2 Bakyabazinga 11:7 - Baibuli Ekibono kya Katonda 2014

⁷ Ab'omu bikunsu ebibiri abamaze empalo dhaibwe ku Sabbato, baidha kukuuma eisinzizo nga beezungulwire kyabazinga Yoashi.

2 Bakyabazinga 11:7 ပူးပေါင်းရင်းမြစ်များ

2 Bakyabazinga 11:5

era yaabalagira ati: “Kino kye mwidha okukola: bwe munaidha okukuuma mu mpalo dhaimwe ku Sabbato, mwidha kwegabaniamu ebikunsu bisatu nga byagayaga. Ekikunsu ekindi ku ebyo ebisatu eby'abakuumi, baidha kukuuma ekisaagaati kya kyabazinga.

2 Bakyabazinga 11:6

Ekikunsu ekindi era ku bisatu ebyo baidha kuba ku mulyango ogwetebwa Suri. Ate ekikunsu ekinaasigalagho baidha kuba ku mulyango einhuma w'abakuumi bale abandi.

2 Bakyabazinga 11:8

Mwidha kwemerera nga mwezungulwire kyabazinga ku ndhuyi dhoonadhoona, buli muntu ng'agemye eby'okulwanisa bye. Omuntu yeenayeena anaaseetaku okumpi n'enhiriri dhaimwe nga mumwita. Mwidha kuba ghalala ni kyabazinga buli gh'anaajanga.”

1 Ebyomubyanda 9:25

Aboluganda lwaibwe abaabanga mu byalo, baidhanga baababeeraku mu ngobo okukuuma emiryango, okumala enaku musanvu musanvu.

2 Ebyomubyanda 23:6

Ghatabaagho muntu yeenayeena aingira mu isinzizo, okutoolaku bakabona n'Abalevi abali mu lugobo olw'okugheereza. Abo ba idembe okwingira, kuba baatukuzibwa. Aye abantu abandi boonaboona baidha kujiira ku kiragiro kya Musengwa Katonda, basigale kuliya.