2 Bakyabazinga 10:11 - Baibuli Ekibono kya Katonda 2014

¹¹ Agho Yehu yaita abaali nga bakaasigairegho ku b'endhu ya Ahabu abaali mu Yezireeli, n'abakungu ba Ahabu oyo, ni bakagwa be einho, ni bakabona be. Yehu tiyalekagho muntu waire omulala ati owa Ahabu nga mulamu.

2 Bakyabazinga 10:11 ပူးပေါင်းရင်းမြစ်များ

1 Bakyabazinga 14:10

Kale ni bona eno, ndidha kutuusa akabi ku b'endhu yo iwe Yeroboamu, mmaliregho irala kiisi wa ku lulyo lwo ayetebwa omusaadha, k'abe omusibe oba ow'eidembe. Era ndidha kusaanizaagho irala ab'endhu yo, ng'oti n'omuntu bw'ayokya obusa okutuusa lwe buweekereragho bwonabwona.

1 Bakyabazinga 15:29

Era olwamala okufuuka kyabazinga ati, ng'atoolera kwita ba ndhu ya Yeroboamu boonaboona okubasaaniagho, nga Musengwa Katonda bwe yayogera ng'abita mu mugheereza we omulanzi Ahiya ow'e Shilo.

1 Bakyabazinga 16:11

Zimuri olwamala okufuuka kyabazinga, nga yaakatyama ati ku kityamo kye eky'obwakyabazinga, yaita ab'endhu ya Baasha boonaboona obutalekaagho naire omwana eyetebwa omulenzi, k'abe owuwe mwene, oba ow'ab'oku lulyo lwe, waire owa bakagwa be.

1 Bakyabazinga 18:19

Mpegaano ni, soloza Abaisiraeli boonaboona, baidhe twagaanane ku lusozi Karumeli, ghalala n'abalanzi ba Baali ebikumi ebina n'ataanu (450) era n'abalanzi ebikumi ebina (400) ab'omusambwa omukazi Ashera, abalya ku kiiwulo kya Yezebeli.”

1 Bakyabazinga 18:40

Agho Eliya yaabakoba ati: “Mugeme abalanzi ba Baali, ghalobe kubaagho alumukagho waire omulala.” Kale baabagema. Eliya yaabaserengesa ku kaiga Kishoni, yaabaitira eyo.

1 Bakyabazinga 21:22

Ab'endhu yo ndibakola nga bwe nakola ab'endhu ya kyabazinga Yeroboamu mutabane wa Nebati. Era ndibakola nga bwe nakola ab'endhu ya kyabazinga Baasha mutabane wa Ahiya kuba wasiikuula obusungu bwange, ng'oleetera Isiraeli okwonoona.’

1 Bakyabazinga 21:29

“Oboine Ahabu bwe yeewooyiiza mu maiso gange? Kale nga bwe yeewooyiiza mu maiso gange atyo, akabi tija kukaleeta mu biseera bye ng'akaali mulamu, aye ndikaleeta ku b'endhu ye mu biseera bya mutabane we.”

1 Bakyabazinga 22:6

Agho kyabazinga wa Isiraeli yaasoloza abalanzi ng'ebikumi bina, yaababuuza ati: “Nje numbe Ramothi eky'e Gileadi, oba ntakirumba?” Bairamu bati: “Ja okirumbe, Musengwa Katonda aidha kukikugha okighangule.”

2 Bakyabazinga 10:12

Agho Yehu yaava e Yezireeli okuja e Samaria. Bwe yali ali mu ngira mu kifo ekyetebwa Endhu ey'Abaayi b'Entaama,

2 Bakyabazinga 23:20

Yaitira bakabona ab'omu bifo ebigulumivu eby'okusinzizaamu ku alutaari dhe baagheerezangaku, era alutaari edho yaadhookeraku amagumba g'abafu. Olwamala okukola atyo, yairayo e Yerusalemu.

2 Bakyabazinga 9:7

Era oidha kwita ab'endhu ya Ahabu musengwa wo, mmwesasuulizeeku olw'abagheereza bange abalanzi n'olw'abagheereza bange abandi, Yezebeli be yaita.

2 Bakyabazinga 9:9

Ab'endhu ya Ahabu ndibakolaku nga bwe nakola ab'endhu ya kyabazinga Yeroboamu mutabane wa Nebati owa Isiraeli, era nga ni bwe nakola ku b'endhu ya kyabazinga Baasha mutabane wa Ahiya owa Isiraeli.

2 Ebyomubyanda 22:7

Aye Musengwa Katonda yali amaze okutegeka ng'okuzikirira kwa Ahazia kuja kumwidhira lwa kukyalira Yoramu, kuba Ahazia oyo bwe yatuukayo, yaja ni Yoramu okubona Yehu mutabane wa Nimushi, Musengwa Katonda ye yali amaze okulonda nga n'ow'okuzikiriza ab'endhu ya Ahabu.

2 Ebyomubyanda 22:8

Agho Yehu bweyali ali kutuukiriza ekibonerezo Katonda kye yasalira ab'endhu ya Ahabu, yaayagaana abakungu ba Buyudaaya n'abaana ba baganda ba Ahazia, abaali bagherekeireku Ahazia oyo ku bugeni. Yehu yaabaita.

Yobu 18:19

Ku babe tighalisigalagho mwana waire omwidhukulu. Era ye yabanga teriwonayo muntu naire omulala.

Zabbuli 109:13

Abaana be n'abaidhukulu bagwananga baawaagho, ghaabula ow'oluse olwidha amwidhukira naire.

Zabbuli 125:5

Aye abo abaleka ebiragiro byo ni badaaliima, babonereze ghalala n'abakozi ab'ebibi. Emiraala gibe mu Isiraeli.

Ensambo 13:20

Ole abita n'abagezi yeena afuuka mugezi, aye ole aba mu basiru alizikirizibwa.

Hosea 1:4

Musengwa Katonda yaakoba Hosea ati: “Mutuume eriina ‘Yezireeli,’ kuba esigaireyo ekiseera kitono mbonereze kyabazinga wa Isiraeli olw'obutemo dhaadha we Yehu bwe yakolera e Yezireeli. Nja kulekeza ab'oku nda ya Yehu okufuga obwakyabazinga bwa Isiraeli.

Yoshua 10:30

Kino kyona Musengwa Katonda yaakibata mu ngalo baakighangula. Baita kyabazinga waamu, n'abantu boonaboona baabazikiriza. Kye yakola kyabazinga ow'e Yeriko ni kyene ekyo kye yakola kyabazinga ow'e Libuna.

Yoshua 11:8

Musengwa Katonda yaagha Isiraeli obughanguzi, baabingirira abazigu baibwe baabalwanisa okubatuukiza irala mu kibuga Sidoni Ekikologho n'e Misirefothi Maimu ku luuyi olw'omukono omugooda ng'olingiriire e buvandhuba. Era baababingirira n'okubatuukiza irala mu kiiko eky'e Mizipa ku luuyi olw'e buvandhuba. Baaja nga babalwanisa okutuusa lwe baabamalagho okubaita.

Yoshua 15:56

Yezireeli, Yokodeamu, Zanoa,

Okwolekebwa 19:20

Ekisolo kyagemebwa ghalala n'omulanzi omuguya eyakola ebyewuunhio mu maiso gaakyo. Ebyewuunhio ebyo bye yakozesa okuguya abo abaaganha okuteebwaku akamanhiso k'ekisolo era n'okusinza ekifaananie kyakyo. Ekisolo ekyo ghalala n'omulanzi omuguya, bombi baasuulibwa mu nhandha ey'omuliro n'obunhota bwa salufa nga balamu.

Okwolekebwa 20:10

N'omukemi eyabaguya alisuulibwa mu nhandha ey'omuliro n'obunhota bwa salufa mwe balidaazibwadaazibwa omusana n'obwire, ebyanda n'ebyanda. Enhandha eyo n'eyasuulibwamu ekisolo n'omulanzi omuguya.