2 Bakyabazinga 13:14 - Baibuli Ekibono kya Katonda 2014

¹⁴ Agho Elisha yaalwala obulwaire obwamuviiraku okufa. Yehoashi kyabazinga wa Isiraeli yaaja y'ali okumubona. Yaalira amaziga ng'akoba ati: “Lata wange, lata wange! Iwe ow'amaani ng'oti bigaali bya mu lutalo n'embalaasi, ebirwanirira Isiraeli!”

2 Bakyabazinga 13:14 ပူးပေါင်းရင်းမြစ်များ

Amainhama 48:1

Ebyo nga bimaze okubaagho, Yosefu baamukobera bati: “Lata wo mulwaire.” Kale yaaja ni batabane be bombi, Manasse ni Efuraimu, okumubona.

Amainhama 49:33

Agho Yakobo bweyamala okusikirira abaana be, yaalambaala ku buliri, yaagheera omuuka gwe ogw'enkomerero, yaafa.

Amainhama 50:1

Yosefu yeesuula ku ise nga bw'alira era yaamunhwegera.

2 Bakyabazinga 13:12

Ebindi byonabyona Yehoashi bye yakola, omuli n'eby'amaani bye yakola ng'ali kulwanisa Amazia kyabazinga wa Buyudaaya, byaghandiikibwa mu Kitabo ky'Ebyomubyanda bya Bakyabazinga ba Isiraeli.

2 Bakyabazinga 13:13

Agho Yehoashi yaafa, yeeyimba ku badhaadha be abaafa, era yaaziikibwa e Samaria mu lwambiidhi lwa bakyabazinga ba Isiraeli. Mutabane we Yeroboamu yaamusikira ku bwakyabazinga.

2 Bakyabazinga 13:15

Elisha yaamukoba ati: “Gema akalaso n'obusaale.” Yehoashi yaagema akalaso n'obusaale.

2 Bakyabazinga 2:12

Elisha yaakibona, era yaaleekaana ati: “Lata wange, lata wange! Iwe ow'amaani ng'oti n'ebigaali eby'omu lutalo n'embalaasi ebirwanirira Isiraeli!” Yaalekera agho okumubona. Agho Elisha oyo yaagema ebivaalo ebibye, yaabikanulamu ghabiri olw'okunakughala.

2 Bakyabazinga 20:1

Agho mu biseera ebyo, Hezekia yalwala inho kumpi afe. Omulanzi Isaia mutabane wa Amozi yaajaayo okumubona, yaamukoba ati: “Musengwa Katonda akoba ati, ‘Tegeka eby'omu ndhu yo bukalamu, kuba oja kufa, toidha kuwona.’ ”

2 Bakyabazinga 6:21

Kyabazinga wa Isiraeli bwe yabona Abasiria abo, yaabuuza Elisha ati: “Lata wange, mbaite? Mbaite?”

Zabbuli 12:1

Wo Musengwa Katonda, tubeere otuwonie, kuba tighakaaligho bantu bakaakutya iwe, waire okubaagho abakaakwesiga.

Ensambo 11:11

Abantu abeesimbu baleetera ekibuga enkabi kyakula, aye ababi ebibono bye boogera bikireetera okuzikirira.

Isaia 57:1

Omuntu akola ebituufu afa, era ghaaloba kubaagho ekyo akitaaku mwoyo omuntu atya Katonda yaatwalibwa, era ghaaloba kubaagho ekyo akitegeera. Aye ng'abantu abalungi abo baba bawonezeibwa akabi akandibaidhiire.

Ezekieli 14:14

Abantu bano abasatu: Noa, Danieli ni Yobu, ni bwe bandigibairemu, bandiwoniizaagho bwa bulamu bwaibwe bwonka olw'obutuufu bwaibwe.” Musengwa Katonda atyo bw'akoba.

Ezekieli 22:30

Nanoonia mu bantu abo aye tyafunamu waire mulala, asobola okuzimba obuyaaka ekimante waire okukuuma mu bifo ekimante ghe kyawomolwa ebituli, asobole okuwonia ensi eyo, ndobe kugizikiriza.

Zekaria 1:5

Aye buti badhaadha baimwe abo bali gha? N'abalanzi abo babaagho nga balamu byanda na byanda?

Mariko 6:20

Herode yali atya Yoanne, ng'amwidhi bw'ali omuntu omutuufu era omutuukirivu n'okumukuumanga obukalamu. Yayagaananga obuzibu mu bye yayogeranga, aye ng'amuwulirisa bukalamu.

Yoanne 11:3

Kale baanhina lazaro oyo baatuma ye Yesu nga bakoba bati: “Musengwa, mukagwa wo mulwaire.”

Ebikolwa by'Abatume 13:36

Kuba Daudi yamala okukola emirimo gye yamutegekera mu bulamu bwe, yaafa, yaaziikibwa aghali badhaadha be, yaavunda.

Ab'e Filippi 2:26

Kuba omwoyo gubaire gumuluma inho okubabonaku mwenamwena, era abairenga n'enaku ku mwoyo olw'okuba mwawulira bwe yalwala.