2 Bakyabazinga 11:2 - Baibuli Ekibono kya Katonda 2014

² Aye Yehosheba mughala wa kyabazinga Yoramu era nga mwanhina Ahazia, yaawoniagho Yoashi omulala ku batabane ba Ahazia oyo. Yamutoola mu balangira abaali baja okwitibwa ng'amwibagho bwibe, yaaja yaamugisa ghalala n'omulezi we mu kisenge ekisulwamu, mu nsambo eyo yaamuwonia Athalia okumwita.

2 Bakyabazinga 11:2 ပူးပေါင်းရင်းမြစ်များ

1 Bakyabazinga 11:17

okutoolaku Hadadi n'abandi ku bagheereza Abaedomu aba lata we, abaalumuka ni baja e Misiri ni Hadadi oyo ng'akaali mwana muto.

1 Bakyabazinga 6:10

Yaazimba ekizimbe kya kalina ekyo okwezungulula eisinzizo eryo, nga buli kalina egheza mita ibiri n'obutundu bubiri mu buleeyi okuja ghaigulu. Era nga kalina edho dhiyungiibwa ku isinzizo n'embaawo edh'omuvule.

1 Bakyabazinga 6:8

Omulyango ogwingira mu kisenge ekya kalina ekya ghansi, gwali ku luuyi olw'omukono omusaadha olw'e buvandhuba w'eisinzizo. Era nga ghaligho amadaala ge baniiniraku okuja mu kisenge eky'omu kalina eyokubiri n'eky'omu yokusatu.

2 Bakyabazinga 11:21

Yoashi yaafuuka kyabazinga wa Buyudaaya ng'agheza emyaka musanvu egy'obukulu.

2 Bakyabazinga 11:3

Era Yehosheba oyo yaamulabiriranga ng'amugisiisa mu isinzizo, okumala entangama ya myaka mukaaga, nga Athalia n'afuga nga inhebantu.

2 Bakyabazinga 12:1

Mu mwaka ogwomusanvu nga kyabazinga Yehu n'afuga Isiraeli, Yoashi yaafuuka kyabazinga wa Buyudaaya, era yaafuga okumala entangama ya myaka amakumi ana (40) mu Yerusalemu. Eriina lya inhina nga ni Zibia ow'e Beerisheba.

2 Bakyabazinga 8:16

Mu mwaka ogwokutaanu nga kyabazinga Yoramu mutabane wa Ahabu n'afuga Isiraeli, Yehoramu yaafuuka kyabazinga wa Buyudaaya. Yehoramu oyo yali mutabane wa Yehoshafati eyali kyabazinga wa Buyudaaya.

2 Bakyabazinga 8:19

Aye Musengwa Katonda yaaloba kuzikiriza Buyudaaya, kuba yasuubiza omugheereza we Daudi ati eizaire lye n'erinaafuganga obwakyabazinga obwo ebyanda n'ebyanda.

1 Ebyomubyanda 3:11

Yehoshafati yaazaala Yoramu, Yoramu yaazaala Ahazia, Ahazia yaazaala Yoashi,

2 Ebyomubyanda 22:11

Aye Yehosheba mughala wa kyabazinga Yoramu, ng'aba mwanhina Ahazia oyo era nga yafumbirwa Yehoiada kabona, yaawoniagho Yoashi owundi ku batabane ba Ahazia oyo. Yamutoola mu balangira abaali baja okwitibwa, ng'amwibagho, yaaja yaabagisa bombi n'omulezi we, mu kisenge ekisulwamu mu isinzizo mu nsambo eyo yaamuwonia Athalia okumwita.

Okuvaayo 8:3

Omwiga Kiyira gwidha kwidhula ebikere kamaala bituuke n'okwingira mu ndhu yo, ni mu kisenge y'osula, bituumire ni ku buliri bwo kwene. Era bija kwingira ni mu ndhu dh'abakungu bo, ni mu dh'abantu bo boonaboona, era ni mu ziiko dho dhe bafumbiramu emigaati, ni mu ntamu dhe bakandiramu engaano.

Ensambo 21:30

Amagezi, n'okutegeera era n'okugalagirwa, byonabyona tibisobola kutakania Musengwa Katonda ni bimusinga.

Isaia 37:35

Ndidha kulwanirira ekibuga kino nkikuume, ku lwange ni ku lw'omugheereza wange Daudi.’ ”

Yeremia 33:17

Nze Musengwa Katonda nsuubiza nti buliidho ghaidha kubangagho omuntu ku baidhukulu ba Daudi, anaabanga kyabazinga wa Isiraeli.

Yeremia 33:21

Era ntyo bwe nkoze endagaano n'omugheereza wange Daudi, nti buliidho ghaidha kubangagho omuntu ku baidhukulu be anaabanga kyabazinga. Era naakola endagaano nti buliidho ghaidha kubangagho bakabona ab'omu kika kya Levi abanampeerezanga. Era endagaano edho ghazira asobola kudhimenhagho.

Yeremia 33:26

Kale ni ng'endagaano eyo bw'etasobola kumenhebwagho, zeena ntyo bwe ntalisobola kulekulira agho baidhukulu ba Yakobo n'aba Daudi omugheereza wange, ni ntalonda owundi ku baidhukulu be afugenga baidhukulu ba Aburahamu, n'aba Isaaka, n'aba Yakobo. Bwenebwene ndigemerwa abantu bange ekisa, naabaleetera ebintu byairamu okubajiiranga obukalamu.”

Yeremia 35:2

“Yeremia, ja y'ab'ekika kya Rekabu oyogere nabo. Memale obatwale mu kisenge ekindi ku ebyo ebiri ku isinzizo, obaghe ku mwenge ogw'emizabbibu banhwe.”

Yeremia 36:26

Agho yaalagira omulangira ayetebwa Yerahameeli ghalala ni Seraia mutabane wa Azarieli, ni Shelemia mutabane wa Abudeeli, batugeme nze n'omughandiisi wange Baruku. Aye Musengwa Katonda yaatugisa.

Ezekieli 40:45

Omusaadha ole yankobera ati ekisenge ekiringiriire ku luuyi olw'omukono omusaadha olw'e buvandhuba kya bakabona abalabirira eisinzizo.

Abalamuzi 9:5

Agho yaaja mu ndhu ya ise mu Ofura, yaitirayo, ku ibaale irala, baganda be ensanvu, batabane ba Gideoni. Aye Yothamu mutabane wa Gideoni asembayo obuto, yeekweka, yaaloba kwitibwa.