2 Bakyabazinga 11:14 - Baibuli Ekibono kya Katonda 2014

¹⁴ Okuja okulinga ati, ng'abona kyabazinga ayemereire gha mpango, agheemerera kyabazinga ng'empisa bweyali, ng'abafuuyi b'amagwala bamuli kumpi. Era ng'abantu boonaboona bali kusagamba nga bwe bafuuwa amagwala. Agho Athalia yaakanulamu ebivaalo bye olw'okunakughala, nga bw'akoba ati: “Mundiiremu olukwe! Mundiiremu olukwe!”

2 Bakyabazinga 11:14 ပူးပေါင်းရင်းမြစ်များ

Amainhama 37:29

Reubeni bweyairayo ku kiina n'ayagaana nga Yosefu aziramu, yaakanulamu ebivaalo bye olw'okunakughala.

Amainhama 44:13

Agho aboluganda baakanulamu ebivaalo byaibwe olw'okunakughala, buli muntu yaatwika ebintu ku ndogoyi ye, bairayo mu kibuga.

1 Bakyabazinga 1:25

Olwaleero luno lwene, ajiire yaaghaayo bino ng'omusengo: ente enume, ente entototo empiite ensavu n'entaama. Era ayese batabane bo boonaboona, ni Yoabu omuduumizi w'eigye, ni Abiathari kabona. Era bali eyo bali kulya era baanhwera mu maiso ge, nga bwe bakoba bati, ‘Ghangaala, kyabazinga Adoniya!’

2 Bakyabazinga 11:15

Yehoiada tiyayenda Athalia bamwitire mu isinzizo lya Musengwa Katonda. Kale yaalagira abaduumizi b'eigye, ati: “Mumufulumye nga mumubikiza mu nhiriri dh'abaisirukale, era omuntu yeenayeena agezaaku okumutoola mu nhiriri, mumwite bwite.”

2 Bakyabazinga 23:3

Kyabazinga Yosia era yaayemerera gha mpango, yaakola endagaano mu maiso ga Musengwa Katonda, nga bw'aidha okugemanga amateeka n'ebiragiro bye n'omutima gwe gwonagwona era n'omwoyo gwe gwonagwona, era atuukirizenga ebiri mu ndagaano eyo, nga bwe byaghandiikibwa mu kitabo ekyo. Abantu boonaboona baakakasa nga bwe baidha okukuumanga endagaano eyo.

2 Bakyabazinga 9:13

Amangu geene ago buli muntu ku baduumizi abo, yaatoolamu ekivaalo kye ky'avaire, yaakyaliirira ku madaala Yehu aniineku. Baafuuwa eigwala baakoba bati: “Yehu ni kyabazinga!”

2 Bakyabazinga 9:23

Yoramu yaakyusa ekigaali kye eky'omu lutalo, yaalumuka nga bw'akoba Ahazi ati: “Ahazia, luno lukwe!”

1 Ebyomubyanda 12:40

Abantu baaviira irala ghala mu bika: ekya Issakari, n'ekya Zebuluni, n'ekya Nafutali, baaleetera emere ku ndogoyi, ni ku ngamiya, ni ku nhumbu ni ku nte, nga n'omuli: obuwunga obuseereibwa obukalamu, ebitole eby'ebibala ebikalu eby'emitiini, obufaaganda obw'emizabbibu emikalu, omwenge ogw'emizabbibu, n'omuzigo ogw'ebibala eby'emiti emyoliva. Baaleeta n'ente, n'entaama kamaala edh'okwita okulya, kuba mu Isiraeli mwonamwona mwalimu eisanhu.

2 Ebyomubyanda 34:31

Kyabazinga Yosia yaayemerera mu kifo kye, yaakola endagaano mu maiso ga Musengwa Katonda, nga bw'aidha okugemanga amateeka n'ebiragiro bye n'omutima gwe gwonagwona era n'omwoyo gwe gwonagwona, era atuukirizenga ebiri mu ndagaano eyo, nga bwe byaghandiikibwa mu kitabo ekyo.

Ensambo 29:2

Abatuufu bwe bafuuka abafuzi, abantu basagamba; aye ababi bwe baba mu bufuzi abantu baba mu bulumi.

Luka 19:37

Bwe yali ng'ali kumpi okutuuka agho ng'oserengeta Olusozi lw'Emiti Emyoliva, eikuukuubira ery'Abeegeresebwa lyatoolera okusagamba n'okusaaka Katonda, mu mamiro ag'amaani olw'ebyewuunhio byonabyona bye baali baboine.