2 Bakyabazinga 15:29 - Baibuli Ekibono kya Katonda 2014

²⁹ Mu biseera Peka bye yafugiramu Isiraeli, ghaabaagho kyabazinga Tigulathi Pileseri ow'e Assiria yaidha yaagema ebibuga Iyoni, ni Abeli Bethi Maaka, ni Yanoa, ni Kedeshi, ni Hazori, n'ebiketezo eby'e Gileadi, n'eby'e Galilaaya, n'eby'e Nafutali. Era yaatwala n'abantu mu Assiria nga banhage.

2 Bakyabazinga 15:29 ပူးပေါင်းရင်းမြစ်များ

1 Bakyabazinga 14:15

N'okuva ku olwo, Musengwa Katonda aja kubonereza ensi Isiraeli edhugumire ng'oti n'olugada bwe lutengeeta mu maadhi. Era aja kutoola Abaisiraeli mu nsi eno enungi ye yagha badhaadha baibwe, abasansaanize eyo ng'osomoike omwiga Eufurate, kuba baamusungughaza nga beekolera ebifaananie by'omusambwa omukazi, Ashera.

1 Bakyabazinga 15:20

Agho Benihadadi yaaganha kyabazinga Asa bye yamukoba. Yaatuma abaduumizi b'eigye lye okulumba ebibuga bya Isiraeli, yaagema ebibuga bino: Iyoni, ni Dani, ni Abeli Bethi Maaka, ni Kinnerothi, n'ekiketezo kyonakyona ekya Nafutali.

1 Bakyabazinga 9:11

kyabazinga Solomoni oyo yaagha kyabazinga Hiramu ebibuga amakumi abiri mu kiketezo ky'e Galilaaya. Hiramu oyo, kyabazinga w'e Tiro, n'eyaleeteranga Solomoni ebintu byonabyona bye yeetaaganga okuzimbisa: emivule, emiti emisipuressi, ni zaabu.

2 Bakyabazinga 15:19

Agho Puli kyabazinga w'e Siria, yaalumba Isiraeli. Menahemu yaagha Puli oyo kilo emitwalo amakumi asatu n'ena (340,000) edha feeza, olwo Puli oyo aghange okuyamba Menahemu okukakata ku bwakyabazinga.

2 Bakyabazinga 15:20

Empiiya edho dhe yagha kyabazinga w'e Siria, Menahemu yadhisoloza ku basaadha boonaboona abakombe ab'omu Isiraeli. Kiisi musaadha yaghaayo ebitundu amakumi ataanu ebya feeza. Agho Puli kyabazinga w'e Siria yaakyuka yairayo, yaaloba kusigala mu nsi eyo Isiraeli.

2 Bakyabazinga 15:28

Yaakola ebibi eri Musengwa Katonda nga Yeroboamu mutabane wa Nebati bye yakola, ebyaleetera Isiraeli okwonoona.

2 Bakyabazinga 15:30

Mu mwaka ogwamakumi abiri (20) nga kyabazinga Yothamu mutabane wa Uzzia n'afuga Buyudaaya, Hoshea mutabane wa Ela yaakola olukwe, yaafumita Peka mutabane wa Remalia, yaamwita. Olwo Hoshea oyo yaafuuka kyabazinga mu kifo kye.

2 Bakyabazinga 16:10

Agho kyabazinga Ahazi yaaja e Damasiko ye kyabazinga Tigulathi Pileseri ow'e Perusia. Ahazi oyo yaabona alutaari eyali e Damasiko. Agho yaagheereza Uria kabona ekifaananie ky'alutaari eyo, ekyoleka ensambo ye yakolebwamu, aghazira kulekayo kintu waire ekirala kiti.

2 Bakyabazinga 16:7

Agho Ahazi yaagheereza abakwenda ye kyabazinga Tigulathi Pileseri ow'e Assiria, ng'akoba ati: “Nze ndi mugheereza wo era mwana wo. Idha omponie kyabazinga wa Siria ni kyabazinga wa Isiraeli abaanumbye.”

2 Bakyabazinga 17:20

Musengwa Katonda yaalekulira agho baidhukulu ba Isiraeli boonaboona, yaababonereza ng'abaghaayo mu mikono gy'abazigu baibwe, okutuusa lwe yababingira irala mu maiso ge.

2 Bakyabazinga 17:23

okutuusa Musengwa Katonda lwe yababinga mu maiso ge, nga bwe yabalabula ng'abita mu bagheereza be abalanzi boonaboona. Agho ab'omu Isiraeli baabatoola mu nsi yaibwe, baabatwala mu Assiria ye bakaali ni ye buli eno.

2 Bakyabazinga 17:6

Mu mwaka ogwomwenda nga kyabazinga Hoshea n'afuga Isiraeli, kyabazinga w'e Assiria yaagema ekibuga Samaria, era yaakukumba abantu ab'omu Isiraeli yaabatwala mu Assiria nga banhage. Abandi yaabata mu kibuga Hala, abandi kumpi n'omwiga Habori mu kiketezo ky'e Gozani, ate abandi mu bibuga eby'Abamedia.

2 Bakyabazinga 18:11

Kyabazinga w'e Assiria yaakukumba abantu ab'omu Isiraeli yaabatwala mu Assiria. Abandi yaabata mu kibuga Hala, abandi kumpi n'omwiga Habori mu kiketezo ky'e Gozani, ate abandi mu bibuga eby'Abamedi.

2 Bakyabazinga 19:11

Wawulira bakyabazinga ab'e Assiria bye baakola ensi dhoonadhoona, ni badhizikiriza okudhisaaniagho. Obwo iwe olowooza oti onaawona?

2 Bakyabazinga 8:11

Agho Elisha yaalingirira Hazaeli obutatemya, okutuusa ensoni lwe dhaagema Hazaeli oyo. Elisha omuntu wa Katonda oyo yaalira amaziga.

1 Ebyomubyanda 5:22

Era baita mu bazigu abo abantu kamaala, kuba Katonda n'eyalwana olutalo olwo. Baaba mu biketezo ebyo nga babyefuze, okutuusa lwe baatwalibwa mu bunhage.

1 Ebyomubyanda 5:26

Agho Katonda wa Isiraeli yaasiikuula enzigu mu mwoyo gwa Puli kyabazinga w'e Assiria, eriina lye erindi nga ni Tigulathi Pileseri, yaaja yaatwala mu bunhage Abareubeni, n'Abagadi, n'ekitundu ku Bamanasse. Yaabatwala e Hala, n'e Habori, n'e Hara, ni ku mwiga Gozani, baabeera irala eyo ni ye buli eno.

1 Ebyomubyanda 5:6

yaazaala Beera, kyabazinga Tigulathi Piluneseri ow'e Assiria ye yatwala mu bunhage. Beera oyo n'eyali akulira abasimuka mu Reubeni.

2 Ebyomubyanda 16:4

Benihadadi yaaganha kyabazinga Asa bye yamukoba. Yaatuma abaduumizi b'eigye lye okulumba ebibuga bya Isiraeli. Baagema ebibuga bino: Iyoni, ni Dani, ni Abeli Maimu, n'ebibuga bya Nafutali byonabyona ebyalimu amaterekero.

Nehemia 9:32

Wo Katonda waife omukologho, oli w'amaani era wa ntiisa. Iwe okuuma endagaano era waagonza abantu obutakoma. Agho ni, ebizibu byonabyona ebyatwidhira, ife ni bakyabazinga baife, n'abakungu baife, ni bakabona baife, n'abalanzi baife, ni badhaadha baife, n'abantu bo boonaboona, okuviira irala ku byanda bya bakyabazinga ba Assiria, okutuusa ni ye buli eno, otabitwala ng'ekintu ekitono.

Isaia 1:7

Ensi yaimwe bagizikiriiza, n'ebibuga byaimwe baabyokya omuliro byasiriira; abantu abagwira balumbye ensi yaimwe; baaginhaga era baazikiriza n'ebigirimu nga mubona muti.

Isaia 37:18

Wo Musengwa Katonda, mu butuufu bakyabazinga ba Assiria bazikiriiza amaghanga kamaala, baaleka ensi edh'amaghanga ago nga dhifafaagaine.

Isaia 7:16

Era aliba akaali na kwawulagho kirungi na kibi, ng'ensi dha bakyabazinga ababiri ababatiisa dhaamala ira okusigala agho nga ndhereere.

Isaia 7:20

“Olunaku olwo bwe lulituuka, Musengwa Katonda alibasala enviiri n'akamwano k'alipangisa okuva ere ng'osomoike omwiga Eufurate oyo nga ni kyabazinga w'e Assiria. Alibasalaku enviiri ku mitwe, n'ebirevu, n'obuviiri obw'oku mibiri gyaimwe.

Ezekieli 23:9

Kale nze kyenava ni mmughaayo mu ngalo edh'abagonzi be Abassiria be yeefulugutanga nabo.

Abalevi 26:32

Ensi yaimwe ndigisaanizaagho irala, n'abazigu baimwe abaliidha okugibaamu balyewuunhia okubona okuzikirira kwayo.

Amosi 1:13

Musengwa Katonda akoba ati: “Abantu ab'omu Ammoni bakoze ebibi emikuzi kamaala. N'olw'ensonga eyo nteekwa buteekwe okubabonereza kuba, mu ntalo dhe baalwana okugaziya ekiketezo kyaibwe, baasalanga amabunda g'abakazi be baayagaananga nga bali nda mu Gileadi.

Amosi 1:3

Musengwa Katonda akoba ati: “Abantu ab'e Siria bakoze ebibi emikuzi kamaala. N'olw'ensonga eyo nteekwa buteekwe okubabonereza. Kuba baabisa abantu ab'e Gileadi mu bukambwe obutaloodheka.

Amosi 5:27

ku lunaku lwe ndibaghaayo okutwalibwa mu bunhage mu nsi eri eyo ng'omaze okubisa Damasiko.” Atyo Musengwa Katonda bw'akoba, ayetebwa eriina, “Katonda Afuga Amagye.”

Amosi 6:14

Aye Musengwa Katonda Afuga Amagye akoba ati: “Imwe Abaisiraeli mubone eno, nja kubasindikaku eighanga libalumbe. Lirituntuza abantu okuviira irala ku mwiga Araba okutuuka ku Hamathi.”

Okubala 32:1

Ab'ekika kya Reubeni n'ab'ekya Gadi baali n'ebyayo kamaala inho. Agho baabona ekiketezo eky'e Yazeri n'eky'e Gileadi nga birungi bya kwayiramu.

Okubala 32:40

Era Musa yaakibagha baatyama omwo.

Amateeka Agokubiri 28:25

“Musengwa Katonda aidha kuleeteranga abazigu baimwe babaghangulenga nga babona. Mwidha kujiiranga mu ngira ndala nga muja okubalumba, aye mwidha kwiriranga mu ngira kamaala nga muli kughaba okulumuka okuva ghe bali. Amaghanga goonagoona ku nsi bwe ganaabonanga ebibatuuseeku, gaidha kutyanga inho.

Amateeka Agokubiri 3:15

“Ekiketezo eky'e Gileadi nakigabira ab'ekika kya Makiri mutabane wa Manasse.

Yoshua 11:1

Kyabazinga Yabini ow'e Hazori bwe yawulira ku bughanguzi obw'Abaisiraeli, yaagheereza obukwenda eri bakyabazinga abaali bamuliiraine. Bano baali: Yobabu kyabazinga ow'e Madoni, ni kyabazinga ow'e Shimuroni, ni kyabazinga ow'e Akishafu.

Yoshua 11:10

Mu biseera ebyo, obwakyabazinga obw'e Hazori, bwali nga n'obusinga amaani mu kiketezo ekyo. Agho Yoshua n'abasaadha be baakyuka baabulumba era baabughangula.

Yoshua 11:13

Aye ghazira kibuga kyonakyona kyazimbibwa ku kasozi, Baisiraeli kye baayokya okutoolaku Hazori Yoshua kye yayokya.

Yoshua 12:19

Madoni, Hazori,

Yoshua 16:6

era yeeyongerayo okutuuka ku Nhandha Eyaghagati. Ku luuyi olw'omukono omugooda olw'e buvandhuba, nga bagabana ensalosalo ni Mikamethathi e buvandhuba ng'ensalosalo eyo ekyuka yaaja ng'eyolekera Taanathi Shilo, era yaakibita ku luuyi lwakyo olw'e buvandhuba yaatuuka e Yanoa.

Yoshua 19:35

Ebibuga ebyezungulwirwa ebimante ebigumu byali nga ni bino: Ziddimu, Zeri, Hamathi, Rakkathi, Kinnerethi,

Yoshua 19:37

Kedeshi, Edurei, Enihazori,

Yoshua 20:7

Kale e bugwandhuba wa Yorudani baalondayo Kedeshi eky'e Galilaaya, mu kiketezo eky'ensozi ekya Nafutali ate mu kiketezo eky'ensozi ekya Efuraimu baalondayo Shekemu. Mu kiketezo eky'ensozi ekya Yuda baalondayo Kiriathi Araba, ekyo nga ni Heburoni.

Abalamuzi 18:30

Ab'omu kika kya Dani abo, baataagho ekifaananie ekibaadhe kire, okukisinzanga. Agho Yonathani mutabane wa Gereshomu, era mwidhukulu wa Musa, yaaba kabona waibwe. Yonathani oyo ni baidhukulu be abaamwiririra, n'abaali bakabona b'Abadani abo okutuusa abantu lwe baatwalibwa mu bunhage.

Abalamuzi 4:2

Agho yaabaleka baaghangulwa kyabazinga Yabini ow'e Kanaani, eyafugiranga mu kibuga Hazori. Omuduumizi w'eigye lye yali nga ni Sisera, ng'aba mu Haroshethi Hagoyiimu.