2 Bakyabazinga 13:7 - Baibuli Ekibono kya Katonda 2014

⁷ Yehoahazi tiyasigazaagho igye lirimu balwani baswika mu makumi ataanu (50) ab'oku mbalaasi, oba ebigaali eby'omu lutalo ebiswika mu ikumi (10), waire abaisirukale abaswika mu mutwalo omulala (10,000) ab'oku bigere kuba kyabazinga wa Siria yazikiriza abandi boonaboona, yaabatyankirira ng'oti nkungu ey'omu kifo ghe bakubira engaano.

2 Bakyabazinga 13:7 ပူးပေါင်းရင်းမြစ်များ

2 Samueli 22:43

Nabasekula, naabasa baaba ng'oti nkungu; naabatyankirira ng'oti bityanka eby'omu nguudo, naabasansaania.

1 Bakyabazinga 20:15

Agho kyabazinga Ahabu yaabala abaisuka abagheereza ab'abafuzi ab'omu biketezo, baaba nga baghera ebikumi bibiri n'asatu na babiri (232). Ng'amaze ekyo, yaabala eigye lyonalyona era Isiraeli lyaba nga ligheramu abantu kasanvu (7,000).

1 Bakyabazinga 20:27

N'Abaisiraeli boona baasolozebwa, baagheebwa ebikozesebwa, baaja okulwana n'Abasiria abo. Abaisiraeli baasimba weema dhaibwe nga balinzagainia nabo, nga bali ng'oti bwa bughaso bwa mbuzi bubiri obutono, aye Abasiria nga babunie woonawoona.

2 Bakyabazinga 10:32

Mu kiseera ekyo, Musengwa Katonda yaatoolera okukendeeza ku nsi Isiraeli. Hazaeli kyabazinga wa Siria yaaghangula ekiketezo kya Isiraeli kyonakyona:

2 Bakyabazinga 13:8

Ebindi byonabyona Yehoahazi bye yakola, omuli n'eby'amaani bye yakola, byaghandiikibwa mu Kitabo ky'Ebyomubyanda bya bakyabazinga ba Isiraeli.

2 Bakyabazinga 8:12

Hazaeli yaabuuza ati: “Musengwa Katonda wange, lwaki oli kulira?” Elisha yairamu ati: “Lwa kuba ndidhi ebiinoino by'olikola ku Baisiraeli. Olikuma omuliro ku bifo byaibwe eby'okwewogomamu, waita abaana baibwe abaakaisuka, era waabaagamu abakazi baibwe abali enda.”

Zabbuli 18:42

Nabasekula, naabasa ng'oti nkungu etwalibwa empewo, naabatyankirira ng'oti bityanka eby'omu nguudo.

Isaia 36:8

Mpegaano ni, ka mbasonsoonie mu liina lya musengwa wange kyabazinga ow'e Assiria: ndidha kubagha imwe embalaasi enkumi ebiri (2,000), bwe munaasobola okufunayo abanaadhivuga!

Isaia 41:2

Naani eyasiikuula omuntu oyo ow'e buvandhuba n'amuleetera okwidha, aje ng'aghangula buli gh'atuuka woonawoona? Naani amuleetera okughangula amaghanga, naatyankirira bakyabazinga n'ebigere bye n'abaitisa empiima ye, n'abafuuta ni baba ng'oti bwa nkungu, era n'abasansaania n'obusaale bwe ni baba ng'oti n'eisubi eikalu empewo ly'efuuwa n'eritwaliriza?

Yoeli 3:14

Abantu enkunkumuli n'enkunkumuli bali mu Kiiko eky'Okusaliramu Omusango, kuba eyo olunaku lwa Musengwa Katonda ye luja okutuukira amangu geene.

Abalevi 26:17

Imwe ndibeefuulaku, mwaghangulwa abazigu baimwe, mwafugibwa abantu abatabenda. Munaabanga n'entiisa, mwalumuka nga ghazira n'ali kubabinga.

Amosi 1:3

Musengwa Katonda akoba ati: “Abantu ab'e Siria bakoze ebibi emikuzi kamaala. N'olw'ensonga eyo nteekwa buteekwe okubabonereza. Kuba baabisa abantu ab'e Gileadi mu bukambwe obutaloodheka.

Amosi 4:10

“Era ninze eyabasindikira ebibamba okubagwaku, ng'ebyo ebyagwa ku Bamisiri. Naita abaisuka baimwe mu lutalo era abazigu baaja n'embalaasi dhaimwe. Era naidhuza enhindo dhaimwe ekivundu eky'emirambo woonawoona ghe mwasimba weema dhaimwe. Aye era mwaloba okwira ye ndi.

1 Samueli 13:15

Agho Samueli yaasitula yaava e Giligali, yaaja e Gibea ekya Benjamini. Saulo yaabala abantu abaali agho naye, nga baghera ng'oti lukaaga.