2 Bakyabazinga 15:27 - Baibuli Ekibono kya Katonda 2014

²⁷ Mu mwaka ogwamakumi ataanu n'ebiri (52) nga kyabazinga Uzzia n'afuga Buyudaaya, Peka mutabane wa Remalia yaafuuka kyabazinga wa Isiraeli. Yaafugira mu Samaria okumala entangama ya myaka makumi abiri.

2 Bakyabazinga 15:27 ပူးပေါင်းရင်းမြစ်များ

2 Bakyabazinga 15:1

Mu mwaka ogwamakumi abiri n'omusanvu (27) nga kyabazinga Yeroboamu Owokubiri n'afuga Isiraeli, Uzzia mutabane wa Amazia yafuuka kyabazinga wa Buyudaaya.

2 Bakyabazinga 15:13

Mu mwaka ogwasatu n'omwenda (39) nga kyabazinga Uzzia n'afuga Buyudaaya, Shallumu mutabane wa Yabeshi yaafuuka kyabazinga wa Isiraeli, era yaafugira mu Samaria okumala entangama ya mwezi mulala.

2 Bakyabazinga 15:2

Yali agheza emyaka ikumi na mukaaga egy'obukulu, era yaafugira mu Yerusalemu okumala entangama ya myaka amakumi ataanu n'ebiri (52). Inhina nga ni Yekolia ow'e Yerusalemu.

2 Bakyabazinga 15:23

Mu mwaka ogwamakumi ataanu (50) nga kyabazinga Uzzia n'afuga Buyudaaya, Pekahia mutabane wa Menahemu yaafuuka kyabazinga wa Isiraeli. Yaafugira mu Samaria okumala entangama ya myaka ebiri.

2 Bakyabazinga 15:25

Agho omuduumizi ow'eigye lye ayetebwa Peka, mutabane wa Remalia, yaakola olukwe n'abasaadha amakumi ataanu abaava e Gileadi, yaamwitira e Samaria mu kifo eky'okwewogomamu eky'omu kisaagaati kya kyabazinga. Olwo Peka oyo yaafuuka kyabazinga mu kifo kya Pekahia.

2 Bakyabazinga 15:26

Ebindi byonabyona Pekahia bye yakola, byaghandiikibwa mu Kitabo ky'Ebyomubyanda bya Bakyabazinga ba Isiraeli.

2 Bakyabazinga 15:28

Yaakola ebibi eri Musengwa Katonda nga Yeroboamu mutabane wa Nebati bye yakola, ebyaleetera Isiraeli okwonoona.

2 Bakyabazinga 15:37

Mu biseera Yothamu bye yafugiramu, Musengwa Katonda mwe yatoolereza okusindika Rezini kyabazinga wa Siria ni Peka kyabazinga wa Isiraeli era mutabane wa Remalia, baaja baalumba Buyudaaya.

2 Bakyabazinga 15:8

Mu mwaka ogw'amakumi asatu n'omunaana (38) nga kyabazinga Uzzia n'afuga Buyudaaya, Zekaria yaafuuka kyabazinga wa Isiraeli, kyabazinga Yeroboamu owokubiri nga n'amuzaala. Yaafugira mu Samaria okumala entangama ya myezi mukaaga.

2 Ebyomubyanda 28:6

Peka oyo mutabane wa Remalia yaita mu Bayudaaya abantu emitwalo ikumi n'ebiri (120,000) mu lunaku lulala, olw'okuba baava ku Musengwa Katonda, oyo Katonda wa badhaadha baibwe. Abantu abo boonaboona baali abasaadha abaziramu ntete.

Isaia 7:1

Mu biseera Ahazi mutabane wa Yothamu era mwidhukulu wa Uzzia bye yafugiramu Buyudaaya, Rezini kyabazinga wa Siria, ni Peka mutabane wa Remalia era kyabazinga wa Isiraeli, baalumba Yerusalemu aye kyabalema okughangula.

Isaia 7:4

Omukobe oti, ‘Guma obe mwikaikamu, otatya era otawaamu maani. Obusungu obubitirivu obwa Rezini, n'obw'Abasiria, n'obwa Peka mutabane wa Remalia, buli ng'oti mwosi bwosi oguva ku buti obubiri obunioka.

Isaia 7:9

Ekibuga ekikulu ekya Isiraeli kiri Samaria, era Peka mutabane wa Remalia ni kyabazinga wa Isiraeli. “‘Bwe muliroba okwikiriza, timuligumiragho ni mukakasibwa.’”