2 Bakyabazinga 10:14 - Baibuli Ekibono kya Katonda 2014

¹⁴ Yehu yaalagira ati: “Mubageme nga balamu.” Baabagema, baabaitira kumpi n'ekiina ekyali agho. Baali abantu amakumi ana na babiri (42), era ghazira waire omulala ku abo Yehu ye yalekagho nga mulamu.

2 Bakyabazinga 10:14 ပူးပေါင်းရင်းမြစ်များ

1 Bakyabazinga 20:18

Yaalagira ati: “Bwe baba nga baidhie lwa miraala, mubageme mubaleete nga balamu, ni bwe banaaba nga baidhie kulwana, era mubageme mubaleete nga balamu.”

2 Bakyabazinga 10:12

Agho Yehu yaava e Yezireeli okuja e Samaria. Bwe yali ali mu ngira mu kifo ekyetebwa Endhu ey'Abaayi b'Entaama,

2 Bakyabazinga 10:13

yaayagaanana n'ab'endhu ya Ahazia eyali kyabazinga wa Buyudaaya. Yaababuuza ati: “Niimwe baani?” Baamwiramu bati: “Ife tuli ba ndhu ya Ahazia. Tuli kuja Yezireeli okulamusa ku baana ba Yezebeli inhebantu, era n'abalangira n'abambeedha abandi.”

2 Bakyabazinga 10:15

Yehu bwe yava agho, yaayagaana Yehonadabu mutabane wa Rekabu ng'ali kwidha okumubona. Yehu yaamulamusa, yaamubuuza ati: “Iwe ninze tufaanania endowooza?” Yehonadabu yairamu ati: “N'ekyo kyene, isebo.” Yehu yaakoba ati: “Oba nga kityo bwekiri, kale mpe eno omukono gwo.” Yehonadabu yaamugha omukono gwe. Yehu yaamuniinisa mu kigaali kye eky'omu lutalo,

2 Bakyabazinga 10:6

Yehu yaabaghandiikira embaluwa eyindi ng'akoba ati: “Oba nga muli ku luuyi lwange, era nga muli beetegefu okukola bye mbalagira, kale ni muteme emitwe ku baana ba musengwa waimwe, mugindeetere olwaidho e Yezireeli mu kiseera ng'oti ni kino.” Abaana abo ensanvu aba kyabazinga Ahabu, baali mu mikono gy'abantu abakologho ab'omu kibuga abaabalabiriranga.

2 Bakyabazinga 11:1

Agho Athalia inhina wa kyabazinga Ahazia bwe yabona nga mutabane we oyo bamwise, yaasituka, yaazikiriza ab'oku lulyo olulangira boonaboona.

2 Bakyabazinga 8:18

Yafumbirwa mughala wa Ahabu, era yaakola ng'ab'endhu ya Ahabu oyo bwe baakola, yaajiira ku mpisa embi edha bakyabazinga ba Isiraeli, yaakola ebibi ye Musengwa Katonda.

2 Ebyomubyanda 22:10

Agho Athalia inhina wa kyabazinga Ahazia bwe yabona nga mutabane we oyo bamwise, yaasitukiramu, yaazikiriza ab'oku lulyo olulangira boonaboona.

2 Ebyomubyanda 22:8

Agho Yehu bweyali ali kutuukiriza ekibonerezo Katonda kye yasalira ab'endhu ya Ahabu, yaayagaana abakungu ba Buyudaaya n'abaana ba baganda ba Ahazia, abaali bagherekeireku Ahazia oyo ku bugeni. Yehu yaabaita.

Yeremia 41:5

abasaadha kinaana baatuuka nga bava e Shekemu, n'e Shilo, n'e Samaria. Baali basazeeku ebirevu byaibwe, nga bakanwire ebivaalo byaibwe, era nga beesazesaze n'emisale ku mubiri. Baali baleese emere ey'empeke n'obubbaani mu isinzizo, ng'ebigheebwayo.