2 Bakyabazinga 13:11 - Baibuli Ekibono kya Katonda 2014

¹¹ Yeena yaakola ebibi eri Musengwa Katonda, ng'oti n'ebya kyabazinga Yeroboamu ebyaleetera Isiraeli okwonoona. Era Yehoashi oyo yaaloba kuleka bibi ebyo, aye yaaja bwa mu maiso na kubikola.

2 Bakyabazinga 13:11 ပူးပေါင်းရင်းမြစ်များ

2 Bakyabazinga 10:29

Aye ate yeena yakola ebibi ng'oti ni Yeroboamu mutabane wa Nebati bwe yakola, ebyaleetera Abaisiraeli okwonoona nga basinza ebifaananie eby'ente ento ebyakolebwa mu zaabu, ebyali e Betheli n'e Dani.

2 Bakyabazinga 13:10

Mu mwaka ogwamakumi asatu n'omusanvu (37) nga kyabazinga Yoashi n'afuga Buyudaaya, Yehoashi mutabane wa Yehoahazi yaafuuka kyabazinga wa Isiraeli, era yaafugira mu Samaria okumala entangama ya myaka ikumi na mukaaga.

2 Bakyabazinga 13:12

Ebindi byonabyona Yehoashi bye yakola, omuli n'eby'amaani bye yakola ng'ali kulwanisa Amazia kyabazinga wa Buyudaaya, byaghandiikibwa mu Kitabo ky'Ebyomubyanda bya Bakyabazinga ba Isiraeli.

2 Bakyabazinga 13:2

Yaakola ebibi eri Musengwa Katonda, nga kyabazinga Yeroboamu mutabane wa Nebati bye yakola, ebyaleetera Isiraeli okwonoona. Era Yehoahazi oyo yaaloba kuva mu bibi ebyo.

2 Bakyabazinga 13:6

Aye ate baaloba kuva mu bibi ab'endhu ya Yeroboamu bye baabaleetera okukola, beeyongera bweyongere okubikola. N'ekifaananie ky'omusambwa omukazi Ashera, kyasigala mu Samaria.

2 Bakyabazinga 3:3

Aye era Yehoramu oyo yaakola ebibi ebyaleetera Isiraeli okwonoona ng'oti ni kyabazinga Yeroboamu mutabane wa Nebati bwe yakola. Era Yehoramu oyo yaaloba kuva mu bibi ebyo.