2 Bakyabazinga 14:10 - Baibuli Ekibono kya Katonda 2014

¹⁰ Kituufu waghangula Edomu, ekyo kyakuleetera okwekuluntaza. Kale ni ba ewuwo weesaake n'ekyo. Lwaki onaawuula ebizibu eby'okukuzikiriza iwe ni Buyudaaya yoonayoona?”

2 Bakyabazinga 14:10 ပူးပေါင်းရင်းမြစ်များ

2 Bakyabazinga 14:7

Amazia yaitiramu Kiiko ky'Omuunhu abaisirukale Abaedomu omutwalo mulala (10,000), yaanhaga ekibuga Sela mu lutalo, yaakituuma eriina Yokitheeli, lye bakaakyeta ni ye buli eno.

2 Ebyomubyanda 26:16

Aye kyabazinga Uzzia bwe yafuuka ow'amaani atyo, yaidhamu okwekuluntaza era ekyo kyamuviiraku okugwa kuba yeetulinkiriza yaingira mu isinzizo lya Musengwa Katonda, yaaniokeza obubbaani ku alutaari eniokezebwaku obubbaani.

2 Ebyomubyanda 32:25

Aye Hezekia yaamala yeekuluntaza bwekuluntaze, yaaloba kusiima Musengwa Katonda nga bwe kyali kigwaniire, olw'ekirungi kye yamukolera. Kale Musengwa Katonda yaamusungughalira, era yaasungughalira n'abantu b'omu Buyudaaya, n'ab'omu Yerusalemu.

2 Ebyomubyanda 35:21

Aye Neko yaamugheereza abakwenda ng'akoba ati: “Ku iwe kyabazinga wa Buyudaaya ni ku nze, naani ali n'ensonga ku mwine? Nze leero tiidhie kulwanisa iwe. Ndidhie kulwanisa bazigu bange, era Katonda andagiire okwangughaku. Katonda ali ghalala ninze, kale loba kumulwanisa, olwo aleke okukuzikiriza.”

Okuvaayo 8:9

Musa yairamu kyabazinga ati: “Gh'onaayendera gh'onankobera, naakusabira iwe n'abakungu bo, era n'abantu bo, ebikere bizikirizibwe bibaveeku era bive ni mu ndhu dhaimwe, bisigale mu mwiga Kiyira mwonka.”

Ensambo 15:18

Omuntu asungughala amangu asiikuula okusoola, aye ole alwagho okusungughala amalagho obutaisania.

Ensambo 16:18

Okwekuluntaza kuleeta okuzikirira, n'okwegulumiza kwavaamu okugwa.

Ensambo 17:14

Okusoola kutoolereza mpola ng'oti n'okutoonherera okw'amaadhi, kale ekiwula n'okumalagho entaka nga mukaali kukoodhana.

Ensambo 20:3

Kiba kya kitiisa okwesamba aghali okusoola; aye abasiru buli kiseera baba mu kusoola.

Ensambo 25:8

Oteeyunirizanga kuseegha muntu mu mbuga olw'ekyo ky'oboine, kuba omuntu owundi asobola okuleeta obudhulizi obukontana n'obubwo yaakuswaza.

Ensambo 26:17

Omuntu eyengiza mu kusoola okutamugemaku, aba ng'oti n'omuntu agema ku matu g'embwa y'ataidhi.

Ensambo 3:30

Otaniobananga na muntu bya bwereere nga ghazira kibi ky'akukoze.

Ezekieli 28:5

Olw'amagezi amangi g'oli nago mu by'obusuubuzi, weeyongeire okukombaghala, era waatoolera okwekudumbaza olw'obukombe obwo.

Ezekieli 38:17

Nze Musengwa Katonda nkukakasa nti: Niiwe ye nayogeraku mu biseera eby'eira nga mbita mu bagheereza bange abalanzi ab'omu Isiraeli, baamala emyaka kamaala nga balanga bati ndikusindika waabalumba.”

Ezekieli 38:2

“Iwe omuntu, amaiso go galingirize Gogi omufuzi ow'ab'e Mesheki n'ab'e Tubali, mu nsi y'e Magogi. Olange akabi akali kumwidhira.

Ezekieli 38:5

Abalwani ab'e Perusia, n'ab'e Ethiopia, n'ab'e Puti, boona baliba ghalala nabo, nga boonaboona bagemye engabo era nga bavaire enkoofiira edh'ekyuma.

Danieli 11:12

Bw'alimala okughangula eigye einene lityo, alyewulira mule nga wa maani, era aliita enkumi n'enkumi edh'abantu. Aye obughanguzi bwe tibulirwagho naire.

Habakkuku 2:4

Buno ni, n'obukwenda bw'obe oghandiike, oti, ‘Abo boonaboona abatali beesimbu, ba kufa. Aye abo abatuufu baidha kuba balamu olw'obwesige bwaibwe ye ndi.’ ”

Habakkuku 2:5

Obukombe tibwesigika. Abantu abalulunkanira eby'obukombe beekuluntaza inho aye tibatereera. Bali ng'oti magombe geene, basigala nga bakaayenda. Kyebava ni balwanisa amaghanga n'amaghanga, ni baja nga banhagamu abantu n'ebintu.

Amateeka Agokubiri 8:14

Aye ebyo byonabyona nga bimaze okubaagho, mutagezangaku naire kwekuluntaza, ni mwerabira Musengwa Katonda waimwe eyabatoola e Misiri ye mwakolanga obwiru.

Yakobo 1:9

Owoluganda omughafu yeesiimenga nga Katonda amutoire mu bughafu.

Yakobo 4:6

Aye atwoleka ekisa kye okusingagho, ekyaghandiikibwa kye kiva ni kikoba kiti: “Katonda atakania abeekudumbaza, aye abeewooya abooleka ekisa kye.”

Abalamuzi 9:52

Abimeleki bwe yaja okulumba ekimante ekigumu ekyo, yaaseeta gha mulyango gwakyo okukikumaku omuliro.