2 Bakyabazinga 14:16 - Baibuli Ekibono kya Katonda 2014

¹⁶ Agho Yehoashi yaafa, yeeyimba ku badhaadha be abaafa, era yaaziikibwa mu lwambiidhi lwa bakyabazinga ba Isiraeli e Samaria. Mutabane we Yeroboamu yaamusikira ku bwakyabazinga.

2 Bakyabazinga 14:16 ပူးပေါင်းရင်းမြစ်များ

2 Samueli 7:12

Enaku dho bwe dhiriwaaku n'ofa, n'oja okweyimba ku badhaadha bo abaafa, ndikusikiza omulala ku baana bo beene be weezaalira, naamutaagho okuba kyabazinga era naaleetera obwakyabazinga bwe okukakata.

1 Bakyabazinga 1:21

Bw'otaakole otyo, kiidha kuba nti iwe musengwa wange kyabazinga olulimala okufa ni weeyimba ku badhaadha bo, nze ni mutabane wange tuja kubalirwa mu bantu ababi.”

2 Bakyabazinga 13:12

Ebindi byonabyona Yehoashi bye yakola, omuli n'eby'amaani bye yakola ng'ali kulwanisa Amazia kyabazinga wa Buyudaaya, byaghandiikibwa mu Kitabo ky'Ebyomubyanda bya Bakyabazinga ba Isiraeli.

2 Bakyabazinga 13:13

Agho Yehoashi yaafa, yeeyimba ku badhaadha be abaafa, era yaaziikibwa e Samaria mu lwambiidhi lwa bakyabazinga ba Isiraeli. Mutabane we Yeroboamu yaamusikira ku bwakyabazinga.

2 Bakyabazinga 13:9

Agho Yehoahazi yaafa, yeeyimba ku badhaadha be abaafa, era yaaziikibwa mu Samaria. Mutabane we Yehoashi yaamusikira ku bwakyabazinga.

2 Bakyabazinga 14:15

Ebindi byonabyona Yehoashi bye yakola, omuli n'eby'amaani bye yakola, ni bwe yalwanisa Amazia kyabazinga wa Buyudaaya, byaghandiikibwa mu Kitabo ky'Ebyomubyanda bya Bakyabazinga ba Isiraeli.

2 Bakyabazinga 14:17

Kyabazinga Amazia owa Buyudaaya, mutabane wa Yoashi, yasigala ng'akaaligho okumala entangama ya myaka ikumi n'etaanu, nga kyabazinga Yehoashi mutabane wa Yehoahazi amaze okufa.

2 Bakyabazinga 14:23

Mu mwaka ogweikumi n'etaanu (15) nga kyabazinga Amazia mutabane wa Yoashi n'afuga Buyudaaya, Yeroboamu mutabane wa Yehoashi yaafuuka kyabazinga wa Isiraeli, era yaafugira mu Samaria okumala entangama ya myaka amakumi ana na mulala (41).

2 Bakyabazinga 14:28

Ebindi byonabyona Yeroboamu owokubiri bye yakola, omuli n'eby'amaani bye yakola, n'entalo dhe yalwana, era n'ensambo ye yaizaamu ku Isiraeli ebibuga Damasiko ni Hamathi ebyali mu Buyudaaya, byaghandiikibwa mu Kitabo ky'Ebyomubyanda bya Bakyabazinga ba Isiraeli.

1 Ebyomubyanda 5:17

Abo boonaboona baaghandiikibwa mu nkalala ng'obuzaale bwaibwe bwe bwali, mu biseera kyabazinga Yothamu bye yafugiramu Buyudaaya, ni mu biseera kyabazinga Yeroboamu Owokubiri bye yafugiramu Isiraeli.

Hosea 1:1

Buno n'obukwenda Musengwa Katonda bwe yatuma Hosea mutabane wa Beeri, mu biseera bakyabazinga bano bye baafugiramu Buyudaaya: Uzzia, Yothamu, Ahazi, ni Hezekia. Era ni mu biseera kyabazinga Yeroboamu mutabane wa Yehoashi bye yafugiramu Isiraeli.

Amosi 1:1

Bino n'ebibono bya Amosi, eyali omwayi ow'oku kyalo Tekoa, ng'ekaabulayo emyaka ebiri musisi abite. Mu kiseera ekyo Uzzia yali nga ni kyabazinga ow'e Buyudaaya, ate Yeroboamu mutabane wa Yehoashi, yaaba nga n'owa Isiraeli. Katonda yayoleka Amosi ebintu bino byonabyona ebyali bija okuba ku Isiraeli.