eky'obwakyabazinga ghano ku mabaale gano ge nziise, era yaagasimbaku ni weema ye ey'obwakyabazinga.

Luka 21:28

Ebintu ebyo bwe bitooleranga okubaagho musitukanga mwayemerera, mwalinga ghaigulu kuba okununulibwa kwaimwe kuliba kutuuse.”

Amateeka Agokubiri 28:48

Kale ni aidha kubasindikiranga abazigu, imwe mufuuke bagheereza baibwe, endhala n'endiwo bibalumenga, nga muli madu era nga muzira kintu kyonakyona kye muli nakyo. Musengwa Katonda oyo aidhanga kubaleetera okutuntuzibwa einho, okutuusa lwe mulizikirizibwa.

1 Samueli 3:12

Ku lunaku olwo nja kutuukiriza byonabyona bye neesoomera okukola Eli n'ab'endhu ye, okuva ku kisooka okutuuka ku kisembayo.