2 Bakyabazinga 10:29 - Baibuli Ekibono kya Katonda 2014

²⁹ Aye ate yeena yakola ebibi ng'oti ni Yeroboamu mutabane wa Nebati bwe yakola, ebyaleetera Abaisiraeli okwonoona nga basinza ebifaananie eby'ente ento ebyakolebwa mu zaabu, ebyali e Betheli n'e Dani.

2 Bakyabazinga 10:29 ပူးပေါင်းရင်းမြစ်များ

Amainhama 20:9

Agho yaayeta Aburahamu yaamubuuza ati: “Kiki kino ky'otukoze? Nakukola kibi ki memale ondeetere nze n'obwakyabazinga bwange ekibi ekyaga agho? Kye wakoze ti n'ekigwaine okukolwa.

1 Bakyabazinga 14:16

Musengwa Katonda aja kulekulira agho Isiraeli olw'ebibi bya Yeroboamu bye yakola, n'ebyo bye yaleetera Abaisiraeli okukola.”

2 Bakyabazinga 10:28

Atyo Yehu bwe yazikiriza okusinza Baali, n'akumaliragho irala mu Isiraeli.

2 Bakyabazinga 10:31

Aye Yehu yaaloba kufaayo kujiiranga ku mateeka ga Musengwa Katonda, Katonda wa Isiraeli n'omwoyo gwe gwonagwona, yaasigala ng'akaakola ebibi ng'oti ni Yeroboamu bye yakola, ebyaleetera Isiraeli okwonoona.

2 Bakyabazinga 13:11

Yeena yaakola ebibi eri Musengwa Katonda, ng'oti n'ebya kyabazinga Yeroboamu ebyaleetera Isiraeli okwonoona. Era Yehoashi oyo yaaloba kuleka bibi ebyo, aye yaaja bwa mu maiso na kubikola.

2 Bakyabazinga 13:2

Yaakola ebibi eri Musengwa Katonda, nga kyabazinga Yeroboamu mutabane wa Nebati bye yakola, ebyaleetera Isiraeli okwonoona. Era Yehoahazi oyo yaaloba kuva mu bibi ebyo.

2 Bakyabazinga 14:24

Yaakola ebibi eri Musengwa Katonda nga Yeroboamu mutabane wa Nebati bye yakola, ebyaleetera Isiraeli okwonoona.

2 Bakyabazinga 15:18

Yaakola ebibi eri Musengwa Katonda, era enaku edh'obulamu bwe dhoonadhoona yaaloba kulekera okukola ebibi ng'ebya Yeroboamu mutabane wa Nebati, ebyaleetera Isiraeli okwonoona.

2 Bakyabazinga 15:24

Yaakola ebibi eri Musengwa Katonda nga Yeroboamu mutabane wa Nebati bye yakola, ebyaleetera Isiraeli okwonoona.

2 Bakyabazinga 15:28

Yaakola ebibi eri Musengwa Katonda nga Yeroboamu mutabane wa Nebati bye yakola, ebyaleetera Isiraeli okwonoona.

2 Bakyabazinga 15:9

Yaakola ebibi eri Musengwa Katonda nga badhaadha be bwe baakolanga. Yaakola ebibi ng'ebya Yeroboamu mutabane wa Nebati, ebyaleetera Isiraeli okwonoona.

2 Bakyabazinga 17:22

Ab'omu Isiraeli abo baakolanga ebibi byonabyona Yeroboamu bye yakolanga, baaloba kulekera,

2 Bakyabazinga 3:3

Aye era Yehoramu oyo yaakola ebibi ebyaleetera Isiraeli okwonoona ng'oti ni kyabazinga Yeroboamu mutabane wa Nebati bwe yakola. Era Yehoramu oyo yaaloba kuva mu bibi ebyo.

Okuvaayo 32:21

Musa yaabuuza Aaroni ati: “Bwenebwene abantu bano baakukola ki memale obaleeteku ekibi ekikologho ekyo?”

Okuvaayo 32:4

Aaroni yaadhitoola, yaadhisaanuusa, era yaakozesa akatiba yaabakoleramu ekifaananie eky'ente ento enume. Agho baakoba bati: “Isiraeli, ono ni katonda wo eyakutoola mu Misiri!”

Ezekieli 23:8

Tiyalekayo bwamalaaya bwe, bwe yakola okuviira irala ng'ali e Misiri, ye yabeera n'abasaadha mu buliri ni bamwesanhukizaaku ng'akaali muto, ni bamuleetera okuba nga takaali mwegha.

Hosea 10:5

Abatyamye ab'omu Samaria balidhugumira olw'okuviibwaku ekifaananie eky'ente ento eky'e Bethaveni. Abantu abakisinza balikiririra amaziga, ni bakabona abagheereza ekisinzibwa ekyo ekitali Katonda, baliwowoola, nga kitooleibwaku ekitiibwa kyakyo.

Hosea 13:2

Ni ye buli eno bakaaja mu maiso n'okukola ebibi, nga bakola ebifaananie mu kyuma ekisaanuusiibwa. Ebifaananie ebyo babikola n'obukugu mu feeza waibwe nga bigheesebwa bantu buntu. Agho baakoba abantu bati: “Mugheeyo emisengo eri ebifaananie ebyo.” Aye abantu basobola batya okunhwegera ebifaananie ebyo eby'ente ento bye bakola obukole?

1 Samueli 2:24

Mulekere agho, baana bange! Ebintu bye mpulira ng'abantu baboogeraku eyo, ti bikalamu naire.