2 Bakyabazinga 10:15 - Baibuli Ekibono kya Katonda 2014

¹⁵ Yehu bwe yava agho, yaayagaana Yehonadabu mutabane wa Rekabu ng'ali kwidha okumubona. Yehu yaamulamusa, yaamubuuza ati: “Iwe ninze tufaanania endowooza?” Yehonadabu yairamu ati: “N'ekyo kyene, isebo.” Yehu yaakoba ati: “Oba nga kityo bwekiri, kale mpe eno omukono gwo.” Yehonadabu yaamugha omukono gwe. Yehu yaamuniinisa mu kigaali kye eky'omu lutalo,

2 Bakyabazinga 10:15 ပူးပေါင်းရင်းမြစ်များ

Amainhama 31:55

Bwe bwakya ku nkyo, Labani yaazuuka, yaagwa baidhukulu be ni baghala be mu kifuba, yabasabira enkabi. Yaasitula okwirayo ewuwe.

Amainhama 47:10

Yakobo kabiri yaayendeza kyabazinga enkabi, yaavaagho.

Amainhama 47:7

Agho Yosefu yaaleeta Yakobo ise, yaamwandhula eri kyabazinga. Yakobo yayendeza kyabazinga enkabi.

1 Bakyabazinga 20:33

Abasaadha abo baali nga bali kwekalirisa inho Ahabu oyo ky'ayogera. Kale bwe yakoba ati: “Oyo muganda wange,” amangu ago beenhuka ku ekyo, baakoba bati: “Yii, muganda wo Benihadadi.” Ahabu yaakoba ati: “Muje mumuleete.” Benihadadi yaidha ye Ahabu. Ahabu oyo yaamuniinisa mu kigaali kye eky'omu lutalo.

2 Bakyabazinga 10:13

yaayagaanana n'ab'endhu ya Ahazia eyali kyabazinga wa Buyudaaya. Yaababuuza ati: “Niimwe baani?” Baamwiramu bati: “Ife tuli ba ndhu ya Ahazia. Tuli kuja Yezireeli okulamusa ku baana ba Yezebeli inhebantu, era n'abalangira n'abambeedha abandi.”

2 Bakyabazinga 10:14

Yehu yaalagira ati: “Mubageme nga balamu.” Baabagema, baabaitira kumpi n'ekiina ekyali agho. Baali abantu amakumi ana na babiri (42), era ghazira waire omulala ku abo Yehu ye yalekagho nga mulamu.

2 Bakyabazinga 9:21

Yoramu yaakoba ati: “Mutegeke ekigaali kyange eky'omu lutalo.” Baakitegeka. Agho Yoramu oyo kyabazinga wa Isiraeli ni Ahazia kyabazinga wa Buyudaaya, baasitula nga buli muntu ali mu kigaali kye eky'omu lutalo, baaja okwagaanana ni Yehu, baamwagaana mu kibandha ekyali ekya Nabothi Omuyezireeli.

1 Ebyomubyanda 2:55

Bino n'ebika eby'abaghandiisi abaabanga e Yabezi: Abatirathi, Abashimeathi, n'Abasukathi. Abo n'Abakeni abaava e Hamathi eyasimuka Abarekabu.

Ezera 10:19

Abo baasuubiza okwawukana ni bakazi baibwe abo abamaghanga agandi era baaghaayo entaama enume ng'ekigheebwayo olw'ebibi byaibwe.

Nehemia 3:14

Malikiya mutabane wa Rekabu eyafuganga ekiketezo ky'e Bethi Hakkeremu n'eyalongoosa ogwetebwa Omulyango ogw'Obusa. Yaaguzimba buyaaka, yaagutaamu endhigi dhaamu, era endhigi edho yaadhitaaku eminhololo n'ebisiba ebindi.

Zabbuli 94:16

Naani eyambeeraku ng'ababi abo bantanwireku olutalo? Oba naani eyayemerera ku luuyi lwange ng'abakozi b'ebibi baanumbye?

Yeremia 35:2

“Yeremia, ja y'ab'ekika kya Rekabu oyogere nabo. Memale obatwale mu kisenge ekindi ku ebyo ebiri ku isinzizo, obaghe ku mwenge ogw'emizabbibu banhwe.”

Ezekieli 17:18

Taliwona olw'okunhoomoola kye yeeyama n'amenha endagaano, ate nga yagitaaku omukono aye kabiri yaaloba okugijiiraku.”

Ebikolwa by'Abatume 8:31

Omwethiopia yaamwiramu ati: “Mpanga ntya okubitegeera, okutoolaku nga ghaligho abiinhinhongoire?” Agho yaasaba Filipo aniine atyame naye mu kigaali.

Ab'e Galatia 2:9

Yakobo, Petero ni Yoanne, abaabonekanga okuba nga n'abakulembeze, baakibona nga Katonda yangemya omulimo omukulu guno. Kale baatugema mu ngalo, nze ni Barunaba, ng'akamanhiso akooleka nga tuli bakozi banaibwe ku mulimo n'omulala. Era twaisania ife tuje mu bamaghanga agandi, ate beene baje mu bakekete.

Ab'e Galatia 4:12

Mbeeghembye aboluganda mufuuke ng'oti ninze, kuba era zeena nafuuka ng'oti niimwe. Mu butuufu bwene muzira kisobu kye mwankola