2 Bakyabazinga 12:4 - Baibuli Ekibono kya Katonda 2014

⁴ Agho Yoashi yaakoba bakabona ati: “Empiiya dhoonadhoona edhiva mu bintu ebigheebwayo ye Musengwa Katonda edhireetebwa mu isinzizo, edho nga n'empiiya kiisi muntu dh'agerekerwa okugha, era oteeku n'edho omuntu dh'aba nga yeeyamye mwene okugha,

2 Bakyabazinga 12:4 ပူးပေါင်းရင်းမြစ်များ

1 Bakyabazinga 3:2

Okutuusa mu kiseera ekyo, abantu baali nga bakaagheerayo emisengo mu bifo ebigulumivu eby'okusinzizaamu, kuba ghaali nga ghakaali kuzimbwagho ndhu ya kusinzizangamu Musengwa Katonda.

1 Bakyabazinga 3:3

Solomoni yagonzanga Musengwa Katonda ng'ajiira ku ebyo lata we Daudi bye yamusikirira. Aye era Solomoni oyo, yeena yagheerangayo emisengo era yaaniokezanga obubbaani mu bifo ebigulumivu eby'okusinzizaamu.

1 Bakyabazinga 7:1

Solomoni yeezimbira ekisaagaati kye eky'obwakyabazinga, kyamutwalira emyaka ikumi n'esatu okukimaliriza.

2 Bakyabazinga 12:18

Aye Yoashi kyabazinga wa Buyudaaya yaatoola ebintu byonabyona badhaadha be Yehoshafati ni Yehoramu ni Ahazia, abaaliku bakyabazinga ba Buyudaaya bye baaghaayo ye Musengwa Katonda, era n'ebyo mwene bye yali aghaireyo, ni zaabu yeenayeena eyali mu iterekero ly'eisinzizo ni mu ly'ekisaagaati kya kyabazinga, yaabigheereza Hazaeli kyabazinga wa Siria. Olwo Hazaeli yaava mu Yerusalemu, yaaja.

2 Bakyabazinga 12:5

dhigemesebwenga bakabona, nga buli kabona agema edh'abantu b'akolamu. Olwo empiiya edho dhiidha kukozesebwanga okulongoosa eisinzizo buli lwe kinaabanga nga kyetaagisa.”

2 Bakyabazinga 14:4

Aye ebifo ebigulumivu eby'okusinzizaamu tibaabitoolagho. Abantu baasigala nga bakaagheera emisengo n'okuniokeza obubbaani mu bifo ebyo.

2 Bakyabazinga 15:4

Aye ate ebifo ebigulumivu eby'okusinzizaamu tiyabitoolagho. Kale abantu baasigala nga bakaagheera emisengo n'okuniokeza obubbaani mu bifo ebyo.

2 Bakyabazinga 16:4

Yaaghangayo emisengo era yaaniokezanga obubbaani mu bifo ebigulumivu eby'okusinzizaamu, ni ku nsozi, na buli ghansi mu kinsense kya muti muzibirivu.

2 Bakyabazinga 17:11

Baaniokezanga obubbaani mu bifo ebigulumivu byonabyona eby'okusinzizaamu, ng'abamaghanga agandi bwe baakolanga, Musengwa Katonda be yabingamu nga beene Abaisiraeli bali kumpi okutuukayo. Baakolanga ebibi, baaleetera Musengwa Katonda okusungughala,

2 Bakyabazinga 22:4

“Ja eri Hilikia Omukulu wa Bakabona, omukobe abale empiiya abaigazi b'omulyango ogwingira mu isinzizo dhe basoloizaagho ku bantu.

1 Ebyomubyanda 18:11

Ebintu ebyo kyabazinga Daudi yaabighaayo byaba bya Musengwa Katonda, ghalala ni feeza ni zaabu Daudi oyo ye yanhaga ku maghanga goonagoona ge yaghangula, gano: Edomu, Moabu, Ammoni, Filisitia, ni Amaleki.

1 Ebyomubyanda 29:17

Era ndidhi nga iwe Katonda wange oleba omwoyo gw'omuntu, waasangaalira omwesimbu. Zeena ni mpaireyo ebintu bino byonabyona kyeyendere n'omwoyo omwesimbu. Era mperaano mboine abantu bo abali ghano nga baleeta y'oli ebigheebwayo ekyeyendere era nga basangaavu.

2 Ebyomubyanda 15:18

Yaata mu isinzizo ebintu lata we bye yeeyama okughaayo bibe ebya Musengwa Katonda, era ni mwene bye yeeyama okughaayo, ebya zaabu ni feeza.

2 Ebyomubyanda 31:12

Baingiza omwo n'obwegendereza ebyagheebwayo okuba ebya Musengwa Katonda, n'ekintu ekirala ekirala ku buli bintu eikumi omuntu bye yali nabyo. Baataagho Konania Omulevi okukolanga ogw'okubirabirira, nga Shimei muganda we n'amwiririra.

2 Ebyomubyanda 35:2

Kyabazinga yaataagho bakabona okukolanga emirimo mu isinzizo, era yaabakubirizanga okugikolanga obukalamu.

Ezera 1:6

Abantu be baabanga nabo aghalala, baabayamba nga babagha ebintu ebya feeza, ni zaabu, n'ebintu ebindi, n'ensolo, n'ebintu eby'omughendo einho, nga kw'otaire n'ebigheebwayo eby'ekyeyendere.

Ezera 2:69

Buli muntu yaaghaayo ebintu ebyakolanga omulimo ogwo nga bwe yasobola: kilo ebikumi bitaanu (500) edha zaabu, ni kilo enkumi ibiri na lunaana (2,800) edha feeza, n'ebivaalo bya bakabona kikumi (100).

Ezera 7:16

Era oidha kutwala feeza ni zaabu yeenayeena, by'onaasoloza mu kiketezo kya Babilonia kyonakyona. Otwale n'ebintu byonabyona, abantu ni bakabona bye beeyama okughaayo ekyeyendere olw'eisinzizo lya Katonda waibwe eriri mu Yerusalemu.

Okuvaayo 35:22

Abasaadha n'abakazi baidha beene nga benda aghazira kukakibwa, baaleeta ebintu bya zaabu bye batunga ku ngoye, empeta edh'oku matu, ebinhere eby'omu nkoto, n'ebyamadholobera ebindi ebya zaabu. Buli muntu eyaghangayo, ng'aghaayo ekintu kya zaabu eri Musengwa Katonda.

Okuvaayo 35:29

Abaisiraeli boonaboona, abasaadha n'abakazi, abaawulira mu myoyo gyaibwe nga balumirwa omulimo Musengwa Katonda gwe yalagira ng'abita mu Musa, baaleeta ebigheebwayo ebyo beene nga benda aghazira kukakibwa, baabighaayo ye Musengwa Katonda.

Okuvaayo 35:5

Buli muntu atoole ekigheebwayo akighe Musengwa Katonda. Kiisi ali n'omwoyo omugabi aleetere Musengwa Katonda ekigheebwayo, nga ku bino: zaabu, feeza, n'ekyuma eky'ekikomo.

Okuvaayo 36:3

Bano baidha ye Musa yaabagha ebintu Abaisiraeli bye baaghaayo beene nga benda, aghazira kukakibwa, bikozesebwe ku Weema eyo. Abantu beeyongeranga buli nkyo okuleetera Musa ebintu bye baaghangayo beene ekyeyendere.

Abalevi 27:31

Omuntu bw'anaayendanga okununula ekirala ku bitundu ebyo, ka kibe eky'ensigo oba eky'ebibala eby'emiti, anaasasulanga omughendo ogukijaamu nga gubaliriirwa ku mbala entongole ey'eisinzizo, yaagaitaku n'ekitundu kirala kirala ku buli bitundu ebitaanu eby'omughendo ogwo.

Luka 21:4

Kuba bale batoirenga ku bingi bye bali nabyo, aye ono mu bwavu bwe aghaireyo kyonakyona ky'ali nakyo mu bulamu bwe.”