2 Bakyabazinga 15:23 - Baibuli Ekibono kya Katonda 2014

²³ Mu mwaka ogwamakumi ataanu (50) nga kyabazinga Uzzia n'afuga Buyudaaya, Pekahia mutabane wa Menahemu yaafuuka kyabazinga wa Isiraeli. Yaafugira mu Samaria okumala entangama ya myaka ebiri.

2 Bakyabazinga 15:23 ပူးပေါင်းရင်းမြစ်များ

1 Bakyabazinga 15:25

Agho mu mwaka ogwokubiri nga kyabazinga Asa n'afuga Buyudaaya, Nadabu mutabane wa Yeroboamu yaafuuka kyabazinga wa Isiraeli, era yaafugira entangama ya myaka ebiri.

1 Bakyabazinga 16:8

Mu mwaka ogwamakumi abiri n'omukaaga (26) ogwa Asa nga n'afuga Buyudaaya, Ela mutabane wa Baasha yaafuuka kyabazinga wa Isiraeli, era yaafugira entangama ya myaka ebiri mu Tiruza.

1 Bakyabazinga 22:51

Mu mwaka ogweikumi n'omusanvu (17) ogwa kyabazinga Yehoshafati nga n'afuga Buyudaaya, Ahazia yaafuuka kyabazinga wa Isiraeli, era yaafuga okumala entangama ya myaka ebiri mu Samaria.

2 Bakyabazinga 15:1

Mu mwaka ogwamakumi abiri n'omusanvu (27) nga kyabazinga Yeroboamu Owokubiri n'afuga Isiraeli, Uzzia mutabane wa Amazia yafuuka kyabazinga wa Buyudaaya.

2 Bakyabazinga 15:22

Agho Menahemu yaafa yeeyimba ku badhaadha be abaafa. Mutabane we Pekahia yaamusikira ku bwakyabazinga.

2 Bakyabazinga 15:24

Yaakola ebibi eri Musengwa Katonda nga Yeroboamu mutabane wa Nebati bye yakola, ebyaleetera Isiraeli okwonoona.

2 Bakyabazinga 15:27

Mu mwaka ogwamakumi ataanu n'ebiri (52) nga kyabazinga Uzzia n'afuga Buyudaaya, Peka mutabane wa Remalia yaafuuka kyabazinga wa Isiraeli. Yaafugira mu Samaria okumala entangama ya myaka makumi abiri.

2 Bakyabazinga 15:8

Mu mwaka ogw'amakumi asatu n'omunaana (38) nga kyabazinga Uzzia n'afuga Buyudaaya, Zekaria yaafuuka kyabazinga wa Isiraeli, kyabazinga Yeroboamu owokubiri nga n'amuzaala. Yaafugira mu Samaria okumala entangama ya myezi mukaaga.

2 Bakyabazinga 21:19

Amoni yali agheza emyaka amakumi abiri n'ebiri egy'obukulu ghe yafuukira kyabazinga wa Buyudaaya, era yaafuga okumala entangama ya myaka ebiri mu Yerusalemu. Inhina yali nga ni Meshullemethi, mughala wa Haruzi ow'e Yotiba.

Yobu 20:5

eisanhu ly'omubi likoma mangu; omuntu atatya Katonda asangaalaku kaseera buseera.