2 Bakyabazinga 12:9 - Baibuli Ekibono kya Katonda 2014

⁹ Agho Yehoiada kabona yaatoola esanduuku, yaagitunamu ekituli ku kisandikiza kyayo, yaagita kumpi ni alutaari ku luuyi olw'omukono omusaadha, omuntu ng'ali kwingira mu isinzizo. Bakabona abaakuumanga omulyango ogwingira, n'abaatanga mu sanduuku eyo empiiya dhoonadhoona abantu dhe baaleetanga mu isinzizo lya Musengwa Katonda.

2 Bakyabazinga 12:9 ပူးပေါင်းရင်းမြစ်များ

2 Bakyabazinga 12:8

Bakabona baikiriza obutayongera kutoola ku bantu mpiiya, era baikiriza obutalongoosa isinzizo eryo beene.

2 Bakyabazinga 22:4

“Ja eri Hilikia Omukulu wa Bakabona, omukobe abale empiiya abaigazi b'omulyango ogwingira mu isinzizo dhe basoloizaagho ku bantu.

2 Bakyabazinga 23:4

Agho kyabazinga Yosia yaayeta Hilikia Omukulu wa Bakabona, ni bakabona abamwiririra, n'abaigazi b'eisinzizo, yaabalagira okufulumya mu isinzizo ebintu byonabyona ebyakozesebwanga mu kusinza omusambwa Baali n'omusambwa omukazi Ashera, ni mu kusinza ebyakira ku igulu byonabyona. Kyabazinga yaabyokera kuliya wa Yerusalemu mu nsiko, mu kiiko Kiduroni, era eivu lyabyo baalitwala e Betheli.

2 Bakyabazinga 25:18

Nebuzaradani era yaagema Seraia Kabona Omukulu, ni Zefania kabona amwiririra, n'abakuumi b'omulyango ogwingira mu isinzizo abasatu.

1 Ebyomubyanda 15:18

Era baataagho Balevi banaibwe okwiririra abo, nga n'ab'okubabeeraku: Zekaria, Yaazieli, Shemiramothi, Yehieli, Unni, Eliabu, Benaia, Maaseia, Mattithia, Elifelehu, ni Mikaneia ghalala ni Obededomu, ni Yeiyeli, abakuumi b'emiryango.

1 Ebyomubyanda 15:24

Bakabona bano nga n'ab'okufuuwa amagwala mu maiso g'Esanduuku ya Katonda: Shebania, Yoshafati, Nethaneli, Amasai, Zekaria, Benaia, ni Eliezeri.

Zabbuli 84:10

Okumala olunaku olulala mu isinzizo lyo, kusinga okumala enaku olukumi aghantu aghandi woonawoona. Mmala gaba mukuumi ku mulyango gw'endhu ya Katonda wange, ntabaire munda mwa ndhu dha bakozi ba bibi;

Yeremia 35:4

naabatwala mu isinzizo. Agho naabaingiza mu kisenge ky'abeegeresebwa ab'omulanzi ayetebwa Hanani mutabane wa Igadalia. Ekisenge ekyo kyali ghaigulu gh'ekisenge kya Maaseia mutabane wa Shallumu eyakuumanga omulyango gw'eisinzizo. Era nga kiri kumpi n'ebisenge eby'abakungu abandi ab'omu isinzizo.

Yeremia 52:24

Nebuzaradani omuduumizi w'abakuumi ba kyabazinga w'e Babilonia, era yaagema Seraia Kabona Omukulu, ni Zefania kabona amwiririra, n'abakuumi b'omulyango ogwingira mu isinzizo abasatu.

Mariko 12:41

Agho yaatyama emberi w'ekifo ekiteebwamu ebiwongebwa, yaalingirira abantu boonaboona nga bwe basuulamu empiiya abakombe kamaala nga basuulamu buvangata.

Luka 21:1

Yesu yeetegereza yaabona abakombe nga bata ebirabo byaibwe mu kifo omuteebwa ebirabo.