2 Bakyabazinga 12:10 - Baibuli Ekibono kya Katonda 2014

¹⁰ Bwe baabonanga nga mu sanduuku mughezeemu empiiya kamaala, omughandiisi wa kyabazinga n'Omukulu wa Bakabona baidhanga, baabala empiiya edho dhe baagaine mu isinzizo, baadhisiba mu bisawo.

2 Bakyabazinga 12:10 ပူးပေါင်းရင်းမြစ်များ

2 Samueli 20:25

Sheva yali mughandiisi ate Zadoki ni Abiathari baaba bakabona.

2 Samueli 8:17

Zadoki mutabane wa Ahitubu ni Ahimeleki mutabane wa Abiathari, baaba bakabona. Seraia yaaba mughandiisi.

2 Bakyabazinga 12:11

Empiiya edho dhe babaze, baadhigemya abo abalabirira omulimo ogw'okulongoosa eisinzizo, ate abo baadhisasula ababaadhi, n'abazimbi abakola mu isinzizo,

2 Bakyabazinga 19:2

Yaatuma Eliakimu eyalabiriranga ekisaagaati kya kyabazinga, ni Shebuna omughandiisi w'omu kisaagaati kya kyabazinga, n'abakulira bakabona, baaja eri Isaia omulanzi mutabane wa Amozi nga bavaire ekutiya olw'okunakughala.

2 Bakyabazinga 22:12

Yaagha ekiragiro eri Hilikia kabona, ni Ahikamu mutabane wa Shafani, ni Akabori mutabane wa Mikaia, ni Shafani omughandiisi, ni Asaia omugheereza wa kyabazinga. Yaabakoba ati:

2 Bakyabazinga 23:4

Agho kyabazinga Yosia yaayeta Hilikia Omukulu wa Bakabona, ni bakabona abamwiririra, n'abaigazi b'eisinzizo, yaabalagira okufulumya mu isinzizo ebintu byonabyona ebyakozesebwanga mu kusinza omusambwa Baali n'omusambwa omukazi Ashera, ni mu kusinza ebyakira ku igulu byonabyona. Kyabazinga yaabyokera kuliya wa Yerusalemu mu nsiko, mu kiiko Kiduroni, era eivu lyabyo baalitwala e Betheli.

2 Bakyabazinga 5:23

Naamani yaakoba ati: “Ganha otwale ebitundu bya feeza kakaaga (6,000).” Yaamwegayirira inho, era yaasiba ebitundu bya feeza ebyo mu nsawo ibiri ghalala n'ebivaalo bibiri ebirungi, byonabyona yaabitwika abagheereza be, baabitwala nga bakulembeiremu Gehazi.

1 Ebyomubyanda 9:19

Shallumu mutabane wa Kore, era mwidhukulu wa Abiasafu eyali mutabane wa Kora, ghalala n'ab'oku nda ye abaasimuka mu dhaadha we Kora, n'abaakolanga ogw'okukuuma emiryango gy'Eweema nga badhaadha baibwe bwe baakuumanga emiryango gy'ekifo ghe baasimbanga Weema ya Musengwa Katonda.

2 Ebyomubyanda 24:11

Abalevi baatwalanga esanduuku eyo eri abakungu ba kyabazinga babone ekirimu. Bwe baabonanga nga mughezeemu empiiya kamaala, omughandiisi wa kyabazinga ni Kabona Omukulu baidhanga, baadhitoolamu, ate sanduuku baagiizaayo mu kifo kyayo.

Ezera 3:7

Kale baaghaayo empiiya okusasulira abazimbisa amabaale n'ababaadhi. Baagha ab'e Sidoni n'ab'e Tiro emere n'eby'okunhwa, n'omuzigo ogw'ebibala eby'emiti emyoliva, batoole emiti emivule e Lebanoni nga bagiseeyeeyeza ku maadhi bagireete e Yoppa, nga kyabazinga Kuro ow'e Perusia bweyali amaze okubaikiriza.