2 Bakyabazinga 15:16 - Baibuli Ekibono kya Katonda 2014

¹⁶ Agho Menahemu yaazikiriza ekibuga Tappua, n'abaakirimu boonaboona, n'ebiketezo ebikiriiraine okuviira irala e Tiruza kuba baaloba okumwiguliragho okwingira. N'abakazi boonaboona abaakirimu nga bali mabunda, amabunda yaagabaagamu!

2 Bakyabazinga 15:16 ပူးပေါင်းရင်းမြစ်များ

1 Bakyabazinga 4:24

Solomoni yafuganga ekiketezo kyonakyona eky'e bugwandhuba bw'omwiga Eufurate, okuva ku Tifusha okutuuka e Gaza, ng'afuga bakyabazinga baamu boonaboona. Era yali mu miraala n'ebiketezo byonabyona ebyali bimwezungulwire.

2 Bakyabazinga 15:15

Ebindi byonabyona Shallumu bye yakola, omuli n'olukwe olw'okwita Zekaria lwe yakola, byaghandiikibwa mu Kitabo ky'Ebyomubyanda bya Bakyabazinga ba Isiraeli.

2 Bakyabazinga 8:12

Hazaeli yaabuuza ati: “Musengwa Katonda wange, lwaki oli kulira?” Elisha yairamu ati: “Lwa kuba ndidhi ebiinoino by'olikola ku Baisiraeli. Olikuma omuliro ku bifo byaibwe eby'okwewogomamu, waita abaana baibwe abaakaisuka, era waabaagamu abakazi baibwe abali enda.”

Hosea 13:16

Ab'e Samaria balivunaanibwa omusango olw'okundheemera nze Katonda waibwe. Abazigu balibaitira mu ntalo, era abazigu abo balikuba abaana baibwe abaghere ku itaka, baabasekembula okutuusa okufa. N'abakazi baibwe abali enda balibasala amabunda baagaawuza.”

Amosi 1:13

Musengwa Katonda akoba ati: “Abantu ab'omu Ammoni bakoze ebibi emikuzi kamaala. N'olw'ensonga eyo nteekwa buteekwe okubabonereza kuba, mu ntalo dhe baalwana okugaziya ekiketezo kyaibwe, baasalanga amabunda g'abakazi be baayagaananga nga bali nda mu Gileadi.

Abalamuzi 9:52

Abimeleki bwe yaja okulumba ekimante ekigumu ekyo, yaaseeta gha mulyango gwakyo okukikumaku omuliro.