2 Bakyabazinga 10:30 - Baibuli Ekibono kya Katonda 2014

³⁰ Musengwa Katonda yaakoba Yehu ati: “Nga bw'okoze obukalamu ebyo bye nsiima, n'otuukiriza byonabyona bye nayenda okukola ab'endhu ya Ahabu, nkusuubiza nti ab'eizaire lyo okutuuka ku luse olwokuna, balityama ku kityamo eky'obwakyabazinga bwa Isiraeli.”

2 Bakyabazinga 10:30 ပူးပေါင်းရင်းမြစ်များ

1 Bakyabazinga 20:42

Omulanzi yaakoba kyabazinga ati: “Musengwa Katonda akoba ati, ‘Nga bwe walekula omusaadha ye nalagira okwita, n'omuleka n'aja, obulamu bwo bw'oidha okusasuzaamu obubwe, n'abantu bo b'oidha okusasuzaamu ababe.’ ”

1 Bakyabazinga 21:22

Ab'endhu yo ndibakola nga bwe nakola ab'endhu ya kyabazinga Yeroboamu mutabane wa Nebati. Era ndibakola nga bwe nakola ab'endhu ya kyabazinga Baasha mutabane wa Ahiya kuba wasiikuula obusungu bwange, ng'oleetera Isiraeli okwonoona.’

1 Bakyabazinga 21:29

“Oboine Ahabu bwe yeewooyiiza mu maiso gange? Kale nga bwe yeewooyiiza mu maiso gange atyo, akabi tija kukaleeta mu biseera bye ng'akaali mulamu, aye ndikaleeta ku b'endhu ye mu biseera bya mutabane we.”

2 Bakyabazinga 10:35

Agho Yehu yaafa, yeeyimba ku badhaadha be abaafa, era yaaziikibwa mu Samaria. Mutabane we Yehoahazi yaamusikira ku bwakyabazinga.

2 Bakyabazinga 13:1

Mu mwaka ogwamakumi abiri n'esatu (23) nga kyabazinga Yoashi mutabane wa Ahazia n'afuga Buyudaaya, Yehoahazi mutabane wa Yehu yaafuuka kyabazinga wa Isiraeli, era yaafugira mu Samaria okumala entangama ya myaka ikumi na musanvu.

2 Bakyabazinga 13:10

Mu mwaka ogwamakumi asatu n'omusanvu (37) nga kyabazinga Yoashi n'afuga Buyudaaya, Yehoashi mutabane wa Yehoahazi yaafuuka kyabazinga wa Isiraeli, era yaafugira mu Samaria okumala entangama ya myaka ikumi na mukaaga.

2 Bakyabazinga 14:23

Mu mwaka ogweikumi n'etaanu (15) nga kyabazinga Amazia mutabane wa Yoashi n'afuga Buyudaaya, Yeroboamu mutabane wa Yehoashi yaafuuka kyabazinga wa Isiraeli, era yaafugira mu Samaria okumala entangama ya myaka amakumi ana na mulala (41).

2 Bakyabazinga 14:29

Agho Yeroboamu Owokubiri yaafa, yeeyimba ku badhaadha be abaafa bakyabazinga ba Isiraeli. Mutabane we Zekaria yaamusikira ku bwakyabazinga.

Hosea 1:4

Musengwa Katonda yaakoba Hosea ati: “Mutuume eriina ‘Yezireeli,’ kuba esigaireyo ekiseera kitono mbonereze kyabazinga wa Isiraeli olw'obutemo dhaadha we Yehu bwe yakolera e Yezireeli. Nja kulekeza ab'oku nda ya Yehu okufuga obwakyabazinga bwa Isiraeli.

Abalevi 26:25

Ndidha kubaleeteranga entalo okubabonereza olw'okumenha endagaano yange n'imwe. Era bwe muneesololezanga aghalala mu bibuga byaimwe okwewonia, ndidha kubasindikangamu obulwaire obubi, muwalirizibwenga okweghaayo eri abazigu baimwe.