2 Bakyabazinga 12:21 - Baibuli Ekibono kya Katonda 2014

²¹ Abakungu be, Yozakari mutabane wa Shimeathi ni Yehozabadi mutabane wa Shomeri, n'abaamufumita, n'afa. Era baamuziika mu badhaadha be abaafa, mu kyetebwa Ekibuga kya Daudi. Mutabane we Amazia yaamusikira ku bwakyabazinga.

2 Bakyabazinga 12:21 ပူးပေါင်းရင်းမြစ်များ

2 Samueli 5:9

Agho Daudi yaaba mu kifo ekyo eky'okwewogomamu, yaakituuma eriina “Ekibuga kya Daudi.” Yaazimba ku kifo ekyo ekibuga okukyezunguluza, ng'aviira mu kifo kye baidhuzaamu eitaka olw'okwekuuma abazigu, ekyayetebwanga Millo, yaaja ng'aira munda.

1 Bakyabazinga 15:27

Agho Baasha mutabane wa Ahiya ow'omu kika kya Issakari, yaalya mu Nadabu oyo olukwe era yaamwitira e Gibbethoni eky'Abafilisiti, Nadabu oyo n'Abaisiraeli boonaboona kye baali bazingiiza okwezunguluza.

2 Bakyabazinga 10:9

Enkyo ku nkyo, yaafuluma yaakoba abantu boonaboona agho ku mulyango gw'ekibuga, ati: “Imwe muziraku musango. Ninze nakola olukwe ni ndhita musengwa wange. Aye naani eyaise bano boonaboona?

2 Bakyabazinga 13:1

Mu mwaka ogwamakumi abiri n'esatu (23) nga kyabazinga Yoashi mutabane wa Ahazia n'afuga Buyudaaya, Yehoahazi mutabane wa Yehu yaafuuka kyabazinga wa Isiraeli, era yaafugira mu Samaria okumala entangama ya myaka ikumi na musanvu.

2 Bakyabazinga 14:1

Mu mwaka ogwokubiri nga kyabazinga Yehoashi mutabane wa Yehoahazi n'afuga Isiraeli, Amazia mutabane wa Yoashi yaafuuka kyabazinga wa Buyudaaya.

2 Bakyabazinga 14:19

Ghaaligho abaakola olukwe mu Yerusalemu okwita Amazia oyo. Kale yaalumukira mu kibuga ky'e Lakishi, aye era baatumayo abantu okumunooniayo, baamwitirayo.

2 Bakyabazinga 14:5

Agho Amazia bwe yamala okukakata ku bwakyabazinga, yaita abakungu be abaita lata we, kyabazinga Yoashi.

2 Bakyabazinga 15:10

Agho Shallumu mutabane wa Yabeshi yaamukolera olukwe, yaamufumitira mu Ibuleamu, yaamwita, era yaafuga mu kifo kye.

2 Bakyabazinga 9:14

Agho Yehu mutabane wa Yehoshafati era mwidhukulu wa Nimushi yaakola olukwe okwita Yoramu. Mu kiseera ekyo, Yoramu n'Abaisiraeli boonaboona baali nga bali kukuuma Ramothi Gileadi kirobe kunhagibwa Hazaeli, kyabazinga wa Siria.

2 Bakyabazinga 9:27

Ahazia kyabazinga wa Buyudaaya bwe yabona ebibairegho, yaalumukira mu kigaali kye eky'omu lutalo ng'agemye engira eja e Bethi Haggani. Yehu yaamubingirira, era yaakoba abasaadha be ati: “N'oyo yeena mumufumite.” Baamufumitira mu kigaali kye eky'omu lutalo, ere ng'oniinaniina Guri ekiri okumpi ni Ibuleamu. Yaalumukira e Megiddo yaafiira eyo.

2 Ebyomubyanda 24:25

Abasiria bwe baagolola, baaleka Yoashi oyo nga bamufumiite inho ebibwa. Agho abagheereza be beene baamukolera olukwe, baamutemulira mu buliri bwe olw'okwita mutabane wa Yehoiada kabona. Kale yaafa, baamuziika mu kyetebwa Ekibuga kya Daudi, aye ti mu lwambiidhi lwa bakyabazinga.