2 Bakyabazinga 15:20 - Baibuli Ekibono kya Katonda 2014

²⁰ Empiiya edho dhe yagha kyabazinga w'e Siria, Menahemu yadhisoloza ku basaadha boonaboona abakombe ab'omu Isiraeli. Kiisi musaadha yaghaayo ebitundu amakumi ataanu ebya feeza. Agho Puli kyabazinga w'e Siria yaakyuka yairayo, yaaloba kusigala mu nsi eyo Isiraeli.

2 Bakyabazinga 15:20 ပူးပေါင်းရင်းမြစ်များ

2 Samueli 19:32

Barazillai oyo yali musaadha mukaire inho, ng'agheza emyaka kinaana egy'obukulu. Yali mukombe inho, nga n'agha kyabazinga emere ekiseera kyonakyona kyabazinga oyo kye yamala e Mahanaimu.

2 Bakyabazinga 15:19

Agho Puli kyabazinga w'e Siria, yaalumba Isiraeli. Menahemu yaagha Puli oyo kilo emitwalo amakumi asatu n'ena (340,000) edha feeza, olwo Puli oyo aghange okuyamba Menahemu okukakata ku bwakyabazinga.

2 Bakyabazinga 15:21

Ebindi byonabyona Menahemu bye yakola, byaghandiikibwa mu Kitabo ky'Ebyomubyanda bya Bakyabazinga ba Isiraeli.

2 Bakyabazinga 15:29

Mu biseera Peka bye yafugiramu Isiraeli, ghaabaagho kyabazinga Tigulathi Pileseri ow'e Assiria yaidha yaagema ebibuga Iyoni, ni Abeli Bethi Maaka, ni Yanoa, ni Kedeshi, ni Hazori, n'ebiketezo eby'e Gileadi, n'eby'e Galilaaya, n'eby'e Nafutali. Era yaatwala n'abantu mu Assiria nga banhage.

2 Bakyabazinga 23:35

Kyabazinga Yehoiakimu yaasolozanga feeza ni zaabu ku bantu b'omu nsi ye ng'ajiira ku nfuna yaibwe, aghange okugheza omughendo gw'empiiya edh'omusolo kyabazinga w'e Misiri gwe yamulagira okusasulanga.

Yobu 1:3

Yali n'entaama kasanvu (7,000), engamiya enkumi isatu (3,000), ente edhirima lukumi (1,000), endogoyi enkazi ebikumi bitaanu (500), era n'abairu kamaala inho. Omusaadha oyo n'eyali asinga okuba omukombe mu bantu ab'e buvandhuba boonaboona.

Ruthi 2:1

Naomi yali n'omumanhe mu kibuga omwo nga bamweta Boazi era nga ba kika kirala ni Elimeleki eyali iba. Yali mukombe era nga mutaka mukulu.