2 Bakyabazinga 1:2 - Baibuli Ekibono kya Katonda 2014

² Agho kyabazinga Ahazia owa Isiraeli, yaaghanuka ku lubalaza olwa ghaigulu ku ndhu ye, mu kisaagaati kye mu Samaria, yagwa ghansi yeerumiriza inho. Kale yaatuma abakwenda ng'abakoba ati: “Muje mwebuuze ku musambwa Baalizebubu ogw'e Ekuroni, mmanhe oba nga nnaawona.”

2 Bakyabazinga 1:2 ပူးပေါင်းရင်းမြစ်များ

1 Bakyabazinga 11:33

Ndidha kukola ntyo, kuba Solomoni oyo yanvaaku yaasinza omusambwa omukazi Ashitorethi ogw'Abasidoni, n'omusambwa Kemoshi ogw'Abamoabu, n'omusambwa Milikomu ogw'Abammoni. Yandheemera yaakola ebibi, yaaloba kugema mateeka na biragiro byange, nga lata we Daudi bwe yakolanga.

1 Bakyabazinga 14:3

Mutwalire emigaati eminene ikumi, otwale ni ku migaati emitono, n'ekidoome eky'omudheenene gw'endhuki. Aidha kukukobera omwana bw'anaaba.”

1 Bakyabazinga 22:34

Agho ghaabaagho omwisirukale Omusiria eyalasa akalaso ke eyo atyo, aye yaagemya kyabazinga wa Isiraeli, agho ekivaalo kye eky'omu lutalo eky'ekyuma ghe kyegaitira mu kifuba. Kyabazinga yaakoba omuvuzi w'ekigaali kye eky'omu lutalo ati: “Kyusa ekigaali ontoole mu lutalo, kuba banfumiite.”

1 Bakyabazinga 22:40

Atyo Ahabu yaafa, yeeyimba ku badhaadha be abaafa. Mutabane we Ahazia yaamusikira ku bwakyabazinga.

2 Bakyabazinga 1:16

Eliya oyo bwe yatuuka ye kyabazinga, yaakoba kyabazinga ati: “Musengwa Katonda akoba ati, ‘Nga bwe watuma abakwenda okuja okwebuuza ku musambwa Baalizebubu ogw'Ekuroni, ng'oti se mu Isiraeli muziramu Katonda, kale ni toidha kuwona ove ku buliri okwo kw'oli, bwenebwene oidha kufa.’ ”

2 Bakyabazinga 1:3

Aye malaika wa Musengwa Katonda yaakoba omulanzi Eliya ow'e Tishubi, ati: “Situka oje y'abakwenda ba kyabazinga Ahazia, obakobe oti, ‘Obwo muli kuja okwebuuza ku musambwa Baalizebubu ogw'e Ekuroni, lwa kuba mu Isiraeli muziramu Katonda?

2 Bakyabazinga 1:6

Baamwiramu bati: “Omusaadha aidhie, yaatukoba ati, ‘Mwireyo ye kyabazinga abatumye, mumukobe muti Musengwa Katonda akoba ati, obwo oli kutuma abakwenda okuja okwebuuza ku musambwa Baalizebubu ogw'e Ekuroni, lwa kuba mu Isiraeli muziramu Katonda? Kale ni toidha kuwona ove ku buliri okwo kw'oli, oli wa kufa.’ ”

2 Bakyabazinga 17:16

Baava ku biragiro byonabyona ebya Musengwa Katonda waibwe, beekolera ebifaananie bibiri eby'ente ento mu kyuma ekisaanuusiibwa, beekolera n'ekifaananie ky'omusambwa omukazi Ashera. Baasinzanga emuunienie dhoonadhoona edh'oku igulu, era baasinzanga ni Baali yeena.

Yobu 31:3

Akabi tikaidhira boonooni, n'okuzikirira tikugwira babi?

Olwembo 2:9

Omugonzi wange ali ng'oti mpuuli, oba ng'oti mpongo nto. Bona ere, wuule ayemereire kuliya kw'endhu yaife. Ali kulengeza mu idinisa, yaabisa amaiso mu katimba kaamu.

Isaia 19:3

Ndivuyavuya entegeka dh'Abamisiri, naabaleetera okuwaamu amaani. Balyebuuza ku misambwa, ni ku balogo, ni ku balaguzi, ni ku b'amaghembe.

Isaia 2:6

Wo Katonda waife, bona olekuliire agho abantu bo baidhukulu ba Yakobo. Ensi yaibwe bagiidhwiza bya bulogo ebiva e buvandhuba, n'eby'obulaguzi ebiva mu Filisitia. Era bajiira ku mpisa dh'abagwira.

Isaia 37:12

Badhaadha bange baazikiriza ebibuga, Gozani, ni Harani, ni Rezefu, era baazikiriza abantu Abaedeni abaali mu Telassari. Aye ghaalighooku omusambwa waire omulala ogwasobola okubawonia?

Isaia 37:19

Baayokya emisambwa gy'amaghanga ago, mu butuufu egitaali Katonda, aye ebifaananie obufaananie abantu bye baakola n'emikono gyaibwe mu miti ni mu mabaale. Ekyo n'ekyaleetera emisambwa egyo okuzikirizibwa.

Matayo 10:25

Kimala ayegeresebwa okuba ng'omwegeresa we, n'omugheereza okuba nga Musengwa we. Kale oba nga mwenemu bamweta Beelezebulu, memale leero balyaza gha okubiiya ab'omu maka ge!

Mariko 3:22

Abanamateeka abaali baviire e Yerusalemu baakoba bati: “Abandwa Beelezebulu, era emizimu agibinga ku buyinza bwa mukulu waagyo!”

Luka 11:15

Aye abandi baakoba bati: “Aghanga okubinga emizimu emibi ku bwa Beelezebulu, omukulu ow'emizimu emibi.”

Ebikolwa by'Abatume 20:9

Aye Paulo bwe yalwagho ng'akaayogera, omulenzi ayetebwa Eutuko, eyali atyaime mu dinisa, endoolo nhingi einho dhaamugema, yaava mu kalina eyokusatu, yaagwa ghansi baamutoolagho ng'afiire.

Yoshua 15:11

yaaja ku lusozi Ekuroni ng'erubita ku luuyi lwene olwo, kabiri yaakyuka okutuuka e Shikkeroni, yaaja yaabisa olusozi Baala, yaabita ku Yabuneeli, yaakoma ku Nhandha Eyaghagati.

Abalamuzi 11:24

Iwe twala ebyo byonabyona omusambwa gwo Kemoshi, bye gukugha okuba ebibyo. Aye ife twidha kutwala ebyo byonabyona Musengwa Katonda waife by'atoola ku bandi n'atugha.

Abalamuzi 5:28

Inhina wa Sisera yaalengeza mu idinisa, yaalingirira inho mu katimba kaamu. Yabuuza ati, “Lwaki embalaasi dhe tidhiize mangu? Lwaki ekigaali kye eky'omu lutalo kirwiregho okwira?”

1 Samueli 5:10

Kale Esanduuku ey'Endagaano ya Katonda baagigheereza mu Ekuroni. Aye olwagituusaayo bati, abantu baayo baaleekaana bati: “Batuleeteire Esanduuku ey'Endagaano ya Katonda wa Isiraeli okutwita ife n'abantu baife!”