2 Bakyabazinga 1:17 - Baibuli Ekibono kya Katonda 2014

¹⁷ Kale Ahazia yaafa nga Musengwa Katonda bwe yakoba ng'abita mu Eliya. Ahazia oyo yali aziraku mwana mulenzi, kale muganda we Yehoramu yaamusikira ku bwakyabazinga, mu mwaka ogwokubiri ogw'obufuzi bwa Yehoramu mutabane wa Yehoshafati kyabazinga wa Buyudaaya.

2 Bakyabazinga 1:17 ပူးပေါင်းရင်းမြစ်များ

1 Bakyabazinga 17:16

Obuwunga obw'engaano tibwawa mu kaibo, n'akadoome tikaawaamu muzigo, nga Musengwa Katonda bwe yakoba ng'abita mu Eliya.

1 Bakyabazinga 22:38

Baanaakiza ekigaali kye eky'omu lutalo ku nsulo y'e Samaria, embwa dhaakombera eyo omusaayi gwe, ni bamalaaya baagunaabiramu eyo, nga Musengwa Katonda bwe yakoba.

1 Bakyabazinga 22:42

Yali ng'agheza emyaka amakumi asatu n'etaanu egy'obukulu, era yaafuga okumala entangama ya myaka amakumi abiri n'etaanu mu Yerusalemu. Inhina yali nga ni Azuba, mughala wa Shilihi.

1 Bakyabazinga 22:51

Mu mwaka ogweikumi n'omusanvu (17) ogwa kyabazinga Yehoshafati nga n'afuga Buyudaaya, Ahazia yaafuuka kyabazinga wa Isiraeli, era yaafuga okumala entangama ya myaka ebiri mu Samaria.

2 Bakyabazinga 1:18

Ebindi byonabyona kyabazinga Ahazia bye yakola, byaghandiikibwa mu Kitabo ky'Ebyomubyanda bya Bakyabazinga ba Isiraeli.

2 Bakyabazinga 10:17

Bwe baatuuka e Samaria, Yehu yaita ab'endhu ya Ahabu boonaboona abaali bakaasigairegho mu Samaria, nga Musengwa Katonda bwe yakoba Eliya.

2 Bakyabazinga 3:1

Mu mwaka ogweikumi n'omunaana nga kyabazinga Yehoshafati n'afuga Buyudaaya, Yehoramu mutabane wa Ahabu yaafuuka kyabazinga wa Isiraeli, era yaafugira mu Samaria okumala entangama ya myaka ikumi n'ebiri.

2 Bakyabazinga 9:36

Bwe baira ni bakobera Yehu, Yehu yaabakoba ati: “Ekyo Musengwa Katonda kye yakoba ng'abita mu mugheereza we Eliya Omutishubi ati, ‘Embwa dhiririira omulambo gwa Yezebeli mu kiketezo ky'e Yezireeli.

2 Ebyomubyanda 17:1

Agho Yehoshafati yaasikira lata we oyo Asa ku bwakyabazinga, era yeenhweza okulwanisa Isiraeli.

Amateeka Agokubiri 34:5

Agho Musa omugheereza wa Musengwa Katonda yaafiira eyo mu nsi Moabu, nga Musengwa Katonda bwe yakoba.