2 Bakyabazinga 14:3 - Baibuli Ekibono kya Katonda 2014

³ Amazia yakola ebituufu Musengwa Katonda by'asiima, aye tiyatuuka ku ebyo dhaadha we Daudi bye yakola. Amazia oyo yakola ebyo byonabyona lata we Yoashi bye yakolanga.

2 Bakyabazinga 14:3 ပူးပေါင်းရင်းမြစ်များ

1 Bakyabazinga 11:4

era ghe yakairikira baali nga bamuleeteire okusinza emisambwa, yaaloba kugumira ku Musengwa Katonda we, nga lata we Daudi bwe yamugumiraku.

1 Bakyabazinga 15:11

Asa oyo yaakolanga ebituufu mu maiso ga Musengwa Katonda, nga dhaadha we Daudi bwe yakolanga.

1 Bakyabazinga 15:3

Abiyamu oyo yaakola ebibi nga lata we bwe yakola. Yaaloba kugumira ku Musengwa Katonda we, nga dhaadha we Daudi bwe yamugumiraku.

1 Bakyabazinga 3:3

Solomoni yagonzanga Musengwa Katonda ng'ajiira ku ebyo lata we Daudi bye yamusikirira. Aye era Solomoni oyo, yeena yagheerangayo emisengo era yaaniokezanga obubbaani mu bifo ebigulumivu eby'okusinzizaamu.

2 Bakyabazinga 12:2

Yoashi yaakolanga ebituufu Musengwa Katonda by'asiima ekiseera kyonakyona, kuba Yehoiada kabona ng'atyo bw'amwegeresa.

2 Bakyabazinga 14:2

Yali agheza emyaka amakumi abiri n'etaanu egy'obukulu ghe yafuukira kyabazinga, era yaafuga okumala entangama ya myaka amakumi abiri na mwenda mu Yerusalemu. Eriina lya inhina nga ni Yehoaddini ow'e Yerusalemu.

2 Bakyabazinga 14:4

Aye ebifo ebigulumivu eby'okusinzizaamu tibaabitoolagho. Abantu baasigala nga bakaagheera emisengo n'okuniokeza obubbaani mu bifo ebyo.

2 Bakyabazinga 18:3

Yaakolanga ebituufu Musengwa Katonda by'asiima, ng'oti n'ebyo dhaadha we Daudi bye yakolanga.

2 Bakyabazinga 22:2

Yosia yaakolanga ebituufu Musengwa Katonda by'asiima, yaajiira ku mpisa ng'edha dhaadha we Daudi, yaaloba kukyuka kudhireka kwira eno oba ere.

2 Ebyomubyanda 24:17

Yehoiada bwe yamala okufa, abakungu mu Buyudaaya baaja baakubira kyabazinga amakiryaivu era baakutama n'ebyeni byatuuka ku itaka. Agho kyabazinga yaawulirisa bye baamukoba.

2 Ebyomubyanda 24:2

Yoashi yaakolanga ebituufu Musengwa Katonda by'asiima ekiseera kyonakyona Yehoiada kabona kye yamala nga mulamu.

Yeremia 16:19

Wo Musengwa Katonda, niiwe amaani gange era niiwe onkuuma; niiwe onhamba mu biseera ebizibu. Amaghanga galiva mu buli nsonda y'ensi, gaidha y'oli, gaakoba gati: “Badhaadha baife tibaali na Katonda, aye baali na bisinzibwa ebitali Katonda, ebintu obuntu ebiziramu muganhulo naire.

1 Petero 1:18

Mwidhi bukalamu nga ekyabaleetera okununulwa mu mpisa dhaimwe edhiziramu dhe mwatoola ku badhaadha baimwe, ti feeza oba zaabu ebiwaagho.