2 Bakyabazinga 1:10 - Baibuli Ekibono kya Katonda 2014

¹⁰ Aye Eliya yairamu omusaadha oyo akulira abalwani amakumi ataanu, ati: “Oba nga ndi muntu wa Katonda, omuliro ka guve mu igulu gukwokye gukusaaniegho, iwe n'abaisirukale bo amakumi ataanu.” Era mu kiseera kyene ekyo, omuliro gwava mu igulu gwamusaaniagho n'abaisirukale be amakumi ataanu.

2 Bakyabazinga 1:10 ပူးပေါင်းရင်းမြစ်များ

1 Bakyabazinga 22:28

Agho Mikaia yaakoba ati: “Bw'oiranga obukalamu, nga koodhi Musengwa Katonda tayogereire mu nze.” Era yaayongeraku ati: “Imwe abantu mwenamwena, muwulire kye ndhogeire.”

2 Bakyabazinga 1:11

Agho kyabazinga yaatuma omusaadha owundi akulira abaisirukale amakumi ataanu, ng'ali n'abaisirukale be amakumi ataanu, yaaniina olusozi era yaakoba Eliya ati: “Muntu wa Katonda iwe, kyabazinga alagiire ati, ‘Va mangu ghaigulu ku lusozi, oike.’ ”

2 Ebyomubyanda 36:16

Aye baayeeyereza abakwenda ba Katonda baanhooma bye yabakoba, era baasekerera abalanzi be, okutuusa lwe baaleetera Musengwa Katonda oyo okubasungughalira ekibitiriire, nga tibakaasobola kuwona.

Yobu 1:16

Oyo yali akaayogera, owundi yaidha yaakoba ati: “Omuliro gwa Katonda gugwire nga guva mu igulu, gwazikiriza entaama n'abaayi ababaire nga bali kudhaaya; era nze zenka ninze mponiegho okwidha okukukobera.”

Zabbuli 105:15

ng'abakoba ati: “Ghatabaagho agema ku bantu bange be nasiiga omuzigo; abalanzi bange mutabakola kibi kyonakyona.”

Zabbuli 106:18

N'omuliro gwaika ku bantu abo, gwayokya abakozi b'ebibi abo.

Danieli 3:22

Olw'okuba kyabazinga yalagira bakume ekikoomi kigeigere inho omuliro, enimi edh'omuliro dhaakomba dhaita abasaadha abaatwala Shaduraka, ni Meshaki, ni Abedinego, okubasuula mu kikoomi ekyo.

Danieli 3:25

Yaakoba ati: “Aye lwaki ndi kubona abasaadha bana abali kutambulira ghagati mu muliro nga ti basibe, era nga baziraku kabi kabatuuseeku naire? Ate owokuna afaanana ng'oti malaika!”

Danieli 6:24

Kyabazinga yaalagira baaleeta abasaadha bale abaaghaayiriza Danieli, baabasuula mu kiina ekyo omwali empologoma, ghalala ni bakazi baibwe, n'abaana baibwe. Era baabanga bakaali na kutuuka ku ntobo ya kiina ekyo, ng'empologoma dhaabamemeine ira amagumba goonagoona.

Abalevi 10:2

Amangu ago Musengwa Katonda yaasindika omuliro, gwabookya, baafiira mu maiso ge.

Okubala 11:1

Agho abantu beemuluguunhiza Musengwa Katonda ng'abawulira, olw'ebizibu ebyabatuukaku. Musengwa Katonda bweyabawulira, obusungu bwe bwabatumbukiraku ng'oti muliro. Agho omuliro gwa Musengwa Katonda oyo gwabaakiramu era gwayokya oluuyi olusembayo olw'ekifo ghe baasimba weema dhaibwe.

Okubala 16:35

Agho Musengwa Katonda yaasindika omuliro gwayokya abantu ebikumi ebibiri n'ataanu abaali nga bali kuniosa obubbaani.

Matayo 21:41

Baamukoba bati: “Abakozi ababi abo, abatemo alibazikiriza bubi inho, era eisamba yaalitaamu abakozi abandi abalimugha ebibala mu biseera byabyo.”

Luka 9:54

Abeegeresebwa be, Yakobo ni Yoanne bwe baabona ekyo, baakoba bati: “Musengwa, wandyenze tulagire omuliro guve mu igulu gubazikirize?”

Ebikolwa by'Abatume 12:19

Herode bwe yamwagala n'atamubona yaawozesa abaisirukale, yaalagira babaite. Agho Herode yaava e Buyudaaya yaikirira e Kaisaria yaaba eyo.

Abaheburayi 12:29

kuba Katonda waife muliro gwene oguzikiriza.

Okwolekebwa 11:5

Bwe ghabaagho ayenda okubakolaku akabi, omuliro gubava mu kanwa gwasiriiza abazigu baibwe. Kiisi ayenda kubakola kabi, atyo bw'alifa.