1 Yoanne 5:3 - Baibuli Ekibono kya Katonda 2014

³ kuba okugonza Katonda n'okuwulira ebiragiro bye, ate ebiragiro bye ti bikalangafu.

1 Yoanne 5:3 ပူးပေါင်းရင်းမြစ်များ

2 Bakyabazinga 18:6

Yaagumiranga ku Musengwa Katonda aghazira kumuvaaku naire, era yaagemanga ebiragiro Musengwa Katonda oyo bye yalagira Musa.

Zabbuli 119:140

Ebisuubizo byo byesigika, era nze omugheereza wo mbigonza inho!

Zabbuli 119:45

Era ndidha kutambulanga nga neetaaya, kuba nfuba inho okujiira ku mateeka go ago.

Okuvaayo 20:6

Aye abantu enkumi n'enkumi abangonza, ni bagondera ebiragiro byange, mbooleka okugonza okutakoma.

Ensambo 3:17

Amagezi galeetera omuntu okuba mu bulamu obukalamu, era gaamuleetera okububaamu mu miraala.

Danieli 9:4

Naasaba Musengwa Katonda wange oyo nga ndhatula ebibi eby'abantu bange. Naakoba nti: “Musengwa Katonda wange, oli mukologho era ow'entiisa. Iwe okuuma endagaano yo era waagonza obutalekera abo abakugonza ni bagema ebiragiro byo.

Mika 6:8

Busa, Musengwa Katonda yatukobera ekikalamu kye tube tukole, era ni kino: Ayenda tukolenga ebintu mu butuufu, twolekenga okugonza okutakoma, era tumusinzenga nga tuli bawombeefu.

Matayo 23:4

Basiba emigugu emizito, egiteetwikika baagitwika abantu, ate nga beene tibenda na kugigemaku.

Yoanne 14:15

“Oba nga mungonza, mugemenga ebiragiro byange.

Yoanne 15:10

Bwe muwulira ebiragiro byange mwidha kwekalangulira mu mukwano gwange oti ninze bwe mpulira ebiragiro bya Lata wange ni neekalangulira mu mukwano gwe.

Yoanne 15:14

Bwe mukola bye mbalagira muba bakagwa bange.

Ab'e Roma 7:12

Kale ni Amateeka ku bwago matukuvu n'ekiragiro kitukuvu kya mazima era kikalamu.

Ab'e Roma 7:22

Mu mwoyo gwange nsangaalira eiteeka lya Katonda.

Amateeka Agokubiri 5:10

Aye ndholeka okugonza okutakoma eri abantu enkumi n'enkumi abangonza, ni bagondera ebiragiro byange.

Amateeka Agokubiri 7:9

Agho ni, mukimanhe nga Musengwa Katonda waimwe ni Katonda yenka era nga mwesigwa. Akuuma endagaano n'abantu ab'ense n'ense abamugonza era ni bakuuma ebiragiro bye, era abagonza obutalekera.

Abaheburayi 8:10

Eno n'endagaano ye ndikola n'abantu ba Isiraeli: Musengwa ayogera ati Mu biseera ebiri kwidha, ndita amateeka gange mu bidhuubo byaibwe, era ndigaghandiika mu myoyo gyaibwe. Ndiba Katonda waibwe, boona baaba bantu bange.

1 Yoanne 2:3

Bwe tugema ebiragiro bya Katonda tuba tukakasa nga tumwidhi.

2 Yoanne 1:6

Ate okugonza kitegeeza okutambula nga tujiira ku biragiro bye. Ekiragiro ni kino, era nga bwe mwawulira okuviira irala mu kwinhama, mugonzanienga.