2 Bakyabazinga 15:25 - Baibuli Ekibono kya Katonda 2014

²⁵ Agho omuduumizi ow'eigye lye ayetebwa Peka, mutabane wa Remalia, yaakola olukwe n'abasaadha amakumi ataanu abaava e Gileadi, yaamwitira e Samaria mu kifo eky'okwewogomamu eky'omu kisaagaati kya kyabazinga. Olwo Peka oyo yaafuuka kyabazinga mu kifo kya Pekahia.

2 Bakyabazinga 15:25 ပူးပေါင်းရင်းမြစ်များ

1 Bakyabazinga 16:18

Zimuri bwe yabona ng'ekibuga bakighambye, yaingira mu kifo eky'okwewogomamu eky'omu kisaagaati kya kyabazinga. Agho yaakunaania ku kisaagaati ekyo omuliro, ni mwene yeeyokeramu, yaafa.

1 Bakyabazinga 16:9

Aye Zimuri, owundi ku bakungu be eyaduumiranga ekitundu ku bigaali bye eby'omu lutalo, yaamulyamu olukwe. Lwali lulala, Ela yaanhwa omwenge, yaatamiirira mu maka ga Aruza eyalabiriranga ekisaagaati kya kyabazinga e Tiruza

2 Bakyabazinga 15:10

Agho Shallumu mutabane wa Yabeshi yaamukolera olukwe, yaamufumitira mu Ibuleamu, yaamwita, era yaafuga mu kifo kye.

2 Bakyabazinga 15:24

Yaakola ebibi eri Musengwa Katonda nga Yeroboamu mutabane wa Nebati bye yakola, ebyaleetera Isiraeli okwonoona.

2 Bakyabazinga 15:26

Ebindi byonabyona Pekahia bye yakola, byaghandiikibwa mu Kitabo ky'Ebyomubyanda bya Bakyabazinga ba Isiraeli.

2 Bakyabazinga 15:27

Mu mwaka ogwamakumi ataanu n'ebiri (52) nga kyabazinga Uzzia n'afuga Buyudaaya, Peka mutabane wa Remalia yaafuuka kyabazinga wa Isiraeli. Yaafugira mu Samaria okumala entangama ya myaka makumi abiri.

2 Bakyabazinga 9:14

Agho Yehu mutabane wa Yehoshafati era mwidhukulu wa Nimushi yaakola olukwe okwita Yoramu. Mu kiseera ekyo, Yoramu n'Abaisiraeli boonaboona baali nga bali kukuuma Ramothi Gileadi kirobe kunhagibwa Hazaeli, kyabazinga wa Siria.

2 Bakyabazinga 9:5

yaatuukayo ng'abaduumizi b'eigye batyaime mu lwekobaano. Yaakoba ati: “Isebo ndi n'obukwenda bwo.” Yehu yaamubuuza ati: “Naani ku ife y'oli kukoba.” Yairamu ati: “Iwe isebo.”

2 Ebyomubyanda 28:6

Peka oyo mutabane wa Remalia yaita mu Bayudaaya abantu emitwalo ikumi n'ebiri (120,000) mu lunaku lulala, olw'okuba baava ku Musengwa Katonda, oyo Katonda wa badhaadha baibwe. Abantu abo boonaboona baali abasaadha abaziramu ntete.

Isaia 7:1

Mu biseera Ahazi mutabane wa Yothamu era mwidhukulu wa Uzzia bye yafugiramu Buyudaaya, Rezini kyabazinga wa Siria, ni Peka mutabane wa Remalia era kyabazinga wa Isiraeli, baalumba Yerusalemu aye kyabalema okughangula.