2 Bakyabazinga 13:21 - Baibuli Ekibono kya Katonda 2014

²¹ Lwali lulala, ghaabaagho Abaisiraeli abaali baja okuziika omuntu, baabona ekindi ku bikunsu ebyo nga kiri kwidha. Agho baasuula omulambo bwa mu magombe ga Elisha, baalumuka. Omulambo ogwo olwasiinha ku magumba ga Elisha guti, ng'omusaadha oyo alamuka, era ng'ayemerera.

2 Bakyabazinga 13:21 ပူးပေါင်းရင်းမြစ်များ

2 Bakyabazinga 13:22

Kyabazinga Hazaeli owa Siria yatuntuzanga Abaisiraeli ekiseera kyonakyona kyabazinga Yehoahazi kye yafugiramu Isiraeli.

2 Bakyabazinga 4:35

Elisha yaasooka yaasitukagho yaatambulatambula mu kisenge omwo, ate kabiri yaamala yairayo yeegololera ku mwana. Omwana yaayasimula emikuzi musanvu, yaazibula amaiso.

Isaia 26:19

Abantu bo abaafa baliba balamu kabiri, emibiri gyaibwe gyairamu obulamu. Abo boonaboona abalambaire e magombe, balisituka baayemba olw'eisanhu. Ng'amatondo g'omusulo gw'oku nkyo bwe galeetera ebimera ku nsi okwiramu okuboneka obulungi, ni Musengwa Katonda atyo bw'aliiza obulamu mu abo abaafa eira.

Yoanne 11:44

Yaafuluma ng'emikono gye n'ebigere bizingirire mu ngoye dhe baamuziikamu, n'ekighero mu maiso. Yesu yaabakoba ati: “Mumusibule.”

Yoanne 5:25

Bwenebwene mbakobera nti: Ekiseera kiri kwidha era n'okutuuka kyatuuka, abafu mwe bawulirira eiroboozi ery'Omwana wa Katonda, era abo abaliwulira bafuna obulamu.

Ebikolwa by'Abatume 19:12

ng'ebitambaala n'ebivaalo ebyavanga ku mubiri gwe baabitwaliranga abalwaire baawonezebwanga era n'abalingaku emizimu emibi gyabavaaku.

Ebikolwa by'Abatume 5:15

Baaleetanga abalwaire ku nguudo abali ku ndiri ni ku mikeeka, bwe kiba nga kisoboka ekinsense kya Petero bw'aba ng'abita, kibatuukeku.

Okwolekebwa 11:11

Aye enaku eisatu n'ekitundu bwe dhaabitagho, Katonda yaabafuuwamu omuuka ogw'obulamu, baayemerera. Abaababona baatya inho.