2 Bakyabazinga 15:12 - Baibuli Ekibono kya Katonda 2014

¹² Ekyo kyatuukiriza Musengwa Katonda kye yasuubiza kyabazinga Yehu, ati: “Ab'eizaire lyo okutuuka ku luse olwokuna, balityama ku kityamo eky'obwakyabazinga bwa Isiraeli.”

2 Bakyabazinga 15:12 ပူးပေါင်းရင်းမြစ်များ

2 Bakyabazinga 10:10

Kale ni mukimanhe nga buli kintu Musengwa Katonda kye yakoba ku b'endhu ya Ahabu, tikiriroba kutuukirira. Musengwa Katonda akoze ekyo kye yayogera ng'abita mu mugheereza we Eliya.”

2 Bakyabazinga 10:30

Musengwa Katonda yaakoba Yehu ati: “Nga bw'okoze obukalamu ebyo bye nsiima, n'otuukiriza byonabyona bye nayenda okukola ab'endhu ya Ahabu, nkusuubiza nti ab'eizaire lyo okutuuka ku luse olwokuna, balityama ku kityamo eky'obwakyabazinga bwa Isiraeli.”

2 Bakyabazinga 13:1

Mu mwaka ogwamakumi abiri n'esatu (23) nga kyabazinga Yoashi mutabane wa Ahazia n'afuga Buyudaaya, Yehoahazi mutabane wa Yehu yaafuuka kyabazinga wa Isiraeli, era yaafugira mu Samaria okumala entangama ya myaka ikumi na musanvu.

2 Bakyabazinga 13:10

Mu mwaka ogwamakumi asatu n'omusanvu (37) nga kyabazinga Yoashi n'afuga Buyudaaya, Yehoashi mutabane wa Yehoahazi yaafuuka kyabazinga wa Isiraeli, era yaafugira mu Samaria okumala entangama ya myaka ikumi na mukaaga.

2 Bakyabazinga 13:13

Agho Yehoashi yaafa, yeeyimba ku badhaadha be abaafa, era yaaziikibwa e Samaria mu lwambiidhi lwa bakyabazinga ba Isiraeli. Mutabane we Yeroboamu yaamusikira ku bwakyabazinga.

2 Bakyabazinga 14:29

Agho Yeroboamu Owokubiri yaafa, yeeyimba ku badhaadha be abaafa bakyabazinga ba Isiraeli. Mutabane we Zekaria yaamusikira ku bwakyabazinga.

2 Bakyabazinga 15:11

Ebindi byonabyona Zekaria bye yakola, byaghandiikibwa mu Kitabo ky'Ebyomubyanda bya Bakyabazinga ba Isiraeli.

Zekaria 1:6

Aye okulabula kwange n'ebiragiro byange, bye nabisa mu bagheereza bange abalanzi, byatuukirira ku badhaadha baimwe abo, baatuuka n'okwenenia. Baakoba bati, ‘Musengwa Katonda Afuga Amagye akoze nga bwe yasalagho, yaatubonereza olw'empisa dhaife embi n'olw'ebikolwa byaife ebibi nga bwe tugwaniire.’ ”

Okubala 23:19

Katonda talimba, aye abantu balimba; Katonda takyuka, aye abantu bakyuka. Ky'akoba taloba kukikola; ky'ayogera taloba kukituukiriza.

Mariko 13:31

Eigulu n'ensi biriwaagho aye ebibono byange tibiriwaagho.

Yoanne 10:35

Oba nga abo Katonda be yagha ekibono kye yabeeta bakatonda, ate nga Ebyaghandiikibwa tibisobola kudiba,

Yoanne 19:24

Abaisirukale baakoba bati: “Tutagikanula aye tugikubeku akalulu tubone anaaba mwene yo.” Era baisania. Kino kyabaagho era okutuukiriza Ebyaghandiikibwa ebikoba biti: “Baagabana ebivaalo byange, era baakuba akalulu ku kidhuuba kyange.” Era ekyo abaisirukale kye baakola.

Ebikolwa by'Abatume 1:16

“Baganda bange, ekyaghandiikibwa, Mwoyo Mutukuvu kye yayogeza Daudi ku Yuda, eyakulemberamu abo abaagema Yesu, kigwaine okutuukirizibwa.

1 Samueli 3:19

Samueli yaakula, era Musengwa Katonda yaabanga ghalala naye. Musengwa Katonda yaaloba kuganhanga Samueli oyo ky'akobye ni kiroba kutuukirira.