2 Bakyabazinga 11:19 - Baibuli Ekibono kya Katonda 2014

¹⁹ Agho Yehoiada oyo, n'abaduumizi b'abakuumi ekikumi ekikumi aba kyabazinga, n'abakulira abakuumi b'ekisaagaati kya kyabazinga, era n'abantu boonaboona, baatoola kyabazinga mu isinzizo baamutwala mu kisaagaati kya kyabazinga, nga babitira mu Mulyango ogw'Abakuumi. Kyabazinga yaaja yaatyama ku kityamo eky'obwakyabazinga.

2 Bakyabazinga 11:19 ပူးပေါင်းရင်းမြစ်များ

Amainhama 37:36

Mu kiseera ekyo, abasuubuzi baali bamaze okutunda Yosefu mu Misiri, nga bamuguziiza Potifari omukungu wa kyabazinga w'e Misiri, era omukulu w'abaisirukale abaakuumanga ekisaagaati kya kyabazinga.

1 Bakyabazinga 1:13

Situkiramu oje ye kyabazinga Daudi, omukobe oti, ‘Isebantu kyabazinga, tiwandayirira nze omugheereza wo omukazi, oti mutabane wange Solomoni n'alikusikira era nga n'alityama ku kityamo kyo eky'obwakyabazinga? Memale kabiri Adoniya afuuse atya kyabazinga?’ ”

1 Bakyabazinga 14:27

Kyabazinga Rehoboamu yaagheesa engabo mu kyuma ky'ekikomo okwira mu kifo ky'edho, yaadhigemya abakulu ab'abakuumi abaakuumanga omulyango gw'ekisaagaati kye.

1 Ebyomubyanda 29:23

Kale Solomoni yaatyama ku kityamo eky'obwakyabazinga Musengwa Katonda kye yataagho, yaaba kyabazinga mu kifo kya lata we Daudi. Ebintu byajiiranga Solomoni oyo bukalamu, era eighanga Isiraeli lyamugonderanga.

2 Ebyomubyanda 23:19

Yehoiada era yaataagho abakuumi ku miryango gy'eisinzizo, lirobenga kwingirwamu atali mulongoofu.

2 Ebyomubyanda 23:20

Agho Yehoiada oyo, n'abaduumizi b'eigye, n'abakungu, n'abakulembeze, era n'abantu boonaboona, baatoola kyabazinga mu isinzizo baamutwala mu kisaagaati kya kyabazinga, nga babitira mu mulyango ogw'eitale. Baamutyamya ku kityamo eky'obwakyabazinga.

2 Ebyomubyanda 23:5

Ekikunsu ekindi era ku bisatu ebyo baidha kukuuma ekisaagaati kya kyabazinga. N'ekikunsu ekinaasigalagho baidha kuba ku gwetebwa Omulyango ogw'Omusingi. Ate abantu boonaboona baidha kuba mu luya olw'eisinzizo.

Yeremia 17:25

Olwo bakyabazinga baibwe n'abakungu, baidha kwingiranga mu miryango gya Yerusalemu nga bali n'obukumu obw'okufuga nga Daudi bwe yali nabwo. Nga bali ghalala n'abantu b'omu Buyudaaya n'ab'omu Yerusalemu, baidha kuvuganga ebigaali by'omu lutalo, bajiirenga ni ku mbalaasi, era ekibuga Yerusalemu kinaabanga kiidhuvu kya bantu.

Yeremia 22:30

“Omusaadha ono mumughandiike mu kitabo eky'abaziraku baana, abe ng'oti tabangaku na mwana naire. Era abe ng'oti n'omuntu atalifuna kalungi mu bulamu; kuba taja kubaaku na mwana oba mwidhukulu aja kwiramu kufuga Buyudaaya ng'omusika wa Daudi. Nze Musengwa Katonda, ninze nkobye.”

Yeremia 22:4

Bwe munaatuukirizanga bye mbalagira, olwo baidhukulu ba Daudi n'abanaabanga bakyabazinga. Era nga bali ghalala n'abakungu baibwe, n'abantu baibwe, baidha kwingiranga mu miryango gy'ekisaagaati kino eky'obwakyabazinga, nga bali ku bigaali eby'omu lutalo ni ku mbalaasi.

Matayo 19:28

Yesu yaabakoba ati: “Bwenebwene ka mbakobere mu kiseera eky'okwiza byonabyona obuyaaka, ng'Omwana w'Omuntu atyaime ku kityamo kye eky'ekitiisa, imwe abaanonereza mwena mulityama ku bityamo ikumi n'abiri mwafuga ebika eikumi n'ebibiri ebya Isiraeli.

Matayo 25:31

“Omwana w'Omuntu bw'aliidha mu kitiisa kye eky'Obwakyabazinga ng'ali ni bamalaika boonaboona, alityama ku kityamo kye eky'ekitiisa.