2 Bakyabazinga 10:7 - Baibuli Ekibono kya Katonda 2014

⁷ Kale embaluwa ya Yehu bwe yabatuukaku, baatwala abaana abo boonaboona ensanvu baabaita, baata emitwe gyaibwe mu biibo, baagigheereza Yehu e Yezireeli.

2 Bakyabazinga 10:7 ပူးပေါင်းရင်းမြစ်များ

1 Bakyabazinga 21:19

Oidha kumukoba oti, ‘Musengwa Katonda akoba ati, omaze okutemula omuntu, obwo era otwale n'ebintu bye?’ Era oidha kumukoba oti, ‘Musengwa Katonda akoba ati, mu kifo mwene embwa mwe dhaakombeire omusaayi gwa Nabothi, era mwe dhiidha okukombera n'ogugwo.’ ”

1 Bakyabazinga 21:21

Agho ni Musengwa Katonda akoba ati, ‘Iwe Ahabu, ndidha kukutuusaaku akabi, nkuzikirize irala. Era ndimalagho mu Isiraeli buli muntu ayetebwa musaadha k'abe omusibe oba ow'eidembe.

2 Bakyabazinga 10:6

Yehu yaabaghandiikira embaluwa eyindi ng'akoba ati: “Oba nga muli ku luuyi lwange, era nga muli beetegefu okukola bye mbalagira, kale ni muteme emitwe ku baana ba musengwa waimwe, mugindeetere olwaidho e Yezireeli mu kiseera ng'oti ni kino.” Abaana abo ensanvu aba kyabazinga Ahabu, baali mu mikono gy'abantu abakologho ab'omu kibuga abaabalabiriranga.

2 Bakyabazinga 10:8

Agho omukwenda yaidha, yaakobera Yehu ati: “Baleese emitwe egy'abaana ba kyabazinga Ahabu.” Yehu yaalagira ati: “Mugibunge mu mmungo ibiri ku mulyango ogwingira ekibuga, gibe agho okutuusa enkyo.”

2 Bakyabazinga 10:9

Enkyo ku nkyo, yaafuluma yaakoba abantu boonaboona agho ku mulyango gw'ekibuga, ati: “Imwe muziraku musango. Ninze nakola olukwe ni ndhita musengwa wange. Aye naani eyaise bano boonaboona?

2 Bakyabazinga 11:1

Agho Athalia inhina wa kyabazinga Ahazia bwe yabona nga mutabane we oyo bamwise, yaasituka, yaazikiriza ab'oku lulyo olulangira boonaboona.

2 Ebyomubyanda 21:4

Era Yehoramu oyo bwe baamala okumutyamya ku kityamo eky'obwakyabazinga bwa ise, n'amala n'okukakata ku bwakyabazinga obwo, yaita baganda be boonaboona, n'abandi ku bakungu mu Isiraeli.