2 Bakyabazinga 13:23 - Baibuli Ekibono kya Katonda 2014

²³ Aye Musengwa Katonda yaabagemerwa ekivunika, yaabasaasira. Yaira ku luuyi lwaibwe yaababeera olw'endagaano ye yakola ni Aburahamu ni Isaaka ni Yakobo, era yaaloba kubazikiriza waire okubabinga mu maiso ge ni ye buli eno.

2 Bakyabazinga 13:23 ပူးပေါင်းရင်းမြစ်များ

Amainhama 6:3

Agho Musengwa Katonda yaakoba ati: “Omwoyo gwange tigwidha kusigalanga mu muntu byanda na byanda, kuba omuntu mubiri bubiri ogufa enaku edh'obulamu bwe tidhija kuswikanga myaka kikumi n'abiri (120) .”

1 Bakyabazinga 8:28

Wo Musengwa Katonda wange, nkweghemba owulire okusaba kwange n'okugegenga kwange nze omugheereza wo, ompe kye nkusaba olwaleero.

2 Bakyabazinga 13:24

Hazaeli kyabazinga wa Siria bwe yafa, mutabane we Benihadadi yaamusikira ku bwakyabazinga.

2 Bakyabazinga 13:4

Agho Yehoahazi yeeghemba Musengwa Katonda ng'amusaba, era Musengwa Katonda yaawulira okusaba kwe, kuba yabona kyabazinga wa Siria bweyali abisa obubi Abaisiraeli.

2 Bakyabazinga 14:26

Musengwa Katonda yabona okudaazibwadaazibwa okw'Abaisiraeli okutaloodheka, era nga ghaziragho muntu yeenayeena aghanga kubayamba, k'abe omusibe oba ow'eidembe.

2 Bakyabazinga 14:27

Aye Musengwa Katonda tiyayenda kusaaniagho Baisiraeli kubamalagho ku nsi. Kyeyava n'abawonia ng'abita mu Yeroboamu owokubiri mutabane wa Yehoashi.

2 Bakyabazinga 17:18

Agho Musengwa Katonda yaasungughalira inho Abaisiraeli, yaababinga mu maiso ge ghaaloba kusigalagho waire omulala ati, okutoolaku ab'omu Buyudaaya bonka.

2 Bakyabazinga 17:20

Musengwa Katonda yaalekulira agho baidhukulu ba Isiraeli boonaboona, yaababonereza ng'abaghaayo mu mikono gy'abazigu baibwe, okutuusa lwe yababingira irala mu maiso ge.

2 Bakyabazinga 17:23

okutuusa Musengwa Katonda lwe yababinga mu maiso ge, nga bwe yabalabula ng'abita mu bagheereza be abalanzi boonaboona. Agho ab'omu Isiraeli baabatoola mu nsi yaibwe, baabatwala mu Assiria ye bakaali ni ye buli eno.

2 Bakyabazinga 24:20

Musengwa Katonda yaasungughalira ab'omu Yerusalemu n'ab'omu Buyudaaya ebitaloodheka, yaababingagho mu maiso ge. Agho Zedekia yaadheemera kyabazinga Nebukadinezzari ow'e Babilonia.

Zabbuli 105:8

Akuuma endagaano ebyanda n'ebyanda, yaagumira ku bye yasuubiza ni bweghabitagho ense olukumi.

Zabbuli 105:9

Akuuma endagaano ye yakola ni Aburahamu, n'ekisuubizo kye yasuubiza Isaaka nga yeerayirira.

Zabbuli 106:45

Ku lwaibwe yaidhukira endagaano ye era yaabairiramu olw'okugonza kwe okutakoma.

Zabbuli 51:11

Otansuula ere kuva gh'oli, era otantoolaku mwoyo gwo omutukuvu.

Zabbuli 78:38

Aye Katonda olw'okuba n'okusaasira okungi einho, yaabasonigha okwonoona kwaibwe, yaaloba kubazikiriza kubamalagho. Emikuzi kamaala ng'afuga obusungu, yaamira ekiruyi kye

Zabbuli 86:15

Aye iwe Musengwa Katonda, niiwe Katonda asaasira era agemerwa abantu ekivunika, olwagho okusungughala, ogonza abantu obutalekera era oli mwesigwa inho.

Okuvaayo 33:19

Musengwa Katonda yaamwiramu ati: “Ndidha kubisa obulungi bwange bwonabwona mu maiso go, era ndhatule eriina lyange nze Musengwa Katonda ng'owulira. Ndidha kugemerwa ekivunika oyo ye nhenda okugemerwa ekivunika, era nsaasire oyo ye nhenda okusaasira.

Yeremia 12:15

Aye bwendimala okubatoola mu nsi dhaibwe, ndiiramu okubagemerwa ekivunika, naiza buli ighanga mu kiketezo kyalyo ni mu nsi yaalyo.

Okulira 3:32

Waire asobola okuleetera omuntu okudaagadaaga, aye olw'okugonza kwe okungi okutakoma, amala yaamugemerwa ekivunika;

Abalevi 26:42

olwo ndituukiriza endagaano ye nakola ni Yakobo, ni Isaaka era ni Aburahamu, era tija kwerabira nsi ye nabasuubiza.

Matayo 25:41

“Agho, alikoba abo abaliba ku mugooda ati, ‘Munve mu maiso imwe abalaame, muje mu muliro ogutazikira ogwategekerwa Sitaani ni bamalaika be!

Amateeka Agokubiri 32:36

Musengwa Katonda bw'alibona abantu be boonaboona nga bawoiremu amaani, alisala omusango baagusinga. Bw'alibona nga tighakaali yeesobola k'abe omwiru oba ow'eidembe, alibagemerwa ekivunika.

2 Ab'e Thessalonika 1:9

Ekibonerezo kye balifuna kya kuzikirira, na kubingibwa mu maiso ga Musengwa aghali ekitiisa kye eky'amaani.

Abalamuzi 10:16

Kale baasuula ere bakatonda b'abamaghanga agandi, baasinza Musengwa Katonda. Musengwa Katonda oyo yaawulira enaku ku mwoyo olw'okudaazibwadaazibwa kwa Isiraeli.