2 Bakyabazinga 10:3 - Baibuli Ekibono kya Katonda 2014

³ mulonde omwisuka mulala ku baana ba musengwa waimwe abo, asinga baine boonaboona era agwaniire, mumufuule kyabazinga, mulwanirire ab'endhu ya musengwa waimwe.”

2 Bakyabazinga 10:3 ပူးပေါင်းရင်းမြစ်များ

2 Bakyabazinga 10:2

“Mpegaano muli n'abaana aba musengwa waimwe, era mwaba n'ebigaali eby'omu lutalo, n'embalaasi, n'eby'okulwanisa, n'ebibuga ebyezungulwirwa ebimante ebigumu. Kale ni embaluwa eno olunaabatuukaku eti,

2 Bakyabazinga 10:4

Aye bale bwe baasoma embaluwa eyo, baatya ekibitiriire, baakoba bati: “Oba nga bakyabazinga ababiri, Yoramu ni Ahazia, tibaaghanga kumulwanisa, memale ife tunaaghanga tutya?”

Yoanne 18:36

Yesu yaamwiramu ati: “Obwakyabazinga bwange ti bwa mu nsi muno. Nguli obwakyabazinga bwange bubaire bwa mu nsi muno, abasaadha bange baakalwaine naaloba kugheebwayo mu mikono gya Bayudaaya. Aye obwakyabazinga bwange ti bwa mu nsi muno.”

1 Samueli 10:24

Agho Samueli yaakoba abantu boonaboona ati: “Muboine oyo Musengwa Katonda y'alonze? Ezira ayaga naye mu bantu boonaboona.” Abantu boonaboona baakuba emizira bati: “Kyabazinga ghangaala!”

1 Samueli 11:15

Kale boonaboona baaja e Giligali, era nga bali eyo mu maiso ga Musengwa Katonda, baalangirira Saulo nga ni kyabazinga. Baagheerayo eyo emisengo egy'ebigheebwayo olw'okutabagana, era Saulo n'abantu boonaboona baasagamba inho nga bali eyo.