2 Bakyabazinga 1:9 - Baibuli Ekibono kya Katonda 2014

⁹ Agho kyabazinga yaatuma omusaadha akulira abaisirukale amakumi ataanu, aje n'abaisirukale be amakumi ataanu, aleete Eliya. Omusaadha oyo yaaja yaaniina olusozi, yaayagaana Eliya ng'atyaime ku ngulu ku lusozi olwo. Yaamukoba ati: “Muntu wa Katonda iwe, kyabazinga alagiire ati, ‘Va ghaigulu ku lusozi oike.’ ”

2 Bakyabazinga 1:9 ပူးပေါင်းရင်းမြစ်များ

1 Bakyabazinga 17:18

Agho omukazi yaakoba Eliya ati: “Ondiku nzigu yaaki, iwe omuntu wa Katonda? Waidha ghano kwidhusa Katonda bibi byange, na kwitisa mwana wange?”

1 Bakyabazinga 18:10

Ndayira mu Musengwa Katonda wo, nti ezirayo ighanga waire obwakyabazinga, musengwa wange kyabazinga y'ataatumya kukunooniayo. Era bwe baakobanga bati, ‘Ghano aziragho’, ng'alayiza obwakyabazinga obwo oba eighanga eryo, okukakasa nga tibakubonangaku.

1 Bakyabazinga 18:4

era Yezebeli bwe yaita abalanzi ba Musengwa Katonda, Obadia oyo yaatwala abalanzi kikumi yaabagisa mu mpuku mu bikunsu bibiri eby'abantu ataanu ataanu. Era yaabafuniranga emere n'amaadhi.

1 Bakyabazinga 18:42

Kale Ahabu yaaja okulya n'okunhwa. Ate Eliya yaaja ku ntwiko y'olusozi Karumeli, yaakutama ku itaka, yaata omutwe gwe mu bikiryaivu bye.

1 Bakyabazinga 19:2

Agho Yezebeli yaatuma omukwenda y'Eliya, ng'akoba ati: “Emisambwa gigwananga gyambonereza n'obukambwe, bwe bunaatuuka enkyo mu kiseera nga kino nga nkaali kukwita, ng'oti niiwe bwe waise abantu abo.”

1 Bakyabazinga 22:8

Kyabazinga wa Isiraeli yaakoba Yehoshafati ati: “Ghakaaligho omuntu ye tusobola okubitamu okwebuuzaaku ku Musengwa Katonda. Oyo ni Mikaia, mutabane wa Imula. Aye timwenda naire, kuba talangangaku bikalamu ku nze, okutoolaku ebibi.” Yehoshafati yaakoba ati: “Kyabazinga, otakoba otyo.”

2 Bakyabazinga 2:25

Mwene yeeyongerayo yaatuuka ku lusozi Karumeli, ate yaamala yaava eyo yaaja e Samaria.

2 Bakyabazinga 4:25

Kale yaaja yaatuuka y'Elisha omuntu wa Katonda, ku lusozi Karumeli. Omuntu wa Katonda bwe yalengera omukazi oyo ng'akaaliku ghala, yaakoba Gehazi omugheereza we ati: “Omukazi Omushunami wuule!

Yeremia 35:4

naabatwala mu isinzizo. Agho naabaingiza mu kisenge ky'abeegeresebwa ab'omulanzi ayetebwa Hanani mutabane wa Igadalia. Ekisenge ekyo kyali ghaigulu gh'ekisenge kya Maaseia mutabane wa Shallumu eyakuumanga omulyango gw'eisinzizo. Era nga kiri kumpi n'ebisenge eby'abakungu abandi ab'omu isinzizo.

Amosi 7:12

Agho Amazia yaakoba Amosi ati: “Iwe munaife omulanzi, lumukagho oje mu Buyudaaya. Ja okolere eyo obulanzi bwo era bakugheere eyo empeera yo olye.

Matayo 14:3

Herode oyo yali yagema Yoanne yaamuliidha, yaamuta mu ikomera olwa Herodia muka muganda we Filipo

Matayo 26:68

nga bwe bamukoba bati: “Kurisito, teeba, naani akukubye?”

Matayo 27:29

Baaluka engule ey'amawa baagimuta ku mutwe, baamugemya n'olugada mu mukono omusaadha. Agho ni baakuba amakiryaivu mu maiso ge baamukiina nga bakoba bati: “Ghangaala Kyabazinga ow'Abayudaaya!”

Mariko 15:29

Ababise baamuvuma, baatengeesa emitwe gyaibwe nga bakoba bati: “Ha! Iwe amenha eisinzizo era waalizimba mu nnaku isatu!

Mariko 15:32

Ti ni Kurisito kyabazinga wa Isiraeli, mperaano aike ave ku musalaba tubone era twikirize.” Bale be baamukomerera nabo boona baamuvuma!

Luka 9:54

Abeegeresebwa be, Yakobo ni Yoanne bwe baabona ekyo, baakoba bati: “Musengwa, wandyenze tulagire omuliro guve mu igulu gubazikirize?”

Abaheburayi 11:36

Abandi baabakiina, baabakuba, baabasiba ku ndhegere era baabata mu ikomera.

1 Samueli 19:21

Agho abantu baakobera Saulo, yaatumayo abakwenda abandi, aye boona baatoolera okulanga. Era Saulo yaatumayo abakwenda abandi omukuzi ogwokusatu. Aye era boona baatoolera okulanga.