2 Bakyabazinga 11:12 - Baibuli Ekibono kya Katonda 2014

¹² Agho Yehoiada yaafulumya Yoashi, yaamuvaaza engule ey'obwakyabazinga, yaamugemya n'ekighandiiko ekirimu Amateeka. Agho baasiiga Yoashi omuzigo, baamufuula kyabazinga, era baakuba mu ngalo nga bwe bakoba bati: “Kyabazinga ghangaala!”

2 Bakyabazinga 11:12 ပူးပေါင်းရင်းမြစ်များ

2 Samueli 1:10

Kale naaseeta naamwita, kuba bwenebwene nabaire ndidhi ng'olunaagwa ati, aidha kufa bufe. Kale naatoola engule eyabaire ku mutwe gwe n'ekikomo ekyabaire ku mukono gwe, biibino mbikuleeteire iwe musengwa wange.”

2 Samueli 12:30

Daudi yaatoola engule ku mutwe gwa kyabazinga waibwe yaagita ku mutwe gwe. Engule eyo yali ya zaabu n'amabaale ag'omughendo, ng'ezitogha kilo ng'oti amakumi asatu na itaanu. Daudi era yaanhaga ebintu kamaala inho mu kibuga.

2 Samueli 16:16

Hushai Omuaraki, mukagwa wa Daudi, bwe yaja ye Abusalomu, yaakoba Abusalomu ati: “Ghangaala kyabazinga! Ghangaala Kyabazinga.”

2 Samueli 2:4

Agho abantu ab'omu kika kya Yuda baidha e Heburoni, baasiiga Daudi omuzigo okumufuula kyabazinga wa Buyudaaya. Daudi bwe baamukobera bati: “Abantu ab'e Yebeshi eky'omu Gileadi n'abaaziika Saulo,”

2 Samueli 2:7

Mpegaano ni, mugume mulobe kubaamu ntete naire, kuba waire nga musengwa waimwe Saulo yafa, aye ab'endhu ya Yuda bansiiga omuzigo, banfuula kyabazinga waibwe.”

2 Samueli 5:3

Kale abakulembeze mu Isiraeli baidha ye kyabazinga Daudi e Heburoni. Daudi oyo yaakola nabo endagaano mu maiso ga Musengwa Katonda, baamusiiga omuzigo okumufuula kyabazinga wa Isiraeli.

1 Bakyabazinga 1:25

Olwaleero luno lwene, ajiire yaaghaayo bino ng'omusengo: ente enume, ente entototo empiite ensavu n'entaama. Era ayese batabane bo boonaboona, ni Yoabu omuduumizi w'eigye, ni Abiathari kabona. Era bali eyo bali kulya era baanhwera mu maiso ge, nga bwe bakoba bati, ‘Ghangaala, kyabazinga Adoniya!’

1 Bakyabazinga 1:34

Zadoki kabona ni Nathani omulanzi bamusiigire eyo omuzigo, abe kyabazinga wa Isiraeli. Ekyo nga kiwoire, mwidha kufuuwa eigwala, mukobe muti, ‘Ghangaala kyabazinga Solomoni!’

1 Bakyabazinga 1:39

Nga bali eyo, Zadoki kabona yaaja mu Weema ey'Okwagaananirangamu ni Musengwa Katonda, yaatoolayo eiyiga ery'ensolo lye baatangamu omuzigo, yaatoolamu omuzigo, yaagusiiga Solomoni. Olwo baafuuwa eigwala, era abantu boonaboona baakoba bati: “Ghangaala kyabazinga Solomoni.”

1 Bakyabazinga 2:44

Kyabazinga era yaakoba Shimei ati: “Oidhi bukalamu mu mwoyo gwo ebibi byonabyona bye wakola lata wange Daudi. Kale Musengwa Katonda ky'anaava n'akubonereza.

2 Bakyabazinga 11:11

Abakuumi baayemerera nga buli muntu agemye eby'okulwanisa bye okuva ku luuyi olw'omukono omusaadha olw'e buvandhuba w'eisinzizo, okutuuka ku luuyi lwalyo olw'omukono omugooda olw'e buvandhuba, n'okwezunguluza alutaari n'eisinzizo.

2 Bakyabazinga 11:2

Aye Yehosheba mughala wa kyabazinga Yoramu era nga mwanhina Ahazia, yaawoniagho Yoashi omulala ku batabane ba Ahazia oyo. Yamutoola mu balangira abaali baja okwitibwa ng'amwibagho bwibe, yaaja yaamugisa ghalala n'omulezi we mu kisenge ekisulwamu, mu nsambo eyo yaamuwonia Athalia okumwita.

2 Bakyabazinga 11:4

Aye mu mwaka ogwomusanvu, Yehoiada kabona yaayetesa abaduumizi b'abakuumi ekikumi ekikumi aba kyabazinga, era yaayetesa n'abakulira abakuumi b'ekisaagaati kya kyabazinga. Baidha y'ali mu isinzizo, yaakola nabo endagaano ng'abalayiza okutuukiriza kye yali ategeike okukola. Agho yaabooleka Yoashi mutabane wa kyabazinga,

2 Bakyabazinga 9:13

Amangu geene ago buli muntu ku baduumizi abo, yaatoolamu ekivaalo kye ky'avaire, yaakyaliirira ku madaala Yehu aniineku. Baafuuwa eigwala baakoba bati: “Yehu ni kyabazinga!”

2 Bakyabazinga 9:3

Agho otoole akadoome ak'omuzigo, ogumufuke ku mutwe ng'okoba oti Musengwa Katonda akoba ati, ‘Nkusiize omuzigo guno obe kyabazinga wa Isiraeli.’ Ng'omaze, oidha kwigulagho olwigi olumuke, oveeyo mangu.”

2 Ebyomubyanda 23:11

Agho yaafulumya Yoashi, yaamuvaaza engule ey'obwakyabazinga, yaamugemya n'ekighandiiko ekirimu Amateeka, yaafuuka kyabazinga. Olwo Yehoiada oyo kabona ghalala ni batabane be, baasiiga Yoashi omuzigo, era baakoba bati: “Kyabazinga ghangaala!”

Zabbuli 132:18

Abazigu be nja kubaswaza, aye obwakyabazinga bwe buja kusigala nga bukaaligho.”

Zabbuli 21:3

Wamuleetera enkabi edhitaloodheka, era waamuvaaza engule eya zaabu omukenenule.

Zabbuli 21:4

Yakusaba obulamu waabumugha, waamugha obughangaazi obw'ebyanda n'ebyanda.

Zabbuli 47:1

Abantu mwenamwena mukube mu ngalo! Mukubire Katonda emizira, mumwembere n'enhembo edh'eisanhu.

Zabbuli 78:5

Yateeragho abantu ba Isiraeli amateeka, yaateeragho baidhukulu ba Yakobo ebiragiro yaakoba badhaadha baife beegeresenga ebyo abaana baibwe.

Zabbuli 89:39

Osaziizaamu endagaano yo n'omugheereza wo, n'engule ye waagifuuta mu itaka.

Zabbuli 98:8

Omwidhuzo gw'amaadhi ka gukube mu ngalo; n'ensozi dhembere ghalala n'eisanhu mu maiso ga Musengwa Katonda,

Okuvaayo 25:16

Mu sanduuku omwo oidha kutaamu ekiidhukizo kye ndidha okukugha.

Okuvaayo 31:18

Katonda bweyamala okwogera ni Musa ku lusozi Sinai, yaamugha ebibaadho ebibiri eby'amabaale Katonda mwene bye yaghandiikaku amateeka.

Isaia 55:12

Muliva mu Babiloni nga muli basangaavu; mwavaayo mwatwalibwa nga muli mu miraala. Ensozi n'obusozi biritimbuka byayemba, n'emiti gyonagyona gyasangaala gyakuba mu ngalo.

Isaia 8:16

Imwe abeegeresebwa bange mugumire ku bye mbasikiriire era mukalangukire ku bye mbeegereisa.

Isaia 8:20

Mubairangamu muti: “Ka twekalangulire ku ebyo Musengwa Katonda bye yatusikirira ni bye yatwegeresa.” Bwenebwene abo abatajiira ku ebyo nga bwe biri, tibalikyesa bwire nga bakaali kufa.

Okulira 4:20

Baasima ebiina okutega kyabazinga, oyo Musengwa Katonda ye yasiiga omuzigo abenga obugheereso bwaife, era baamala baamugemya. Ate ng'oyo ye twali tudhuuba tuti n'anaatulwaniriringa nga tulumbiibwa.

Danieli 3:9

Baakoba kyabazinga Nebukadinezzari bati: “Isebantu kyabazinga, ghangaala byanda na byanda!

Danieli 6:21

Danieli yaamwiramu ati: “Isebantu kyabazinga, ghangaala byanda na byanda!

Matayo 21:9

Eikuukuubira ery'abantu abaamukulemberamu n'abaamunonereza baaleekaana bati: “Hosanna mwidhukulu wa Daudi. Wa nkabi oyo aidha mu liina lya Musengwa, Hosanna mu igulu eyo.”

Matayo 27:29

Baaluka engule ey'amawa baagimuta ku mutwe, baamugemya n'olugada mu mukono omusaadha. Agho ni baakuba amakiryaivu mu maiso ge baamukiina nga bakoba bati: “Ghangaala Kyabazinga ow'Abayudaaya!”

Ebikolwa by'Abatume 4:27

Bwenebwene Herode, ni Pilato, n'abamaghanga agandi, n'abantu ba Isiraeli, mu kibuga kino mwe beesololeza okulwanisa Yesu Omwana wo omutukuvu ye wasiiga omuzigo.

2 Ab'e Korintho 1:21

Katonda n'atukakasa ife n'imwe nga mu Kurisito mwe tufunira obulamu, era mwene oyo n'eyatulobolamu.

Abaheburayi 1:9

Ogonza obutuufu waakyagha obudheemu Katonda wo kyeyava akulonda era n'akugha okusangaalira mu kitiisa okusinga baino boonaboona.”

Abaheburayi 2:9

Aye tubona Yesu eyafuulibwa okubaaku ghansi gha bamalaika akaseera, olw'ekisa kya Katonda aghange okufiirira abantu boonaboona. Mperaano tumubona nga yavaazibwa engule ey'ekitiisa era yaagheebwa okutiibwa olw'okufa kwe.

Okwolekebwa 19:12

Amaiso ge gaali gaaka ng'oti muliro, ate ku mutwe gwe nga kuliku engule kamaala. Era ng'aghandiikiibwaku eriina eritamanhiibwa muntu wundi okutoolaku mwene yenka.

1 Samueli 10:1

Agho Samueli yaatoola akadoome k'omuzigo ogw'ebibala eby'emiti emyoliva, yaafuka omuzigo ku mutwe gwa Saulo, era yaamugwa mu kifuba ng'akoba ati: “Musengwa Katonda akufuseeku omuzigo ogwo obe omukulembeze ow'abantu be Abaisiraeli. Oidha kufuganga abantu ba Musengwa Katonda, era oidha kubawonianga abazigu baibwe ababeezungulwire. Era kano n'akamanhiso akakakasa nga Musengwa Katonda akusiize omuzigo obe omukulembeze w'abantu be.

1 Samueli 10:24

Agho Samueli yaakoba abantu boonaboona ati: “Muboine oyo Musengwa Katonda y'alonze? Ezira ayaga naye mu bantu boonaboona.” Abantu boonaboona baakuba emizira bati: “Kyabazinga ghangaala!”

1 Samueli 16:13

Samueli yaatoola eiyiga eryalimu omuzigo, yaamusiiga omuzigo nga baganda be babona. Omwoyo gwa Musengwa Katonda gwaidha ku Daudi n'amaani okuva ku lunaku olwo n'okweyongerayo. Samueli yaasituka yaaja e Rama.