2 Bakyabazinga 12:16 - Baibuli Ekibono kya Katonda 2014

¹⁶ Empiiya edhaagheebwangayo ng'omutango era n'edho edhaagheebwangayo olw'ebibi, tibaadhireetanga mu isinzizo dhaabanga dha bakabona.

2 Bakyabazinga 12:16 ပူးပေါင်းရင်းမြစ်များ

Nehemia 13:13

Agho naataagho abantu bano babenga abaghanika mu materekero ago: Shelemia kabona, Zadoki omunamateeka, ni Pedaia Omulevi. Era naabagha Hanani mutabane wa Zakkuri era mwidhukulu wa Mattania, okubayambangaku. Abantu abo baali nga bamanhiibwa okuba abeesigwa, era omulimo gwaibwe gwali gwa kughanga Balevi banaibwe emigabo gyaibwe.

Hosea 4:8

Mufuuka bakombe olw'ebyo ebigheebwayo abantu bange ku lw'ebibi byaibwe, kyemuva mwenda inho beeyongere okwonoona.

Abalevi 4:24

Anaatanga omukono gwe ku mutwe gwayo, yaagiitira ku luuyi olw'omugooda olw'alutaari ng'olingiriire e buvandhuba, agho mu maiso ga Musengwa Katonda aghaitirwa ensolo edh'ebigheebwayo ebyokebwa; ekyo n'ekigheebwayo olw'ebibi.

Abalevi 4:29

Anaatanga omukono gwe ku mutwe gwayo, yaagiitira ku luuyi olw'omugooda olw'alutaari ng'olingiriire e buvandhuba, agho mu maiso ga Musengwa Katonda, aghaitirwa ensolo edh'ebigheebwayo ebyokebwa.

Abalevi 7:7

“Eiteeka erifuga ekigheebwayo olw'ebibi era ni lyene eryo erinaafuganga ekigheebwayo ng'omutango: emamba ey'ebigheebwayo ebyo, enaatwalibwanga kabona anaabanga nga n'akoze ku bigheebwayo ebyo.

Okubala 18:19

Nkughaire iwe, ni batabane bo, ni baghala bo, ebigheebwayo ebitukuvu byonabyona Abaisiraeli bye banandeeteranga nze Musengwa Katonda, bibe omugabo gwaimwe gwe munaafunanga ebyanda n'ebyanda. Eyo n'endagaano ye nkoze n'iwe era n'eizaire lyo, etaja kumenhebwagho ebyanda n'ebyanda.”