2 Bakyabazinga 1:16 - Baibuli Ekibono kya Katonda 2014

¹⁶ Eliya oyo bwe yatuuka ye kyabazinga, yaakoba kyabazinga ati: “Musengwa Katonda akoba ati, ‘Nga bwe watuma abakwenda okuja okwebuuza ku musambwa Baalizebubu ogw'Ekuroni, ng'oti se mu Isiraeli muziramu Katonda, kale ni toidha kuwona ove ku buliri okwo kw'oli, bwenebwene oidha kufa.’ ”

2 Bakyabazinga 1:16 ပူးပေါင်းရင်းမြစ်များ

1 Bakyabazinga 22:28

Agho Mikaia yaakoba ati: “Bw'oiranga obukalamu, nga koodhi Musengwa Katonda tayogereire mu nze.” Era yaayongeraku ati: “Imwe abantu mwenamwena, muwulire kye ndhogeire.”

2 Bakyabazinga 1:6

Baamwiramu bati: “Omusaadha aidhie, yaatukoba ati, ‘Mwireyo ye kyabazinga abatumye, mumukobe muti Musengwa Katonda akoba ati, obwo oli kutuma abakwenda okuja okwebuuza ku musambwa Baalizebubu ogw'e Ekuroni, lwa kuba mu Isiraeli muziramu Katonda? Kale ni toidha kuwona ove ku buliri okwo kw'oli, oli wa kufa.’ ”

2 Bakyabazinga 20:1

Agho mu biseera ebyo, Hezekia yalwala inho kumpi afe. Omulanzi Isaia mutabane wa Amozi yaajaayo okumubona, yaamukoba ati: “Musengwa Katonda akoba ati, ‘Tegeka eby'omu ndhu yo bukalamu, kuba oja kufa, toidha kuwona.’ ”

2 Bakyabazinga 5:21

Kale Gehazi oyo yaalumuukirira Naamani. Naamani bwe yabona omuntu ali kumulumuukirira ng'amuvaaku einhuma, yaava mu kigaali eky'omu lutalo okumubona. Yaamubuuza ati: “Eriyo ekizibu?”

2 Bakyabazinga 8:10

Elisha yaamwiramu ati: “Iwe ja omukobe oti, ‘Bwenebwene oidha kuwona.’ Aye mu butuufu nze Musengwa Katonda andholeike ng'aidha kufa.”

2 Bakyabazinga 8:8

yaakoba Hazaeli ati: “Twala ekirabo, oje obone omuntu wa Katonda, obite mu oyo weebuuze ku Musengwa Katonda oba nga nnaawona obulwaire buno.”

Zabbuli 132:3

Yakoba ati: “Tiidha kuja ka, waire okungira mu buliri bwange;

Ensambo 11:19

Ole eyeekalangulira ku butuufu aghangaala, aye ole ajiira ku kukola ebibi yeita mwene.

Ezekieli 14:4

“Agho ni yogera nabo, obakobe oti nze Musengwa Katonda nkoba nti: Omuntu yeenayeena ow'omu ighanga Isiraeli aghaayo omwoyo gwe okusinza ebitali nze Katonda, era n'abijiiraku ni bimuleetera okukola ebibi, memale kabiri n'aidha okwebuuza ku mulanzi, nze Musengwa Katonda mwene, ninze ndimwiramu mu nsambo egwaniire obungi obw'ebisinzibwa ebitali Katonda omuntu oyo by'ajiiraku.